Sámi Allaskuvla Samisk Høgskole

Kautokeino

<h2>Vuosttašamanueansa, vuosttašlektor dahje allaskuvlalektor virgi pedagogihkas</h2>Sámi allaskuvlla Sámi oahpaheaddjeoahpuid goađis lea rabas 100 % bistevaš pedagogihkkavirgi vuosttašamanueansan, vuosttašlektorin dahje allaskuvlalektorin. Álgin sohppojuvvo muhto lea sávahahtti ahte álgá 1.8.2025. Virgái gullá erenoamážit oahpahus vuođđoskuvlaoahpaheaddjeoahpuin ja praktihkalaš-pedagogalaš oahpuin. Sámi oahpaheaddjeoahpuid goađis lea nana sámi pedagogihkka ja fágadidaktihka fágabiras. Goađis leat sámegielat fágabiras ja sámegiella lea váldogiella oahpahusas, dutkamis ja gaskkusteamis. <h2>Bargoviidodat virggis</h2>Bargui gullá earret eará:  Iešguđet oahpahan-, koordineren-, bagadallan- ja hálddašanbarggut oahppoprográmmain, oahppoovttadagain, ja lasse- ja joatkkaoahpuin.  Ovdánahttit oahppoprográmmaid, oahppoovttadagaid, ja lasse- ja joatkkaoahpuid.  Áŋgiruššat ovdánahttit oahpaheaddjeoahpuid fágabirrasa, ovddidit kvalitehta oahpahusas, ja čađahit dutkan- ja ovdánahttinbargguid Sámi allaskuvlla strategiijaid mielde.  Doarjut kollegaid ja studeanttaid fágalaš ovdáneami ja ovddidit kollegiála oassálastinja ovttasbargovieruid sihke fágasurggiid ja instituhtaid siskkobealde ja rastá.  Virggi ja goađi bargoviidodat ja ovddasvástádussuorggit sáhttet rievdat ásahusa dárbbuid mielde. <h2>Gelbbolašvuođagáibádusat</h2><ul><li>Virgái ohcat vuosttažettiin olbmo geas lea doavttergráda dahje vástideaddji gelbbolašvuohta pedagogihkas dahje vástideaddji fágas. Ohcciin geain lea mastergráda/váldofága pedagogihkas dahje vástideaddji fágas sáhttet maiddái árvvoštallojuvvot virgái.</li><li>Virgáibidjamis gáibiduvvo ahte bargi hálddaša davvisámegiela mii vástida unnimus B2 dási Eurohpá gielaid oktasaš rámmain (CEFR). Bargi galgá máhttit dárogiela dahje eará skandinávalaš giela čálalaččat ja njálmmálaččat dán dásis ahte sáhttá bures gulahallat Norggabeale eiseválddiiguin ja ovttasbargoguimmiiguin. Bargi galgá hálddašit eŋgelasgiela internašunála doaimmaid ja gaskkusteami ektui.</li><li>Dokumenterejuvvon oahpahanfágalašgelbbolašvuohta. Jus ohccis váilu oahpahanfágalašgelbbolašvuohta, eaktuduvvo háhkat dán gelbbolašvuođa guovtti jagi sisa virgádeami rájis, <a href="https://lovdata.no/dokument/SFO/forskrift/2006-02-09-129?q&#61;for-2006-02-09" rel="nofollow">Forskrift om ansettelse og opprykk i forsker- og undervisningsstillinger § 3-9</a>. </li><li>Geabbil ja buorit ovttasbargo- ja gulahallanattáldagat studeanttaiguin, kollegaiguin ja ovttasbargoguimmiiguin. Galgá struktuvrralaš ja systemáhtalaš lahkoneapmi bargui. Áŋgiruššan ja mokta virgái. Mielalaččat duddjot buori bargobirrasa. Persovnnalaš heivvolašvuohta deattuhuvvo.</li></ul> Gelbbolašvuođagáibádusat virgái leat meroštallojuvvon láhkaásahusas Forskrift til universitets- og høyskoleloven (universitets- og høyskoleforskriften).<a href="https://samas.no/se/a/sami-allaskuvla/halidat-go-bargat-sami-allaskuvllas/oahpahus-ja-dutkivirggiid-virgaidanproseassat" rel="nofollow">Dás sáhtát gávdnat eambbo dieđuid fágalaš árvvoštallama ja Sámi allaskuvlla virgáidanproseassa birra. </a><a href="https://samas.no/sites/default/files/2022-01/pedagogalas_gelbbolasvuhtii_loahpalas.pdf" rel="nofollow">Dás sáhtát gávdnat eambbo dieđuid oahpahanfágalašgelbbolašvuođa dokumenterema birra.