Sparebank 1-stiftinga Kvinnherad

Husnes

Jan Magnus Aasen

Styreleiar

SpareBank 1-stiftinga Kvinnherad søkjer ein samfunnsengasjert, strukturert og utviklingsorientert dagleg leiar i 100 % stilling. Dette er ei allsidig leiarstilling for deg som ønskjer å arbeide i skjeringspunktet mellom forvaltning, samfunnsansvar og lokal utvikling. Dagleg leiar har ansvar for den daglege drifta av stiftinga og skal syte for at verksemda vert driven i tråd med vedtekter og gjeldande rammer. 
Stillinga krev at du arbeider sjølvstendig, systematisk og med høg grad av integritet. Du må kunne handtere både administrative prosessar, ekstern kontakt og oppfølging av saker med stor grad av kvalitet og tryggleik. Vi ser etter ein person som evnar å kombinere oversikt, struktur og gjennomføringsevne med forståing for stiftinga sitt samfunnsoppdrag. Stillinga inneber noko reiseverksemd og deltaking i møter på ettermiddag og kveldstid. 
Arbeidsoppgåver  
<ul><li> ivareta den daglege drifta  </li><li> førebu saker til styret og følgje opp styret sine vedtak </li><li> forvalte og følgje opp stiftinga sine midlar innanfor vedtekne rammer </li><li> administrere søknadsprosessar og sakshandsaming knytt til gåvetildelingar </li><li> sikre god dokumentasjon, rapportering og intern kontroll </li><li> følgje opp avtalar, prosjekt og tildelingar </li><li> vere kontaktpunkt for søkjarar, samarbeidspartnarar og andre eksterne aktørar </li><li> ha ansvar for nettstad, mediehandtering og omdømebygging </li><li> vidareutvikle rutinar, arbeidsprosessar og grunnlag for god forvaltning </li><li> samarbeid med andre stiftingar </li></ul> 
Kvalifikasjonar 
<ul><li> relevant høgare utdanning, gjerne innan økonomi, administrasjon og leiing </li><li> relevant erfaring frå administrasjon, kapitalforvaltning, økonomi eller liknande arbeid </li><li> digital kompetanse og kunnskap om sosiale medier </li><li> god kjennskap til lokalsamfunnet i Kvinnherad </li></ul> 
Personlege eigenskapar Vi legg særleg vekt på at du: 
<ul><li> er tillitsskapande og har høg integritet </li><li> arbeider sjølvstendig og strukturert </li><li> har god rolleforståing og evne til å prioritere </li><li> er ryddig, nøyaktig og kvalitetsmedviten </li><li> har gode samarbeids- og kommunikasjonsevner </li><li> har god skriftleg og munnleg framstillingsevne </li><li> ønskjer å bidra til positiv utvikling i lokalsamfunnet </li><li> er ein relasjonsbygger som trivst med mennesker </li></ul> 
Vi tilbyr 
<ul><li> ei sentral leiarrolle med stor påverknadskraft </li><li> moglegheit til å bidra til positiv utvikling i lokalsamfunnet </li><li> eit meiningsfullt samfunnsoppdrag </li><li> fleksibilitet og varierte arbeidsdagar </li><li> gode moglegheiter for fagleg og personleg utvikling </li><li> konkurransedyktige vilkår og gode pensjonsordningar </li></ul> 
Nærare opplysningar 
Arbeidsstad er Husnes. For nærare informasjon om stillinga kan du kontakte styreleiar Jan Magnus Aasen på telefon 950 53 061 
Søknad med CV sender du til styreleiar&#64;sb1sk.no innan 30.april 2026 Tiltreding 1. oktober 2026 eller etter avtale 
Alle søknader vert behandla konfidensielt Søk på stillingen ved å klikke på “Søk på stilling” knappen på høyre side.

Dagleg leiar i Kvinnheradstiftinga