Statens vegvesen

Drammen

Vidar Fjellhammer

Seksjonsleder

<h2>Me søkjer senior infrastrukturspesialist nettverk!</h2>På Infrastruktur og drift IT er me teamorganiserte på tenesteleveransane, medan seksjonane har ansvar for medarbeidarane. Infrastruktur 3 arbeider med drift og forvaltning av WAN, LAN og -WIFI på alle kontorstadane våre og sentralt nettverk mot datasentera våre. Me planlegg større utskiftingar av ruterar, switcher og andre HW-komponentar i nettet vårt. I tillegg automatiserer og virtualiserer me fleire tenester. Me har også ansvar for fleire fjernaksess løysningar basert på VPN nettverk. Vi jobbar med nyaste nettverksteknologi frå leverandørar som Juniper, Cisco DNA/ISE, Big-Ip F5 lastbalansering og Palo Alto brannmurar. Vi søkjer no deg som ønskjer å arbeida med drift og utvikling av kritisk nettverksinfrastruktur i kjernenettverket vårt. Stillinga er geografisk plassert på hovudkontoret i Drammen og me ønskjer snarleg tiltreding. Vi oppmodar kvinner spesielt til å søkje på stillingar i Statens vegvesen IT. <h2>Kvifor skal du velja oss?</h2>Som medarbeidar i Statens vegvesen blir du ein del av eit solid og kunnskapsdelande fagmiljø. Du påverkar samfunnsutviklinga og får bidra til framtidsløysingane på ditt fagfelt. Me gir deg ansvarsfulle oppgåver og du får utvikla deg, både fagleg og personleg, i takt med dei nye utfordringane våre. Hos oss vil du ha store høve til å kunna forma din eigen arbeidskvardag og jobba med alle dei nyaste teknologiane innanfor området. Kontinuerleg vidareutvikling av kompetansen er ein naturleg del av kvardagen.Me tilbyr•    god opplæring, onboardingsprogram og buddyordning •    spennande arbeidsoppgåver i eit svært kompetent IT-miljø med gode utviklingsmoglegheiter i ein kultur som oppmodar til fagleg påfyll •    godt arbeidsmiljø i nytt kontorbygg med universell utforming. Me har gode moglegheiter for individuell tilrettelegging ved behov for hjelpemiddel i arbeidskvardagen. Stillinga er tilrettelagd for deltid (minimum 50 %).  •    fleksitid og gode ordningar for avspasering, moglegheit for trening i arbeidstida, eller støtte til andre treningsaktivitetar •    god pensjonsordning og moglegheiter for bustadlån i Statens pensjonskasseLønn blir avtalt basert på kompetanse og erfaring i samsvar med lønnspolitikken vår. <h2>Kvalifikasjonar</h2><ul><li>Relevant høgare utdanning, min. 3 år. For kandidatar med sterk og relevant arbeidserfaring for dei aktuelle fagområda, og gode personlege føresetnader for stillinga, kan kravet til utdanning fråvikast. Om du har teke heile eller delar av utdanninga di i utlandet, tilrår me ei autorisert omsetjing av papira dine og godkjenning frå HKDIR (https:hkdir.no/utdanning-fra-utlandet)</li><li>Min. 5 år relevant arbeidserfaring - det er for denne stillinga ein stor fordel om du har kjennskapar til systema me bruker i Statens vegvesen. </li><li>God munnleg og skriftleg framstillingsevne på norsk.</li></ul>For å vere aktuell for den ledige stillinga er det ein føresetnad av du kan bli tryggleiksklarert til nivå begrenset.Me ser etter deg som er initiativrik og nysgjerrig, har god gjennomføringsevne og er løysingsorientert. Det er viktig for oss at du er strukturert og analytisk. Gode kommunikasjons- og samarbeidsevner er viktige. Me er opptekne av å byggje fagmiljø, og ønskjer at du er ein god bidragsytar til å dela i teamet. <h2>Om søknadsprosessen</h2>Krav til søknadenVi har gjort det enklare for deg! I staden for eit tradisjonelt søknadsbrev, ber vi deg svare på nokre relevante spørsmål. Hugs å fyll ut felta for &#34;Utdannelse&#34; og &#34;Arbeidserfaring&#34;, og last opp vitnemåla dine og eventuelle attestar. Dette hjelper oss med å få eit godt bilete av bakgrunnen og kvalifikasjonane dine.Testar og bakgrunnssjekkFor å sikre at vi finn den beste kandidaten, kan vi bruke arbeidspsykologiske testar som ein del av rekrutteringsprosessen vår. Desse testane gir oss innsikt i eigenskapane og ferdigheitene dine, og hjelper oss med å gjere ei rettferdig og objektiv vurdering, slik at vi finn den best kvalifiserte kandidaten. Vi gjennomfører også bakgrunnssjekk for å verifisere informasjon som er viktig for rekrutteringsprosessen.Positiv særbehandlingVi i Statens vegvesen verdset mangfald og ønskjer å skape ein inkluderande arbeidsplass. Vi oppmodar alle kvalifiserte kandidatar til å søkje. Om du har ei funksjonsnedsetjing, hol i CV-en eller innvandrarbakgrunn, vil du få moglegheit for positiv særbehandling. Søkjarlista er offentlegDersom du ønskjer å reservere deg frå oppføring på offentleg søkjarliste, må du grunngi dette. Vi tek kontakt med deg dersom vi ikkje kan komme ønsket ditt i møte.

Infrastrukturspesialist IT nettverk