Stiftinga Musea I Sogn Og Fjordane

Vassenden

Solveig Berg Lofnes

Museumsleiar

<h2>Med oss fer du rikare!</h2>Vi i Musea i Sogn og Fjordane søkjer deg som vil bruke delar av sommaren din hos oss i fantastiske omgjevnader i Jølster. Vi har behov for sommarvertar på begge sider av vatnet, både på Astruptunet og på Eikaasgalleriet.Vi håpar at du etter ein sommar hos oss fer rikare vidare på din veg: Du har fått relevant arbeidserfaring, du har arbeidd saman med og blitt kjend med kjekke kollegaer, du har lært om kulturhistoria vår, du har møtt mange menneske og opplevd vestlandsnaturen i all slags vêr! <h2>Om stillinga</h2>Sommaren er ei travel tid på musea, med mange besøkande som vil oppleve utstillingar, og det museet har å by på inne og ute. Som sommarvert spelar du ei viktig rolle i sesongavviklinga, og du vil ta del i å løyse mange oppgåver på museet, både åleine og saman med andre. Som sommarvert hos oss vil du ha ei vertskapsrolle der du:<ul><li>tek imot besøkande på museet</li><li>har førstelinjeteneste i resepsjon (telefon og billettsal)</li><li>driv salg og varehandtering i butikk og kafe</li><li>går omvisingar med besøkande</li><li>har enkle administrative oppgåver</li><li>handlar og hentar vare til kafe</li><li>har enkle reinhalds- og skjøtselsoppgåver inne- og ute</li></ul>Vi ser etter deg som:<ul><li>er flink til å uttrykke deg munnleg på norsk og engelsk</li><li>trivst i ei vertskaps- og omvisarrolle</li><li>har interesse for og likar å formidle kulturhistorie</li><li>tilpassar deg og trivast med variasjon i arbeidsoppgåver</li><li>stiller opp og er til å lite på</li><li>har ordenssans og får ting gjort</li><li>er mobil og kan jobbe på begge stader, samt jobbe utanfor høgsesong ved behov</li><li>vi ønskjer søkjarar i alle aldrar!</li></ul> <h2>Praktisk informasjon om stilling og søknad</h2>Som sommarvert hos oss vil du få god opplæring både på museet, og som deltakar på eit digitalt INTRO-program for alle sommarvertar i Musea i Sogn og Fjordane. Du må derfor ha høve til å setje av tid til dette laurdag 25. april. Astruptunet og Eikaasgalleriet har sesongdrift gjennom sommarmånadene, med varierte opningstider.Astruptunet har ope dagleg frå slutten av mai til midten av august, med forlengde opningstider på onsdagar. I denne perioden blir det òg halde faste omvisingar fleire gonger dagleg. Frå midten av august går Astruptunet over til redusert sesong med ope tysdag–søndag, og i september er det helgeope og kveldsopne onsdagar fram til sesongslutt i slutten av månaden.Eikaasgalleriet har helgeope i slutten av mai og byrjinga av juni, og går deretter over til dagleg ope i juni og juli. Frå 1. til 9. august er det dagleg ope med noko kortare opningstid. Utanom sesong er galleriet ope for omvisingar etter avtale. Arbeid følgjer vaktplan etter opningstider. Merk - mogleg behov ved bestilling og arrangement. Vi ønskjer at du merkar din søknad med kva tidsperiodar du kan jobbe, og om du har noko preferanse på museum. Vi prioriterer dei som kan arbeide helg i skuldersesong og dei som er over 18 år. Vi oppmodar kvalifiserte kandidatar om å søkje uavhengig av kjønn, funksjonsevne og kulturell bakgrunn. Søknad registrerer du via lenke på denne sida. CV, vitnemål og attestar skal du laste opp under &#34;Vedlegg&#34;. Vi gjer merksam på at søkarlista kan bli kravd gjort offentleg.Nærare opplysningar får du ved å vende deg til museumsleiar, sjå kontaktinfo nedst på denne sida. Ved spørsmål som gjeld elektronisk søknadsskjema kan du ta kontakt med Jobbnorge på tlf. 75 54 22 20 eller kundeservice&#64;jobbnorge.no kvardagar mellom 08:00-16:00.

Sommarvert på Astruptunet og Eikaasgalleriet