Stiftinga Musea I Sogn Og Fjordane

Måløy

Annette Langedal Holme

museumsleiar

<h2>Med oss fer du rikare!</h2>Vi i Musea i Sogn og Fjordane søkjer deg som vil bruke delar av sommaren din hos oss i fantastiske omgjevnader på Vågsberget ved Måløy i Kinn kommune. Etter ein sommar hos oss fer du rikare: Du har arbeidd saman med og blitt kjend med kjekke kollegaer, du har lært om kulturhistoria vår, du har fått relevant arbeidserfaring, du har møtt mange menneske og opplevd vestlandsnaturen i all slags vêr! <h2>Om stillinga</h2>Vi søkjer engasjerte sommarvertar som vil vere med på å gi besøkande ei minneverdig museumsoppleving sommaren 2026. På Vågsberget handels- og gjestgjevarstad formidlar vi historia om enorme rikdommar, stor naud og ein god handel.Som sommarvert er du museets ansikt utad og ein viktig del av møtet mellom publikum og historia. Du ønskjer gjestar frå inn- og utland velkomen, gir informasjon og bidreg til at alle får eit triveleg, lærerikt og inspirerande besøk.Som sommarvert hos oss vil du ha ei vertskapsrolle med varierte oppgåver:<ul><li>Vertskap og publikumsmottak</li><li>Billettsal, resepsjon og informasjon</li><li>Museumsbutikk og kafé</li><li>Omvising for turistgrupper og andre besøkande</li><li>Synleggjering av museet, mellom anna i SoMe</li><li>Praktiske oppgåver knytt til dagleg museumsdrift</li></ul>Vi ser etter deg som:<ul><li>er fødd seinast i 2008</li><li>kan uttrykke deg munnleg på norsk, engelsk og gjerne tysk</li><li>trivst i ei vertskaps- og omvisarrolle</li><li>har interesse for og likar å formidle kulturhistorie</li><li>har erfaring med SoMe</li><li>tilpassar deg og trivast med variasjon i arbeidsoppgåver</li><li>stiller opp og er til å lite på</li><li>har ordenssans og får ting gjort</li></ul>Tidlegare erfaring frå service, museum, reiseliv eller formidling er ein fordel, men ikkje eit krav – du får opplæring. <h2>Praktisk informasjon om stilling og søknad</h2>Som sommarvert hos oss vil du få god opplæring både på museet, og som deltakar på eit digitalt INTRO-program for alle sommarvertar i Musea i Sogn og Fjordane. Du må derfor ha høve til å setje av tid til dette laurdag 25. april. Arbeidet på museet følgjer vaktplan, normalt med arbeidstid mellom 09:00-17:30 tysdag til søndag i perioden 15.06.2026-16.08.2026. I tillegg vil det vere vakter i samband med cruise-anløp og arrangement til andre tider, primært i perioden mai-september.  Vi oppmodar kvalifiserte kandidatar om å søkje uavhengig av kjønn, funksjonsevne og kulturell bakgrunn. Søknad registrerer du via lenke på denne sida. CV, vitnemål og attestar skal du laste opp under &#34;Vedlegg&#34;. Vi gjer merksam på at søkarlista kan bli kravd gjort offentleg.Nærare opplysningar får du ved å vende deg til museumsleiar, sjå kontaktinfo nedst på denne sida. Ved spørsmål som gjeld elektronisk søknadsskjema kan du ta kontakt med Jobbnorge på tlf. 75 54 22 20 eller kundeservice&#64;jobbnorge.no kvardagar mellom 08:00-16:00.

Sommarvert på Vågsberget