</a>Ovdamunnin lea jus virggehasas lea<ul><li>Bargohárjáneapmi allaskuvlla dahje universitehta dási joatkkaoahpus dahje oahpahusas.</li><li>Relevánta práksisgelbbolašvuohta skuvllas dahje mánáidgárddis.</li><li> Oahpahan praktihkalaš-pedagogalaš oahpus dahje lea váldán dán oahpu.</li></ul> <h2>Mii fállat</h2>Mii fállát earet eará: <ul><li>Virggi mas ovdánahttinvejolašvuođat, viiddis ja máŋggabealat fágabirrasis</li><li>Máŋggabealat čálgofálaldagaid ja heivehahtti bargoáiggi</li><li>Buori bargobirrasa gos alla gelbbolaš bargit iešguđetge fágasurggiin</li><li>Ealli sámegielbirrasa guovddáš sámi guovllus </li></ul>Sámi allaskuvlla fágabargiid bargoresurssat juhkkojuvvojit oahpahandoaimmaid, dutkan- ja ovdánahttinbargguid ja hálddašanbargguid gaskka, ulbmilin joksat allaskuvlla fágalaš mihtuid ja alla fágalaš kvalitehta.  <h2>Bálká</h2>Virgi bálkáhuvvo Stáda bálkáregulatiivva mielde. Bálká mearriduvvo ohcci oahpu ja bargohárjáneami vuođul čuovvovaš virgekodaid mielde:<ul><li>Vuosttašamanueansa - virgekoda 1011</li><li>Vuosttašlektor virgekoda 1198 </li><li>Allaskuvlalektor virgekoda 1008 Formála lassigelbbolašvuohta sámegielas unnimustá 60 oahppočuoggá bachelordásis, addá 20 000,- lassibálkán vuođđobálkái vuosttašgeardde virgáibidjamis Sámi allaskuvllas.Bálkkás gesso 2% geatnegahtton divat Stáda penšuvdnakássii.</li></ul> <h2>Máŋggabealatvuohta ja searvadahttin</h2>Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis. Jus leat gelbbolaš ohccit geat leat doaimmashehttejuvvon, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii.Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš. Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset jahkeraporttain.Sámi allaskuvllas lea šiehtadus Ovttastahtti bargoeallima birra, ja deattuha bargodili láhčimis juohke mielbargái. <h2>Oppalaččat</h2>Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris.Virggehasa bargosadji lea Diehtosiiddas, muhto lea vejolaš ohcat ruovttokantuvrras beassat bargat.Ohccit sáhttet gohččot bargojearahallamii ja doallat geahččalanlogaldallama.Fárrendoarjja máksojuvvo stáhta njuolggadusaid mielde.Finnmárkkus lea sierra ortnet geahpedit lohkanloana ja vearrogeahpádus.Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii.Dievdoolbmot ávžžuhuvvojit ohccát virgái universitehta- ja allaskuvlalága (ual.) § 7-1 vuođul. Jus leat guokte dahje eambbo ohcci geain lea sullii ovttadássásaš gelbbolašvuohta, de vuoruhuvvo dievdoolmmoš ovddabeallai nissonolbmo, gč. ual. 7- 1 (2) gos boahtá ovdan ahte galgá deattuhit dásseárvvu virgáibidjamis.Virggis lea 6 mánu geahččalanáigi. <h2>Ohcan</h2>Ohcan sáddejuvvo elektrovnnalaččat www.jobbnorge.no bokte, oktan daid dokumentašuvnnaguin:<ul><li>CV </li><li>Duođaštuvvon oahppo- ja bargoduođaštusat</li><li>Ollislaš listu dieđalaš publikašuvnnain</li><li>Relevánta publikašuvnnat</li><li>Duođaštus oahpahanfágalaš/vuođđo pedagogalaš gelbbolašvuođas</li><li>Eará relevántta duođaštusat, omd bargoduođaštusat jna.</li><li>Bivdit du maiddái almmuhit guokte (2) referánssa</li></ul>Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: support&#64;grade.no dahje riŋget telefovdnii: 75 54 22 20. <h2>Oktavuođadieđut</h2>Eanet dieđuid virggi birra oaččut goahtejođiheaddjis John-Marcus Kuhmunen, epoasta: johnmk&#64;samas.no, tlf. 78 44 84 91.