Samnanger Kommune

Tysse

Anette Følid

einingsleiar HR og økonomi

<h2>Om stillinga</h2><p>Vil du bidra til gode og trygge tenester gjennom profesjonelle anskaffingar og solid internkontroll? </p><p>Samnanger kommune søkjer ein strukturert og sjølvstendig rådgjevar som vil få ei sentral rolle i utviklinga av innkjøpsfunksjonen og internkontrollen i kommunen, i tett samarbeid med leiarar og einingar på tvers av organisasjonen.</p><p>Stillinga er plassert i eining HR og økonomi som ligg til sektor økonomi og organisasjon. Du blir ein del av eit tverrfagleg fagmiljø og vil arbeide breitt ut i heile organisasjonen. </p><p>Innkjøp vil vera hovudoppgåve i stillinga. Innanfor internkontroll vil du ha ansvar for at kommunen har gode rutinar, system og støttefunksjonar. Stillinga omfattar òg koordinering og oppfølging av HMS‑arbeid på systemnivå, som ein del av kommunen sitt internkontrollarbeid. Som del av internkontrollen kan det i tillegg påreknast administrative oppgåver innan økonomi.</p><br /><h2>Arbeidsoppgåver</h2><p>Hovudoppgåver</p><ul><li>Avtale- og kontraktsforvaltning</li><li>Bistå og gje råd til einingane i innkjøpsarbeidet, mellom anna i samband med anskaffingsprosessar i tråd med gjeldande regelverk</li><li>Drift og vidareutvikling av kommunen sitt internkontrollsystem  </li></ul><p>Andre oppgåver</p><ul><li>Rådgjeving og opplæring knytt til regelverk, rutinar og system</li><li>Utvikling og vedlikehald av malar og rutinar</li><li>Koordinering av HMS-arbeid på systemnivå</li><li>Økonomistøtte som del av internkontrollarbeidet, mellom anna bistand til einingane på økonomirområdet </li></ul><br /><h2>Kvalifikasjonar</h2><p><strong>Krav</strong></p><ul><li>Relevant høgare utdanning, til dømes innan økonomi, administrasjon eller offentleg forvaltning </li><li>Kompetanse på eller erfaring frå arbeid med innkjøp</li><li>God økonomiforståing</li><li>Kjennskap til kommunal sektor</li></ul> <p><strong>Ønskjer</strong></p><ul><li>Erfaring med avtale- og kontraktsoppfølging</li><li>Erfaring frå arbeid med internkontroll</li><li>God systemforståing</li></ul><br /><h2>Personlege eigenskapar</h2><p>Me ser etter ein initiativrik, fleksibel og løysingsorientert person med gode samarbeidsevner. Du er sjølvstendig, har god formidlingsevne og trivst med varierte oppgåver. Du ønskjer å bidra til utvikling og kvalitet i kommunen sitt arbeid.</p><br /><h2>Me tilbyr</h2><ul><li>Eit fagleg miljø med utfordrande oppgåver, gode moglegheiter for fagleg og personleg utvikling og høve til å vera med å forme ein kommune i positiv utvikling og vekst</li><li>Godt arbeidsmiljø med dyktige kollegaer</li><li>Moglegheit for heimekontor</li></ul> <ul><li>Lønn, offentleg pensjon og arbeidsvilkår etter gjeldande lov- og avtaleverk</li><li>Gunstige pensjonsordningar, yrkesskade- og gruppelivsforsikring</li><li>Fleksible arbeidstidsordningar</li><li>Gode velferdsordningar</li></ul><br /><h2>Arbeidstilhøve</h2><p>Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hjå oss uansett alder, funksjonsevne, kjønn eller minoritetsbakgrunn. All utanlandsk utdanning må vera godkjent av Direktoratet for høyere utdanning og kompetanse, <a href="https://hkdir.no/utdanning-fra-utlandet" rel="nofollow">HR-dir</a>. Me legg vekt på å leggja til rette arbeidsforholda dersom du har behov for det. </p><p>Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader.<br />Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort, og vil ha moglegheit til å trekkja søknaden. </p><p>Som tilsett i Samnanger kommune vil du bli innmeldt i KLP si pensjonsordning. KLP tilbyr pensjon, bank og forsikringstenester og er Norges største pensjonsselskap. Ordninga dekker alderspensjonar, AFP, uførepensjon, etterlattepensjon, yrkesskade- og gruppelivsforsikring.</p><p>Søknadar må leverast innan fristen og må sendast inn via rekrutteringssystemet vårt JobbNorge.</p><br />

Rådgjevar innkjøp og internkontroll