Solund Kommune

Hardbakke

Mette Lindstrøm

Personalmedarbeidar

<div><strong>Solund kommune er ein øykommune ytterst i Sognefjorden, samansett av øyer og holmar. På den største øya ligg kommunesenteret Hardbakke, der vi har samla våre helsetenester. I Solund verdset vi kvilepuls – men i ein variert og spennande arbeidskvardag kan det òg vere godt å kjenne at pulsen slår litt ekstra.</strong></div><div> </div><div>Vi søkjer ein sjukepleiar i 100 % fast stilling som assisterande leiar ved Solundheimen. Solundheimen har 19 plassar i tillegg til ei KAD-seng. Som assisterande leiar vil du ha medansvar for institusjon, heimeteneste og miljøteneste. Du vil vere ei støtte for leiar og bidra til effektiv drift og høg kvalitet i tenestene – rett og slett vere «høgre handa» til leiaren.</div><div> </div><div>Vi ser etter ein engasjert og fagleg sterk sjukepleiar som er interessert i ansvar og leiing. Du vil gå i turnus, hovudsakleg dagtid i vekene, med arbeid kvar tredje helg. Stillinga er ei kombinasjon av kontorarbeid og arbeid i tenestene.</div><div> </div><div><strong>Arbeidsoppgåver:</strong></div><ul><li><strong>Støtte leiar</strong>: Bidra til at tenestene vert drivne effektivt og profesjonelt, og vere til stades ved leiars fråvær.</li><li><strong>Kulturbygging</strong>: Bidra til eit godt arbeidsmiljø og ein positiv, profesjonell kultur.</li><li><strong>Planlegging og struktur</strong>: Hjelpe til med vaktplanlegging, handtering av sjukefråvær og sikre trygge og føreseielege rammer.</li><li><strong>Fagleg ansvar</strong>: Vere ein trygg og oppdatert sjukepleiar som sikrar fagleg forsvarleg drift.</li></ul><div> </div><div><strong>Kvalifikasjonar:</strong></div><ul><li>Autorisasjon som sjukepleiar</li><li>Førarkort klasse B</li><li>Gode norskkunnskapar, munnleg og skriftleg (minimum nivå B2)</li><li>Gode kommunikasjonsevner</li><li>Gjerne leiarerfaring eller leiarutdanning men det er ikkje eit krav </li><li>Evne til å takle omstilling og hektiske periodar</li></ul><div><strong>Vi tilbyr</strong></div><div><br />• Sterkt tverrfagleg miljø<br />• Løn etter tariff med lokalt tillegg på kr. 27 000,- per år. <br />• Hjelp til å skaffe bustad<br />• Flyttegodtgjersle<br />• Spanande faglege arbeidsoppgåver i nydeleg natur ytst i havet<br />• Ein overvektig katt som bur på institusjonen med stor appetitt på både kos og mat<br />• Godt arbeidsmiljø, og eit inkluderande samfunn.</div><div>• I denne stillinga har du rett på ei av Noregs sikraste pensjonsordningar: Offentleg tenestepensjon. Der dei fleste tenestepensjonar berre utbetalast i 10 år, er offentleg tenestepensjon ei utbetaling som varer frå den dagen du sluttar å jobbe og livet ut. <a href="https://www.klp.no/pensjon" rel="nofollow">Les meir om medlemsfordelane i KLP her</a></div><div> </div><div><strong>Kvifor velje Solund?</strong></div><div>Dette er stillinga for deg som ønskjer å jobbe i eit lite samfunn med ein mindre institusjon. Som sjukepleiar i Solund kommune får du tid til å bli godt kjent med brukarane. Arbeidskvardagen kan vere travel, men i Solund får du tid til å gjere ein god jobb – og i den siste medarbeidarundersøkinga svarte sjukepleiarane at dei i større grad enn landssnittet opplever å kunne hjelpe brukarane sine.</div><div> </div><div>Frå 2026 får du i tillegg sletta 25 000 kroner av studielånet ditt etter eitt år i Solund. Les meir om ordninga [her].</div><div>På fritida finst det mange aktivitetar og frivillige lag for både store og små. Sjølv om vi er ein liten kommune, har vi mykje å by på.</div><div> </div><div><strong>Praktisk informasjon:</strong></div><div>Ved tilsetjing må du leggje fram politiattest (ikkje eldre enn 3 månader) og utfylt MRSA-skjema. Attestar og vitnemål må takast med til intervju.</div><div> </div><div><strong>Offentleg søkjarliste:</strong> Vi gjer merksam på at namn, kjønn, alder og noverande stilling i utgangspunktet er offentleg informasjon. Dersom du ønskjer unntak frå offentleggjering, må det grunngjevast. Du vil i så fall bli kontakta før søkjarlista vert offentleggjort.</div><div> </div><div><strong>Høyrest dette spennande ut?</strong> Då håpar vi du søkjer! Har du spørsmål, er du velkomen til å ta kontakt med Ingelin – leiar for sjukeheim og heimetenester. Ho gler seg til å høyre frå deg!</div><div> </div><div><div> </div></div> <br /> Link til søknadsskjema: <a href="https://solund.easycruit.com/vacancy/application/3551515/140887?channel&#61;NavRest&amp;iso&#61;nn" rel="nofollow">Søk her</a>

Vil du vere med og forme helsetenestene i Solund?