Sfe Produksjon

Sandane

Ein sommarjobb hos oss er ein fin måte å bli kjend med SFE på. Kanskje er dette også starten på ei framtidig karriere innan fornybar energi?
Viss du er i gang med ein bachelor- eller masterutdanning innan relevante fagområde som til dømes fornybar energi, teknologi / digitalisering, elkraft eller andre ingeniørfag, kan ein sommarjobb ved hovudkontoret vårt på Sandane vere ei spanande moglegheit.
Vi ser etter deg som har interesse for oppgåver i skjeringspunktet mellom teknologi- og forretningsutvikling, ESG og ulike ingeniørfag. Aktuelle oppgåver kan vere innafor t.d. naturkartlegging, klimarekneskap, prosjektarbeid, research og analyse, datamodellering, prosesskartlegging, forretningsutvikling, teknisk dokumentasjon og liknande.
Vi ser for oss å tilsette to kandidatar som kan utfylle kvarandre og jobbe saman om ulike oppgåver på tvers av relevante avdelingar hos oss, innafor nemnde fagområde.
Sommarjobben varer normalt i ein periode over 4-6 veker, der det kan vere mest aktuelt med arbeid frå starten / midten av juni og framover. Skriv i søknaden din kva veker du kan jobbe.
For kandidatar som ikkje har tilhøyrsle i Gloppen kan vi tilby stad å bu i nærleiken av hovudkontoret, i tillegg til at de kan få disponere ein SFE-bil ved behov.
Før tilsetting hos oss, vil vi etter samtykke gjennomføre bakgrunnssjekk og personkontroll med heimel i kraftberedskapsforskrifta. Relevante kandidatar vil få nødvendig informasjon om dette. Tilsetting gjerast berre under føresetnad om godkjent bakgrunnssjekk.
Har du spørsmål om sommarjobb kan du kontakte HR-sjef Hilde Langtangen, tlf. 456 36 999.
#Sommarjobb #SommarjobbNordfjord

Sommarjobb 2026 - teknologi, elkraft og ESG