Stad Kommune

Nordfjordeid

Thomas Vingen Vedels

Kommuneoverlege

Linda Gotteberg

Einingsleiar helse

<p><strong></strong>Vi søker etter fastlege til Eid legekontor med oppstart 01.03.2026. Lege i vikariat kan også vere aktuelt. </p><p>Kommunen har to legekontor og tretten fastlegeheimlar, ti av legane jobbar ved Eid legekontor samt ei stilling for Lis1. Begge kontora er drifta av kommunen og det er ikkje knytt kostnadar til oppstart i heimelen (goodwill). <br /></p><p>Eid legekontor har eit godt fagmiljø der fire av legane våre er spesialistar i allmennmedisin og dei andre legane har ALIS avtale inkludert ALIS-tilskot. Vi har eit kollegium av både yngre og meir erfarne legar. Listelengder ved kontoret er 700-900 pasientar. </p><p>Legekontoret er godt utstyrt med mellom anna spirometri, EKG, 24t BT og legevaktsbil. Fastlegane arbeider i gruppepraksis og er sjølvstendig næringsdrivande. Alle har forsterka 8.2-avtale der kommunen held lokale, utstyr og hjelpepersonell. Legane er gjennom avtalen sikra økonomisk kompensasjon inntil 16 dagar ved fråvær grunna eigen eller barns sjukdom og inntil ti kursdagar per år. For dette betaler legen delar av basistilskotet sitt til kommunen.</p><p>Den kommunale legevakta frå 08:00-16:00 måndag til fredag fordelast mellom dei elleve legane ved kontoret. Legevakt kveld, natt og helg er ved interkommunal legevakt lokalisert på Nordfjord sjukehus. Vaktbelastninga er om lag tre vakter per månad med vaktlengde inntil ni timar. Legane får fastløn for alle timane på interkommunal legevakt og legevakta er alltid bemanna med to sjukepleiarar. Samlokalisert med legevakta er fem kommunale ØHD-sengeplassar.</p><p>Kommunale bistillingar etter gjeldande avtalar inntil 7,5 timar per veke.</p><p>Legekontoret nyttar journalløysing frå EG - Infodoc. </p><p>Det er tilsett åtte årsverk som helsepersonell inkludert avdelingsleiar. Helsepersonell har brei erfaring og kompetanse som sjukepleiarar, bioingeniør og legesekretær. </p><p>På Nordfjordeid ligg sjukehus med indremedisinsk døgnavdeling, laboratorium, røntgen, skadepoliklinikk, samt distriktspsykiatrisk senter med døgntilbod og regional ruspost. Sjukehuset har tilbod om institusjonsteneste til ALIS-legar etter ny utdanningsmodell. </p><p>Stad kommune har dei siste åra jobba aktivt for å få ned arbeidsbelastninga og gje fastlegane ein betre arbeidskvardag. Vi ønskjer å utvikle legetenesta vidare i samarbeid med fastlegane, og vi ønskjer akkurat DEG med på laget vårt. Vi kan tilby trygge og gode rammer for ALIS på veg inn i allmennmedisinen og eit godt kollegium også for meir erfarne legar.<br /></p><br />
<h3>Arbeidsoppgåver</h3><ul><li>Kommunen er vertskommune for interkommunal legevakt</li><li>11-delt kommunal legevakt frå kl. 08.00 til kl. 16.00 på kvardagar. Resten av døgnet og i helgar om lag 26-delt legevakt knytt til Nordfjord legevakt med om lag 22 000 innbyggjarar)</li></ul><h3>Kvalifikasjonar</h3><ul><li>Du må ha norsk autorisasjon som lege og fylle krava for refusjon frå HELFO</li><li>Gjennomført LIS-1 </li><li>Du må ha førarkort klasse B</li></ul><h3>Personlege eigenskapar</h3><ul><li>Gode kunnskapar i norsk - både munnleg og skriftleg<br /></li><li>Evne til å skape gode relasjonar</li><li>Gode kommunikasjons- og samarbeidsevner</li><li>Evne til å arbeide målretta og sjølvstendig</li><li>Evne til å arbeide strukturert og på systemnivå</li><li>God fagleg vurderingsevne</li></ul><h3>Vi tilbyr</h3><ul><li>Godt opparbeidd allmennmedisinsk praksis i eit godt kollegialt fellesskap</li><li>God allmennmedisinsk rettleiing</li><li>Gode økonomiske vilkår<br /></li><li>Flyttegodtgjersle </li></ul><p>Attestar og vitnemål må leggjast ved søknaden. Vi ber om relevante referansar av nyare dato. </p><p>Politiattest skal leverast før start i stillinga.</p><p>Stad kommune har seks månadar prøvetid.</p><p>Vi gjer merksame på at etter § 25 i offentleglova kan opplysningar om søkjaren bli offentlege sjølv om søkjar oppmodar om ikkje å bli ført opp på søkjarlista. Oppmoding om unnatak må grunngjevast. </p><p>Ta gjerne kontakt for ein prat om stillinga!</p><h3>Kontaktinformasjon</h3>Linda Gotteberg, Einingsleiar helse, 41694203, linda.gotteberg&#64;stad.kommune.no<br />
Thomas Vingen Vedels, Kommuneoverlege, 474 86 417, thomas.vingen.vedeld&#64;stad.kommune.no<br />
<h3>Arbeidsstad</h3>Rådhusvegen 11<br />
6770 Nordfjordeid<br />
<h3>Nøkkelinformasjon:</h3>Arbeidsgivar: Stad kommune<br />
<br />
Referansenr.: 5046611659<br />
Stillingsprosent: 100%<br />
Fast<br />
Søknadsfrist: 18.01.2026<br />
<br />


Fastlege ved Eid legekontor