Statens vegvesen

Stord

Erik Wolff

Seksjonssjef

Monica Hagen Samsonsen

Kontorsjef

<h2>Om stillinga</h2>Om stillinga Utekontrollavdelinga i Statens vegvesen har ansvar for å kontrollere køyretøy og trafikantar langs vegen. Vi jobbar for at ingen skal bli drepne eller hardt skadde i trafikken, og at transportbransjen får like konkurransevilkår.Om du blir tilsett, må du gjennomføre den modulbaserte opplæringa vår. Dette er ei samlingsbasert opplæring og e-læring med praksisrettleiing på eigen arbeidsplass. <h2>Arbeidsoppgåver</h2>Du skal jobbe med teknisk kontroll av køyretøy langs vegen, i hovudsak tunge køyretøy. For å luke ut trafikkfarlege køyretøy og sjåførar samarbeider vi også med politiet, tollvesenet, arbeidstilsynet og andre offentlege etatar. I tillegg til å kontrollere køyretøy skal du jobbe med saksbehandling og administrative oppgåver. Som utekontrollør er du ansiktet vårt utetter, og må forvalte lov og forskrift i direkte dialog med sjåførar. Samtidig som du varetek styresmaktsrolla, må du sjå det som ei positiv utfordring å møte folk på ein god måte. Det er derfor vesentleg at du har evne og motivasjon til å setje deg inn i og forvalte regelverket. Du jobbar etter fastsett turnus, og noko av arbeidstida er på kveld, natt og helg. Stillinga inneber reiseverksemd. <a href="https://www.vegvesen.no/om-oss/jobb/medarbeiderne-vare-forteller/utekontrollor/" rel="nofollow">Jobben som utekontrollør betyr mye for mange | Statens vegvesen</a> <h2>Kvifor skal du velja oss?</h2>Som tilsett i Statens vegvesen blir du ein del av eit solid og kunnskapsdelande fagmiljø. Hos oss får du mange moglegheiter gjennom å bli ein del av ei landsdekkjande, solid og viktig verksemd. Samtidig er det også opp til deg å bidra til rørsle og kontinuerlig utvikling – både for deg sjølv og for oss. Vi jobbar for alle – for deg og meg – og har ein reell påveknad på folks kvardag. Du får ansvarsfulle oppgåver og høve til fagleg og personleg utvikling. Vi tek godt imot deg i eit godt arbeidsmiljø over heile landet.Vi tilbyr deg også desse goda:<ul><li>Gode ordningar for avspasering – vi veit at balansen mellom arbeid og fritid er viktig, og vi tilbyr fleksible arbeidstider.</li><li>God pensjonsordning og lån – trygg fremtid med gode pensjonsordningar og gunstige lån.</li><li>Trening i arbeidstida – moglegheiter for trening i arbeidstida eller støtte til treningsaktivitetar.</li><li>Fagleg påfyll – mange moglegheiter for kurs og vidareutdanning.</li></ul>Lønna di blir avtalt i samsvar med lønnspolitikken vår. <h2>Kvalifikasjonskrav</h2>Du må ha <ul><li>fagbrev som mekanikar tunge køyretøy, eventuelt fagbrev landbruks- eller anleggsmaskin </li><li>førarkort i klasse B, og dessutan fylle vilkåra for førarrett i resten av førarkortklassane </li><li>god munnleg og skriftleg framstillingsevne på norsk </li><li>munnleg framstillingsevne på engelsk </li><li>god erfaring med bruk av digitale verktøy </li></ul>Det er ein fordel om du har <ul><li>fagskule bil- eller maskinteknikk, eller har utdanning som maskiningeniør </li><li>gjennomført og bestått kurs i periodisk køyretøykontroll (PKK), godkjent av bilbransjen </li><li>førarkort i klassane CE og DE</li><li>god munnleg og skriftleg framstillingsevne på fleire språk</li></ul>Dersom du har teke heile eller delar av utdanninga di i utlandet, tilrår vi ei autorisert omsetjing av papira og godkjenningane dine frå HKDIR (https:hkdir.no/utdanning-fra-utlandet).Personlege eigenskapar:  I tillegg til faglege kvalifikasjonar, leitar vi også etter rette eigenskapar, haldningar og motivasjon. Til denne stillinga er vi på utkikk etter ein kollega som har desse eigenskapane: <ul><li>kommuniserer godt med andre </li><li>er roleg og snarrådig i krevjande situasjonar </li><li>samarbeider godt og er ein god lagspelar </li><li>har ein høg etisk standard og er lojal og pliktoppfyllande </li><li>har evne til å jobbe sjølvstendig, systematisk og nøyaktig etter rutinar </li><li>er ein bidragsytar til eit godt arbeidsmiljø</li></ul>Som tilsett i Statens vegvesen er det dessutan viktig at du er tryggingsmessig skikka og har god dømmekraft, pålitelegheit og lojalitet. <h2>Om søknadsprosessen</h2>Krav til søknadenVi har gjort det enklare for deg! I staden for eit tradisjonelt søknadsbrev, ber vi deg svare på nokre relevante spørsmål. Hugs å fyll ut felta for &#34;Utdannelse&#34; og &#34;Arbeidserfaring&#34;, og last opp vitnemåla dine og eventuelle attestar. Dette hjelper oss med å få eit godt bilete av bakgrunnen og kvalifikasjonane dine.Testar og bakgrunnssjekkFor å sikre at vi finn den beste kandidaten, kan vi bruke arbeidspsykologiske testar som ein del av rekrutteringsprosessen vår. Desse testane gir oss innsikt i eigenskapane og ferdigheitene dine, og hjelper oss med å gjere ei rettferdig og objektiv vurdering, slik at vi finn den best kvalifiserte kandidaten. Vi gjennomfører også bakgrunnssjekk for å verifisere informasjon som er viktig for rekrutteringsprosessen.Positiv særbehandlingVi i Statens vegvesen verdset mangfald og ønskjer å skape ein inkluderande arbeidsplass. Vi oppmodar alle kvalifiserte kandidatar til å søkje. Om du har ei funksjonsnedsetjing, hol i CV-en eller innvandrarbakgrunn, vil du få moglegheit for positiv særbehandling. Søkjarlista er offentlegDersom du ønskjer å reservere deg frå oppføring på offentleg søkjarliste, må du grunngi dette. Vi tek kontakt med deg dersom vi ikkje kan komme ønsket ditt i møte.

Utekontrollør - Stord kontrollstasjon