Solli Dps

Bergen

Atle Brendehaug

Sjefbioingeniør

Eirik Bratland

Seksjonsleiar

Vidar Martin Steen

Avdelingssjef

<p>Avdeling for medisinsk genetikk (MGM) er ei av åtte organisatoriske einingar i Laboratorieklinikken, Haukeland universitetssjukehus. Avdelinga har regionansvar for genetiske tenester i Helse Vest. Vi har om
lag 90 tilsette med ulik yrkesfagleg bakgrunn, og vi er organisert i ein seksjon for klinisk genetikk, ei
laboratorieeining med to seksjonar og ein merkantil seksjon. Regionalt kompetansesenter for arveleg kreft
(RKAK) og Regionalt senter for presisjonsmedisin er også knytta til avdelinga. Vi held til i lyse og trivelege
lokale i 6. etasje i Laboratoriebygget, medan vår Medisinsk-genetiske poliklinikk er lokalisert til 2. etasje i
same bygg.
</p><p>Verksemda er kjenneteikna av tett integrering mellom klinikk og laboratorium for diagnostisk utgreiing,
rettleiing og oppfølging av pasientar og deira familiar med sikker eller mistenkt genetisk tilstand.
Fagområdet medisinsk genetikk er i rask endring, basert på ny teknologi som gjer det mogleg å analysere
alle dei genetiske variantane til et menneske i éin prøve. Gjennom utviklinga av persontilpassa medisin
forventar vi at raskt aukande kunnskap om variasjon i arvestoffet vil få stor innverknad på medisinsk
praksis i framtida. Forsking er ein viktig del av vår verksemd.</p><p>Den diagnostiske laboratorieverksemda er akkreditert etter ISO 15189. Rask teknologisk utvikling samt aukande etterspurnad etter våre tenester medfører eit aktivt og travelt arbeidsmiljø i kontinuerleg endring.</p><p>Stillinga er knytta til Seksjon for tolkning og teknologi som har ansvar for både tolking av diagnostiske prøvesvar og metodeutvikling ved avdelinga. Dei som vert tilsett vil samarbeide tett med andre molekylærbiologar, samt bioingeniørar, legar og anna personell ved avdelinga&nbsp;</p>
<h2>Arbeidsoppgåver</h2>
<ul><li>Analysere og tolke diagnostiske gentestdata (t.d. variantvurdering)</li><li>Utvikle nye diagnostiske gentestar og metodar </li><li>Bidra i undervisning og opplæring</li><li>Delta i utviklingsarbeid og forsking</li></ul>
<h2>Kvalifikasjonar</h2>
<ul><li>PhD-grad i molekylærbiologi eller eit anna relevant fagfelt</li><li>Må ha erfaring med relevante molekylærgenetiske og molekylærbiologiske metoder </li><li>Erfaring med bioinformatiske verktøy for varianttolkning og/eller molekylærgenetisk diagnostikk er ein
stor fordel </li><li>Søkar må meistre norsk eller eit anna skandinavisk språk, både skriftleg og munnleg</li></ul>
<h2>Personlege eigenskapar</h2>
<ul><li>Sjølvstendig, strukturert og ansvarsbevisst</li><li>Løysings- og serviceorientert </li><li>Kreativ </li><li>Samarbeider godt i team </li><li>Gode kommunikasjonsevner</li></ul>
<h2>Vi tilbyr</h2>
<ul><li>Lønn etter avtale</li><li>Høgt fagleg nivå</li><li>Utfordrande arbeidsoppgåver </li><li>Triveleg arbeidsmiljø </li><li>Fleksibel arbeidstid</li></ul><br><p>Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.</p>

Fast

Molekylærbiolog