Statsforvaltaren I Vestland

Bergen

Kristine Hansen

Fungerande assisterande seksjonsleiar

Jeaneth Bjørndal

Fungerande seksjonsleiar

<h2>Om stillinga</h2><p>Statsforvaltaren er lokal verjemålsmyndigheit og har ansvaret for verjemålssakene i fylket. Vi har i dag ansvaret for om lag 7 700 aktive saker.</p><p>Verjemål er eit breitt og samansett fagfelt, med oppgåver innan m.a. rettsområda arv- og skifterett, barnerett, forvaltningsrett og sivilprosess. Vi fremjar saker for domstolane om fråtaking av rettsleg handleevne, og har rett til å vere sjølvprosederande. Vi forvaltar også midlar på vegner av barn og vaksne i Vestland fylke. Som førstelineteneste har vi i tillegg ansvar for å rettleie publikum om verjemålsordninga og dei private alternativa til verjemål.</p><p>Utdannings- og verjemålsavdelinga har tre seksjonar, ein verjemålsseksjon og to utdanningsseksjonar, alle med tilsette både på Leikanger og i Bergen. Verjemålsseksjonen har i dag 26 tilsette med juridisk, økonomisk, samfunnsfagleg og administrativ kompetanse.</p><p>Verjemålsseksjonen har no ledig ein fast stilling som rådgjevar med kontorstad Bergen.</p><br /><h2>Arbeidsoppgåver</h2><ul><li>Oppretting av verjemål for vaksne</li><li>Oppnemning av verje for mindreårige</li><li>Rettleiing til publikum på telefon</li><li>Andre sakshandsamingsoppgåver kan bli tildelte etter avtale med seksjonsleiar</li></ul><br /><h2>Kvalifikasjonar</h2><ul><li>Utdanning innan rettsvitskap eller sosialt arbeid, på bachelornivå eller høgare</li><li>Erfaring frå sakshandsaming og offentleg forvaltning</li><li>Erfaring frå skriftleg og munnleg formidlingsarbeid </li></ul><br /><h2>Personlege eigenskapar</h2><p>Vi ønskjer deg som</p><ul><li>er samfunnsengasjert og har interesse for arbeid med menneske</li><li>har gode munnlege kommunikasjonsferdigheiter og god skriftleg framstillingsevne på både nynorsk og bokmål</li><li>har evne til å arbeide strukturert, effektivt og fullføre enkeltoppgåver i ein hektisk arbeidskvardag</li><li>kan arbeide sjølvstendig, men samtidig delta i drøftingar og samarbeid med andre ved behov.</li></ul><br /><h2>Som tilsett hos Statsforvaltaren får du</h2><ul><li>interessante arbeidsoppgåver</li><li>eit kompetent og tverrfagleg arbeidsmiljø</li><li>ein arbeidsplass i utvikling</li><li>medlemskap i Statens pensjonskasse med god pensjonsordning, gunstig bustadlån og forsikringsordning</li><li>trening i arbeidstida</li><li>delvis heimekontor </li><li>fleksibel arbeidstid</li><li>løn i samsvar med vår lokale lønspolitikk</li></ul><p><a href="https://www.statsforvalteren.no/nn/vestland/om-oss/vil-du-jobbe-hos-oss/" rel="nofollow">Vil du jobbe hos oss? | Statsforvaltaren i Vestland</a></p><br /><h2>Vi ønskjer mangfald</h2><p>Statsforvaltaren ønskjer mangfald, og vil leggje til rette for eit inkluderande arbeidsliv. Aktuell tilrettelegging kan for eksempel vere tekniske hjelpemiddel, tilpassing av møblar eller endringar av rutinar, arbeidsoppgåver og arbeidstid. </p><p>Vi meiner at inkludering og mangfald er ein styrke. Vi ønskjer tilsette med ulik kompetanse, fagkombinasjonar, livserfaring og perspektiv for å bidra til endå betre oppgåveløysing.</p><p>Vi oppmodar alle kvalifiserte kandidatar til å søkje utan omsyn til alder, kjønn, nasjonal eller etnisk bakgrunn, funksjonsevne eller hol i CV-en. Vi oppmodar om å krysse av i jobbsøkjarportalen dersom du har nedsett funksjonsevne, hol i CV-en eller innvandrarbakgrunn. Dersom det er kvalifiserte søkjarar frå desse gruppene kallar vi inn minst ein søkjar i kvar av gruppene til intervju. </p><br /><h2>Vilkår</h2><p>Alle som søkjer stillinga må søkje digitalt gjennom rekrutteringsportalen Jobbnorge. Du må laste opp relevante vitnemål og attestar. Vitnemål og/eller karakterutskrifter hentar du frå vitnemålsportalen i Jobbnorge. Har du utdanning frå utlandet legg du ved godkjenning frå <a href="https://hkdir.no/utdanning-fra-utlandet" rel="nofollow">HK-dir</a>. </p><p>Når søknadsfristen er ute, vurderer vi søknaden din på bakgrunn av informasjonen du har sendt oss. Det er derfor viktig at du både i søknadsbrevet og CV-en, viser korleis kompetansen din fyller krava som er sett i utlysinga. </p><p>Stillinga er lønna i stillingskode 1434 rådgjevar, frå kr 550 000–680 000 brutto per år ut frå kvalifikasjonar og lokal lønnspolitikk. </p> <p>Dei første seks månadane er prøvetid. Du kan lese meir om det i <a href="https://www.regjeringen.no/no/dokumenter/statens-personalhandbok/id3081747/" rel="nofollow">statens personalhandbok</a>.</p><p>Tenestemålet til embetet er nynorsk.</p><p>Offentleg søkjarliste blir utarbeidd etter søknadsfrist. Dersom du ønskjer å reservere deg frå oppføring må du grunngje dette. Du får varsel om reservasjon i rekrutteringsportalen dersom reservasjon ikkje blir teken til følgje.</p><br />

Rådgjevar – verjemål