Statens vegvesen

Stavanger

Geir Lorens Jørgensen

Fungerende seksjonssjef Plan og utbygging vest 2

<h2>Om stillinga</h2>Vi søkjer ein engasjert plan- og prosjekteringsleiar som vil jobbe med varierte og utviklingsretta prosjekt som skal realiserast i kommande byggjeprosjekt!Som plan- og prosjekteringsleiar får du ein sentral rolle i å planleggje og koordinere prosjekt på E39, E134 og rv.13 i Rogaland og sørlege Vestland. Du leier heile planprosessen – frå behovsutgreiing og reguleringsplan til byggjeplan – og sørgjer for at prosjekta er godt forankra hos alle involverte partar. I rolla samarbeider du tett med ulike fagmiljø og bruker modellbasert planlegging for å sikre god koordinering og høg kvalitet i prosjekta.Stillinga er plassert i seksjon Plan og utbygging vest 2. Seksjonen har ansvar for å planleggje og gjennomføre vegprosjekt på riksvegnettet i vårt geografiske område.Vi tilbyr eit sterkt fagmiljø med spennande arbeidsoppgåver i eit triveleg og inkluderande arbeidsmiljø. Seksjonen har eit variert spenn i type prosjekt knyta til utbetring og nybygging på og langs eksisterande riks- og europavegnett.Kontorstad for stillinga er Stavanger. <h2>Arbeidsoppgåver</h2><ul><li>vere ansvarleg for utarbeiding av reguleringsplanar og byggeplanar, samt behovsutgreiing</li><li>styra og leia tverrfaglege prosjektgrupper for vegutbetring</li><li>vere pådrivar for modellbasert planlegging og gjennomføring av våre prosjekt</li><li>saksoppfølging med kommunar, faginstansar, interesseorganisasjonar og grunneigarar</li><li>rapportering på økonomi, kvalitet og framdrift i prosjektet</li><li>vere ansvarleg for koordinering av prosjektering i høve byggherreforskrifta, bl.a. reduksjon av risiko knyta til SHA og YM</li></ul> <h2>Kvifor skal du velja oss?</h2>Som tilsett i Statens vegvesen blir du ein del av eit solid og kunnskapsdelande fagmiljø. Hos oss får du mange moglegheiter gjennom å bli ein del av ei landsdekkjande, solid og viktig verksemd. Samtidig er det også opp til deg å bidra til rørsle og kontinuerlig utvikling – både for deg sjølv og for oss. Vi jobbar for alle – for deg og meg – og har ein reell påveknad på folks kvardag. Du får ansvarsfulle oppgåver og høve til fagleg og personleg utvikling. Vi tek godt imot deg i eit godt arbeidsmiljø over heile landet.Vi tilbyr deg også desse goda:<ul><li>Fleksitid og avspasering – vi veit at balansen mellom arbeid og fritid er viktig, og vi tilbyr fleksible arbeidstider.</li><li>God pensjonsordning og lån – trygg fremtid med gode pensjonsordningar og gunstige lån.</li><li>Trening i arbeidstida – moglegheiter for trening i arbeidstida eller støtte til treningsaktivitetar.</li><li>Fagleg påfyll – mange moglegheiter for kurs og vidareutdanning.</li></ul>Lønna di blir avtalt i samsvar med lønnspolitikken vår. <h2>Kvalifikasjonskrav</h2>Du må ha:<ul><li>relevant utdanning frå universitet eller høgskule, minimum 3 år. Omfattande og relevant erfaring kan kompensera for manglande formell utdanning</li><li>minimum 3 års relevant erfaring</li><li>god digital kompetanse</li><li>førarkort kl. B</li><li>god munnleg og skriftleg framstillingsevne på norsk, då det er arbeidsspråket vårt</li></ul>Det er ein fordel med: <ul><li>kompetanse innanfor planlegging av veg- og trafikksikringstiltak</li><li>kunnskap om planlegging/prosjektering etter plan- og bygningslova</li><li>erfaring som planleggings/prosjekteringsleiar, gjerne for tverrfaglege prosjektgrupper</li><li>kunnskap om modellbasert samhandlingsplattform, f. eks Trimble Connect</li><li>erfaring/kompetanse innan arealplanlegging i privat eller offentleg sektor</li><li>erfaring frå bygg- og anleggsbransjen</li></ul>Dersom du har teke heile eller delar av utdanninga di i utlandet, ber vi om ei autorisert omsetjing av papira og godkjenninga dine frå <a href="https://hkdir.no/utdanning-fra-utlandet" rel="nofollow">HKDIR</a>.Personlege eigenskapar Vi ser etter deg som har interesse for og engasjement innan bygging og vedlikehald av veg. Du er lærevillig og tek initiativ til å tileigna deg ny kunnskap og setja deg inn i nye rutinar. Du har evne til å jobba godt både sjølvstendig og saman med andre, for å få fram gode arbeidsprosessar og løysingar i ulike prosjekt. Då arbeidet inneber mykje koordinering med andre – både interne og eksterne aktørar – er gode kommunikasjonsevner viktig i denne stillinga. Som tilsett i Statens vegvesen er det dessutan viktig at du er tryggingsmessig skikka og har god dømmekraft, pålitelegheit og lojalitet. <h2>Om søknadsprosessen</h2>Krav til søknadenVi har gjort det enklare for deg! I staden for eit tradisjonelt søknadsbrev, ber vi deg svare på nokre relevante spørsmål. Hugs å fyll ut felta for &#34;Utdannelse&#34; og &#34;Arbeidserfaring&#34;, og last opp vitnemåla dine og eventuelle attestar. Dette hjelper oss med å få eit godt bilete av bakgrunnen og kvalifikasjonane dine.Testar og bakgrunnssjekkFor å sikre at vi finn den beste kandidaten, kan vi bruke arbeidspsykologiske testar som ein del av rekrutteringsprosessen vår. Desse testane gir oss innsikt i eigenskapane og ferdigheitene dine, og hjelper oss med å gjere ei rettferdig og objektiv vurdering, slik at vi finn den best kvalifiserte kandidaten. Vi gjennomfører også bakgrunnssjekk for å verifisere informasjon som er viktig for rekrutteringsprosessen.Positiv særbehandlingVi i Statens vegvesen verdset mangfald og ønskjer å skape ein inkluderande arbeidsplass. Vi oppmodar alle kvalifiserte kandidatar til å søkje. Om du har ei funksjonsnedsetjing, hol i CV-en eller innvandrarbakgrunn, vil du få moglegheit for positiv særbehandling. Søkjarlista er offentlegDersom du ønskjer å reservere deg frå oppføring på offentleg søkjarliste, må du grunngi dette. Vi tek kontakt med deg dersom vi ikkje kan komme ønsket ditt i møte.

Plan- og prosjekteringsleiar