Statsforvaltaren I Vestland

Leikanger

Eline Orheim

Seksjonsleiar

<h2>Om stillinga</h2><p>Dette er ei unik moglegheit for deg som vil ta del i eit sterkt fagmiljø og bidra til å ta vare på viktig natur og naturverdiar i Vestland.</p><p>Statsforvaltaren i Vestland søkjer etter to engasjerte økologar/biologar/naturforvaltarar for å styrke fagmiljøet vårt i Leikanger og Bergen. </p><p>Miljøavdelinga vert leia frå Bergen, og har 42 tilsette i to seksjonar; naturmangfald og forureining. </p><p>Kontorstad for stillingane er Bergen eller Leikanger.</p><br /><h2>Arbeidsoppgåver</h2><ul><li>Arbeid med verneområdeforvaltning, utgreiing av nytt vern og oppfølging av verneprosessar.</li><li>Planlegge og gjennomføre naturrestaureringsprosjekt .</li><li>Arbeid med rovvilt og villreinoppgåver, og vareta sekretærfunksjon for rovviltnemnd og villreinnemnder.</li><li>Sakshandsaming innan seksjonen sitt ansvarsområdet.</li><li>Informasjon, rettleiing og fagleg formidling.</li></ul><p>Andre oppgåver kan og bli aktuelle, alt etter kva oppgåver som er prioriterte, og kva erfaring og kompetanse søkjarane har.</p><br /><h2>Kvalifikasjonar</h2><ul><li>Naturfagleg utdanning på masternivå (lang relevant erfaring kan kompansere for utdanningskravet)</li><li>Førarkort klasse B</li><li>God skriftleg og munnleg framstillingsevne på norsk (nynorsk)</li></ul><p>Det er ønskjeleg med erfaring frå eitt eller fleire av desse områda:  </p><ul><li>Offentleg naturforvaltning</li><li>Prosjektleiing eller koordinering av arbeid</li><li>NiN-kartlegging, klima, naturbaserte løysingar, naturrestaurering, villrein, rovvilt, GIS-system, formidling.  </li></ul><br /><h2>Personlege eigenskapar</h2><p>Vi ser etter deg som</p><ul><li>arbeider strukturert og sjølvstendig, og leverer i tide</li><li>er initiativrik, fleksibel og positivt innstilt til å arbeide med ulike oppgåver innan naturforvaltning</li><li>har god rolleforståing og svært gode samarbeidsevner </li><li>kommuniserer godt med kollegaer og eksterne aktørar.</li></ul><br /><h2>Som tilsett hos Statsforvaltaren får du</h2><ul><li>interessante arbeidsoppgåver</li><li>eit kompetent og tverrfagleg arbeidsmiljø</li><li>ein arbeidsplass i utvikling</li><li>medlemskap i Statens pensjonskasse med god pensjonsordning, gunstig bustadlån og forsikringsordning</li><li>trening i arbeidstida</li><li>delvis heimekontor </li><li>fleksibel arbeidstid</li><li>løn i samsvar med vår lokale lønspolitikk</li></ul><p><a href="https://www.statsforvalteren.no/nn/vestland/om-oss/vil-du-jobbe-hos-oss/" rel="nofollow">Vil du jobbe hos oss? | Statsforvaltaren i Vestland</a></p><br /><h2>Vi ønskjer mangfald</h2><p>Statsforvaltaren ønskjer mangfald, og vil leggje til rette for eit inkluderande arbeidsliv. Aktuell tilrettelegging kan for eksempel vere tekniske hjelpemiddel, tilpassing av møblar eller endringar av rutinar, arbeidsoppgåver og arbeidstid. </p><p>Vi meiner at inkludering og mangfald er ein styrke. Vi ønskjer tilsette med ulik kompetanse, fagkombinasjonar, livserfaring og perspektiv for å bidra til endå betre oppgåveløysing.</p><p>Vi oppmodar alle kvalifiserte kandidatar til å søkje utan omsyn til alder, kjønn, nasjonal eller etnisk bakgrunn, funksjonsevne eller hol i CV-en. Vi oppmodar om å krysse av i jobbsøkjarportalen dersom du har nedsett funksjonsevne, hol i CV-en eller innvandrarbakgrunn. Dersom det er kvalifiserte søkjarar frå desse gruppene kallar vi inn minst ein søkjar i kvar av gruppene til intervju. </p><br /><h2>Vilkår</h2><p>Alle som søkjer stillinga må søkje digitalt gjennom rekrutteringsportalen Jobbnorge. Du må laste opp relevante vitnemål og attestar. Vitnemål og/eller karakterutskrifter hentar du frå vitnemålsportalen i Jobbnorge. Har du utdanning frå utlandet legg du ved godkjenning frå <a href="https://hkdir.no/utdanning-fra-utlandet" rel="nofollow">HK-dir</a>. </p><p>Når søknadsfristen er ute, vurderer vi søknaden din på bakgrunn av informasjonen du har sendt oss. Det er derfor viktig at du både i søknadsbrevet og CV-en, viser korleis kompetansen din fyller krava som er sett i utlysinga. </p><p>Stillinga er lønna i stillingskode 1434 rådgjevar/1364 seniorrådgjevar, frå kr 610 000–770 000 brutto per år ut frå kvalifikasjonar og lokal lønnspolitikk. Stilling som seniorrådgjevar har strenge krav til kompetanse.  For særskilt kvalifiserte søkjarar kan vi vurdere høgare lønn. </p> <p>Dei første seks månadane er prøvetid. Du kan lese meir om det i <a href="https://www.regjeringen.no/no/dokumenter/statens-personalhandbok/id3081747/" rel="nofollow">statens personalhandbok</a>.</p><p>Tenestemålet til embetet er nynorsk.</p><p>Offentleg søkjarliste blir utarbeidd etter søknadsfrist. Dersom du ønskjer å reservere deg frå oppføring må du grunngje dette. Du får varsel om reservasjon i rekrutteringsportalen dersom reservasjon ikkje blir teken til følgje.</p><br />

Rådgjevar/seniorrådgjevar – to faste stillingar innan naturmangfald