Statsforvaltaren I Vestland

Leikanger

Eline Orheim

Seksjonsleiar

<h2>Om stillinga</h2><p>Statsforvaltaren har seks avdelingar med ei brei oppgåveportefølje, og du vil få ein variert og spennande jobbkvardag hos oss.</p><p>Miljøvernavdelinga vert leia frå Bergen, og har 48 tilsette fordelt på to seksjonar, naturmangfald og forureining. Begge seksjonane er lokalisert både i Bergen og på Leikanger.</p><p>Naturmangfaldsseksjonen har no ledig eit halvtårsvikariat på kontorstad Leikanger. Det er ønskjeleg med oppstart så snart som råd.</p><h2>Arbeidsoppgåver</h2><p>Aktuelle arbeidsoppgåver er sakshandsaming innan seksjonen sitt ansvarsområde;</p><ul><li>verneområdeforvaltning</li><li>utgreiing av nytt vern</li><li>oppfølging av verneprosessar.</li></ul><p>Andre oppgåver kan bli aktuelt, alt etter kva oppgåver som er prioritert, og kva erfaring og kompetanse søkjar har.</p><h2>Kvalifikasjonar</h2><ul><li>Høgare naturfagleg utdanning frå universitet eller høgskule, som mastergrad eller tilsvarande</li><li>Erfaring frå offentleg naturforvaltning vil bli vektlagt</li><li>Førarkort klasse B</li></ul><p>Det er ønskjeleg med kjennskap til Elements.</p><h2>Personlege eigenskapar</h2><ul><li>Effektiv, strukturert og sjølvstendig</li><li>Fleksibel og positivt innstilt til å arbeide med ulike oppgåver innan naturforvaltning</li><li>Omgjengeleg i samarbeid med andre</li><li>Har god munnleg og skriftleg framstillingsevne på norsk (nynorsk)</li></ul><h2>Som tilsett hos Statsforvaltaren får du</h2><ul><li>interessante arbeidsoppgåver</li><li>eit kompetent og tverrfagleg arbeidsmiljø</li><li>ein arbeidsplass i utvikling</li><li>medlemskap i Statens pensjonskasse med god pensjonsordning, gunstig bustadlån og forsikringsordning</li><li>trening i arbeidstida</li><li>delvis heimekontor</li><li>fleksibel arbeidstid</li><li>løn i samsvar med vår lokale lønspolitikk</li></ul><p><a href="https://www.statsforvalteren.no/nn/vestland/om-oss/vil-du-jobbe-hos-oss/" rel="nofollow">Vil du jobbe hos oss? | Statsforvaltaren i Vestland</a></p><h2>Vi ønskjer mangfald</h2><p>Statsforvaltaren ønskjer mangfald, og vil leggje til rette for eit inkluderande arbeidsliv. Aktuell tilrettelegging kan for eksempel vere tekniske hjelpemiddel, tilpassing av møblar eller endringar av rutinar, arbeidsoppgåver og arbeidstid.</p><p>Vi meiner at inkludering og mangfald er ein styrke. Vi ønskjer tilsette med ulik kompetanse, fagkombinasjonar, livserfaring og perspektiv for å bidra til endå betre oppgåveløysing.</p><p>Vi oppmodar alle kvalifiserte kandidatar til å søkje utan omsyn til alder, kjønn, nasjonal eller etnisk bakgrunn, funksjonsevne eller hol i CV-en. Vi oppmodar om å krysse av i jobbsøkjarportalen dersom du har nedsett funksjonsevne, hol i CV-en eller innvandrarbakgrunn. Dersom det er kvalifiserte søkjarar frå desse gruppene kallar vi inn minst ein søkjar i kvar av gruppene til intervju.</p><h2>Vilkår</h2><p>Alle som søkjer stillinga må søkje digitalt gjennom rekrutteringsportalen Jobbnorge. Du må laste opp relevante vitnemål og attestar. Vitnemål og/eller karakterutskrifter hentar du frå vitnemålsportalen i Jobbnorge. Har du utdanning frå utlandet legg du ved godkjenning frå <a href="https://hkdir.no/utdanning-fra-utlandet" rel="nofollow">HK-dir</a>.</p><p>Når søknadsfristen er ute, vurderer vi søknaden din på bakgrunn av informasjonen du har sendt oss. Det er derfor viktig at du både i søknadsbrevet og CV-en, viser korleis kompetansen din fyller krava som er sett i utlysinga.</p><p>Stillinga er lønna i stillingskode 1434 rådgjevar, frå kr 570 000–680 000 brutto per år ut frå kvalifikasjonar og lokal lønnspolitikk.</p><p>Dei første seks månadane er prøvetid. Du kan lese meir om det i <a href="https://www.regjeringen.no/no/dokumenter/statens-personalhandbok/id3081747/" rel="nofollow">statens personalhandbok</a>.</p><p>Tenestemålet til embetet er nynorsk.</p><p>Offentleg søkjarliste blir utarbeidd etter søknadsfrist. Dersom du ønskjer å reservere deg frå oppføring må du grunngje dette. Du får varsel om reservasjon i rekrutteringsportalen dersom reservasjon ikkje blir teken til følgje.</p>

Halvtårsvikariat - naturmangfald