Stiftinga Jærmuseet

Sola

Lars Aalgaard Kingsrød

Driftskoordinator

<h2>Bli ein av våre pålitelege vertar på Flyhistorisk Museum Sola</h2><p>Flyhistorisk Museum Sola søker deg som trivst med å ta ansvar, skapa orden og halda ting i god flyt. Har du erfaring eller interesse for kafé- og kjøkkenarbeid, er det eit stort pluss.</p><p><strong>Arbeidsoppgåver:</strong></p><ul><li>Vertskap i utstillingar som formidlar fly- og krigshistorie</li><li>Kafédrift og matlaging</li><li>Resepsjon og butikk</li><li>Halde orden i utstillingar og fellesareal</li><li>Lett reinhald</li><li>Stell av uteområde</li></ul><p>Vi ser etter deg som er strukturert, ryddig og serviceinnstilt, og som liker ein variert arbeidsdag.</p><p><strong>Arbeidstid:</strong><br />Laurdag og sundag (ca. 5 timar) i sesongen påske–november, samt tysdag–sundag i skuleferiar.</p><p>Passar for studentar, vidaregåandeelevar og andre interesserte. Søk gjerne snarast - me vurderer søknadar løpande. </p><p>Oppstart/opplæring: I løpet av juli månad.</p><br /><h2>Flyhistorisk Museum Sola - der historiane landar</h2><p>På Flyhistorisk Museum Sola kjem du tett på luftfartas eventyr. Her står over 30 historiske fly samla i ein autentisk hangar frå andre verdskrig – ei tidskapsel der du kan kjenne lukta av olje og motorar, og sjå korleis teknologi og mot har forma historia. Museet løftar fram den rike lokale flyhistoria knytt til Stavanger lufthavn, ei reise gjennom utvikling, dramatiske hendingar og sterke personhistorier.</p><p>Den nye utstillingshallen opnar dørene til ei verd av jagarfly og dei fascinerande forteljingane bakom – alt frå piloten sine perspektiv til maskinen sine tekniske fakta. I Torpedoverkstedet får du på nært hald møte menneska frå krigsåra og høyre dei personlege historiene som gjer historia levande.</p><p>Foajeen vår er blitt det naturlege stoppunktet etter ei spanande reise. Her kan du pusta ut, nyta ein matbit og la inntrykka landa. Kanskje byr butikken på ei ny flybok til å ta med heim, eit aktivitetssett som vekkjer nysgjerrigheita – eller rett og slett gleda av å følgja flya som set kursen inn mot rullebana utanfor vindauget.</p><br /><h2>Kva bør søknaden din innehalda?</h2><p>For at me skal få eit best mogleg grunnlag for å vurdera deg som kandidat, rår vi deg til å inkludere dette i søknaden:</p><ul><li>Kvifor du meinar at du passar godt inn i rolla som vert</li><li>Kva som motiverer deg til å søkje på denne stillinga, og kvifor du ønskjer å jobbe akkurat hos oss</li><li>Om du har relevant erfaring frå andre jobbar eller frivillige verv</li><li>Skriv gjerne litt om deg sjølv og kva hobbyar eller fritidsinteresser du har</li><li>Anna du meiner er relevant for stillinga eller vurderinga av søknaden din</li></ul><br /><h2>Du passar godt i rolla dersom du:</h2><ul><li>Er nysgjerrig på flyhistorie og/eller krigshistorie – det gjer formidlinga ekstra god</li><li>Liker matlaging og kafédrift</li><li>Trivst med å jobba sjølvstendig og tek ansvar når det trengst</li><li>Er utadvendt, imøtekomande og glad i å møta nye menneske</li><li>Kosar deg i vertskapsrolla og gir publikum ein varm velkomst</li><li>Set deg inn i faget eller historiene du skal formidla, og gir dei liv</li><li>Kan formidla både på norsk og engelsk - og kanskje òg på tysk</li><li>Fyller minst 16 år i løpet av 2026</li></ul><br /><h2>Dette tilbyr me:</h2><ul><li>God opplæring - du skal føla deg trygg i rolla</li><li>Arbeidstid etter oppsett arbeidsplan for vertar</li><li>Løn etter tariffavtale</li><li>Gratis inngang på alle Jærmuseet sine anlegg</li></ul><br /><h2>Rekrutteringsprossen vår</h2><p>Me ønskjer ein ryddig og rettferdig prosess der alle kandidatar får god og likeverdig behandling. Som jobbsøkjar hjå oss kan du forventa følgjande:</p><ul><li>Me les og vurderer alle søknadar løpande</li><li>Aktuelle kandidatar blir invitert til intervju</li><li>Referansesjekk blir gjort etter intervju, men før endeleg innstilling</li><li>Alle søkjarar får tilbakemelding</li></ul><p><strong>Til slutt:</strong></p><ul><li>Me legg vekt på at den me tilset skal vera personleg eigna for stillinga</li><li>Den som blir tilsett må levera godkjent politiattest før oppstart</li></ul><br /><h2>Mangfald og tilrettelegging</h2><p>Me trur at ulike perspektiv gjer oss sterkare, og me ønskjer ein arbeidsplass der mangfald er ein naturleg del av kvardagen. Difor oppfordrar me alle kvalifiserte kandidatar - uavhengig av bakgrunn - til å søkja.</p><p>Alle søkjarar blir vurderte ut frå kompetanse og erfaring, uavhengig av kjønn, alder, funksjonsevne eller etnisk bakgrunn.</p><p><strong>Har du spørsmål eller behov for tilrettelegging?</strong></p><p>Me vil at du skal få vist deg frå di beste side. Dersom du har spørsmål om prosessen eller treng tilrettelegging, er du hjarteleg velkommen til å ta kontakt med oss. Me finn gode løysingar saman.</p><br />

Vert til Flyhistorisk Museum Sola