Samnanger Kommune

Tysse

Edith Oma

Kommunalsjef helse og omsorg

<h2>Om oss og stillinga</h2><p>Samnanger kommune ligg midt mellom Bergen og Hardanger - tett på både by- og naturopplevingar. På helsetunet finn du legekontoret samlokalisert med førebyggande helsetenester (fysio/ergo, helsestasjon mm.) og Samnangerheimen rett over vegen. Legetenesta har fire fastlegeheimlar, der ein er kommunalt tilsett og tre er næringsdrivande med 8.2-avtale. På forkontoret er det tre dyktige og stabile medarbeidarar (helsesekretærar og sjukepleiar). </p><p>Legekontoret har eit godt arbeidsmiljø med legar og hjelpepersonell med lang fartstid på helsetunet. Kommunen skal opprette ei ny fastlegeliste med 400-500 pasientar for å ha listekapasitet til innbyggjartalet. Helse og omsorg i Samnanger kommune har gjort ei omorganisering der legekontoret blir etablert som eiga avdeling. For å sikre god drift og utvikling søkjer me ein avdelingsleiar som kan leie legekontoret vidare inn i ei ny tid. Difor søkjer me deg som vil vere med og utvikle helsetenesta i kommunen vidare - i rolla som avdelingsleiar og fastlege. Du kan søkje på heile stillinga eller delar av den, avhengig av kva som passar deg. Fastlegestillinga er 50 % som kommunalt tilsett/2,5 kurative dagar som næringsdrivande og avdelingsleiarstillinga er 30 %.</p><br /><h2>Arbeidsoppgåver</h2><p>Fastlege </p><ul><li>Gi helsehjelp til eigne listepasientar i tråd med lover, forskrifter og avtaleverk </li><li>Kollegial fråværsdekning og kommunale oppgåver som dagberedskap </li><li>Deltaking i Bjørnafjorden interkommunale legevakt (vaktsystem 1:15) </li></ul><p>Avdelingsleiar </p><ul><li>Overordna ansvar for drift og utvikling av legekontoret </li><li>Personalansvar og leiing av medarbeidarar, inkludert fagleg rettleiing </li><li>Ressurs- og budsjettstyring, samt arbeid med måloppnåing </li><li>Leggje til rette for gode arbeidsprosessar, samarbeid og samhandling med andre tenester i og utanfor kommunen </li><li>Bidra til utvikling av kvalitetsrutinar, pasienttryggleik og innovasjon</li></ul><br /><h2>Kvalifikasjonar</h2><p><strong>Krav</strong></p><ul><li>Norsk autorisasjon og politiattest etter helsepersonellova </li><li>God språkforståing og formidlingsevne<br /><br />Fastlegestilling: </li><li>Fullført LIS1-teneste/turnusteneste (for legefunksjonane)<br /><br />Avdelingsleiarstilling: </li><li>Evne til å leie, utvikle og koordinere </li></ul> <p><strong>Ønskjer</strong></p><ul><li>Spesialisering i allmennmedisin (påbegynt eller fullført) for fastlegestillinga</li><li>Leiarutdanning eller leiarerfarin for avdelingsleiarstillinga</li></ul><br /><h2>Personlege eigenskapar</h2><ul><li>Engasjert, tydeleg og inkluderande som leiar og kollega </li><li>God til å samarbeide på tvers av faggrupper </li><li>Strukturert, sjølvstendig og med blikk for utvikling </li><li>Fagleg nysgjerrig og motivert for å bidra til eit sterkt fellesskap </li><li>Personleg eignaheit og samarbeidsevne vert vektlagt </li><li>Evne til å arbeida effektivt, sjølvstendig og ha gode formidlingsevne </li><li>Interesse og engasjement for allmenmedisin</li></ul><br /><h2>Me tilbyr</h2><ul><li>ALIS-avtale og støtte til spesialisering i allmennmedisin </li><li>Trivelege lokale med stabilt fagmiljø </li><li>Moglegheit for heimekontor ved behov </li><li>Ein arbeidskvardag med høg grad av fagleg variasjon og stor påverknadskraft </li><li>I fastlegestillinga val mellom fastlønsstilling eller næringsdrift (8.2-avtale) </li><li>Godtgjersle for næringsdrivande for deltaking i kommunal ordning for øyeblikkeleg hjelp på dagtid </li><li>Økonomisk stønad til kursdeltaking</li></ul> <ul><li>Eit fagleg miljø med utfordrande oppgåver, gode moglegheiter for fagleg og personleg utvikling og høve til å vera med å forme ein kommune i positiv utvikling og vekst</li><li>Lønn, offentleg pensjon og arbeidsvilkår etter gjeldande lov- og avtaleverk</li><li>Gunstige pensjonsordningar, yrkesskade- og gruppelivsforsikring</li><li>Fleksible arbeidstidsordningar</li><li>Gode velferdsordningar</li></ul><br /><h2>Arbeidstilhøve</h2><p>Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hjå oss uansett alder, funksjonsevne, kjønn eller minoritetsbakgrunn. All utanlandsk utdanning må vera godkjent av Direktoratet for høyere utdanning og kompetanse, <a href="https://hkdir.no/utdanning-fra-utlandet" rel="nofollow">HR-dir</a>. Me legg vekt på å leggja til rette arbeidsforholda dersom du har behov for det. </p><p>Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader.<br />Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort, og vil ha moglegheit til å trekkja søknaden. </p><p>Som tilsett i Samnanger kommune vil du bli innmeldt i KLP si pensjonsordning. KLP tilbyr pensjon, bank og forsikringstenester og er Norges største pensjonsselskap. Ordninga dekker alderspensjonar, AFP, uførepensjon, etterlattepensjon, yrkesskade- og gruppelivsforsikring.</p><p>Søknadar må leverast innan fristen og må sendast inn via rekrutteringssystemet vårt JobbNorge.</p><br />

Fastlege og avdelingsleiar