Sámi Allaskuvla Samisk Høgskole

Kautokeino

<h2>Bistevaš virgi sámi girjjálašvuođa professorin/ vuosttašamanueansan</h2><p><strong>Sámi allaskuvllas Giela, duoji ja servodatdiehtagiid goađis lea sámi girjjálašvuođa professorvirgi ohcan láhkai. </strong></p><p><strong>Jus eai leat ohccit geat devdet professorvirggi gelbbolašvuođagáibádusaid, de sáhttet sii geat devdet vuosttašamanueansavirggi gelbbolašvuođagáibádusaid, árvvoštallojuvvot vuosttašamanueansavirgái.</strong></p><p> </p><br /><h2>Virggi sisdoallu</h2><p>Virggi váldosisdoallun lea sámi girjjálašvuođa oahpaheapmi ja dutkan, gaskkusteapmi ja studeanttaid bagadallan. Oahpahussii gustojit doaibmi oahppoplánat, ja oahpahusgiellan lea dábálaččat davvisámegiella. Iežas dutkandoaimmaid lassin professor jođiha, ovddida ja ovdánahttá vuosttažettiin sámi girjjálašvuođa dutkama Sámi allaskuvllas. </p><p>Son galgá leat njunnošis giella- ja girjjálašvuođasuorggi oahppoprográmmaid ođasmahttinbargguin ja dutkanovttasbargguid álggaheamis sámi ja eará eamiálbmotservodagaiguin. Vurdojuvvo ahte virggehas čuovvu Sámi allaskuvlla sámi profiilla barggu oktavuođas. </p> <p><strong>Eará barggut: </strong></p><p>Bargogeatnegasvuođa oassin sáhttá virggehas oažžut ovddasvástádusa eará bargguin Sámi allaskuvlla doaimmaid siskkobealde. Dákkár barggut sáhttet leat earret eará:</p><ul><li>oahppofálaldagaid ja oahppoovttadagaid fágalaš jođiheapmi</li><li>bagadallan ja ráđđeaddin dábálaš oahpahusdoaimmaid lassin </li><li>oahpahus ja eará fágalaš doaimmat ovdamearkka dihte lassi- ja joatkkaoahppokurssain</li><li>doaimmat Sámi allaskuvlla siskkáldas stivrrain ja lávdegottiin</li><li>doarjut ásahusa sosiála ja kultuvrralaš doaimmaid</li></ul><p> </p><p>Virggi sisdoallu ja sajádat sáhttá rievdat organisašuvnna dárbbu geažil. </p><br /><h2>Gelbbolašvuođagáibádusat</h2><p>Professor- ja vuosttašamanueansavirggi ohcci galgá duođaštit máhtu ja áššedovdamuša sámi dálá áiggi ja boarráset girjjálašvuođas. Son galgá dovdat sámi girjjálašvuođa dutkama historjjá ja máhttit geavahit ja oahpahit dan teoriijaid ja metodaid sámi njálmmálaš ja čállon girjjálašvuođa ovdamearkkaid vuođul. Adno lassiánsun jos ohcci dovdá eamiálbmotgirjjálašvuođa ja dan dutkama. </p><p>Professor- ja vuosttašamanueansavirggi ohccis gáibiduvvo doavttergráda dahje vástideaddji gelbbolašvuohta sámi dahje dábálaš girjjálašvuođadiehtagis, dahje vástideaddji dáiddalaš gelbbolašvuohta mii čatnasa sámi girjjálašvuhtii. </p><p>Professorvirggi ohccis galgá leat vásáhus dutkanjođiheames, doavttergráda bagadallamis ja riikkaidgaskasaš dutkanovttasbarggus, ja sus galgá leat oahpahangelbbolašvuohta fágasuorggi siskkobealde. Professorvirggi gelbbolašvuođagáibádusat leat meroštallon Norgga oahpahusdepartemeantta láhkaásahusas Forskrift til universitets- og høyskoleloven (universitets- og høyskoleforskriften) §:s 3-7 ja Sámi allaskuvlla <a href="https://samas.no/se/node/5372" rel="nofollow">siskkáldas njuolggadusain čk. 2.6.</a></p> <p>Vuosttašamanueansavirggi gelbbolašvuođagáibádusat leat meroštallon seamma láhkaásahusa §:s 3-6 ja <a href="https://samas.no/se/node/5372" rel="nofollow">Sámi allaskuvlla siskkáldas njuolggadusain čk. 2.5.</a></p><p>Virgáibidjamis bistevaš virgái Sámi allaskuvllas gáibiduvvo bargiin sihke njálmmálaš ja čálalaš máhttu sámegielas, mii vástida B2-dási ja dárogiela/ ruoŧagiela/ dánskagiela B1-dásis. Bargi ferte maiddái hálddašit eŋgelasgiela njálmmálaččat ja čálalaččat. </p><p>Vurdojuvvo ahte ohccis leat buorit ovttasbargoattáldagat ja beroštupmi fágaidrasttideaddji doaimmaide</p><p>Dokumenterejuvvon oahpahanfágalašgelbbolašvuohta. Jus ohccis vuosttašamanuensavirgái, váilu oahpahanfágalašgelbbolašvuohta, eaktuduvvo háhkat dán gelbbolašvuođa guovtti jagi sisa virgádeami rájis, Forskrift om ansettelse og opprykk i forsker- og undervisningsstillinger § 3-9. </p><p><a href="https://samas.no/se/a/sami-allaskuvla/halidat-go-bargat-sami-allaskuvllas/oahpahus-ja-dutkivirggiid-virgaidanproseassat" rel="nofollow">Dás sáhtát gávdnat eambbo dieđuid fágalaš árvvoštallama ja Sámi allaskuvlla virgáidanproseassa birra. </a></p><br /><h2>Mii fállat</h2><p>Mii fállát earet eará: </p><ul><li>Virggi mas ovdánahttinvejolašvuođat, viiddis ja máŋggabealat fágabirrasis</li><li>Máŋggabealat čálgofálaldagaid ja heivehahtti bargoáiggi</li><li>Buori bargobirrasa gos alla gelbbolaš bargit iešguđetge fágasurggiin</li><li>Ealli sámegielbirrasa guovddáš sámi guovllus </li></ul><p>Sámi allaskuvlla fágabargiid bargoresurssat juhkkojuvvojit oahpahandoaimmaid, dutkan- ja ovdánahttinbargguid ja hálddašanbargguid gaskka, ulbmilin joksat allaskuvlla fágalaš mihtuid ja alla fágalaš kvalitehta. </p><br /><h2>Bálká</h2><p>Virgi bálkáhuvvo Stáhta bálkáplána virgekodas: </p><ul><li>Professor, virgekoda 1013 (833 300 -1 078 600)</li><li>Vuosttašamanueansa, virgekoda 1011 ( 728 000 -900 000) </li></ul><p>Bálká mearriduvvo ohcci oahpu ja bargohárjáneami vuođul. </p><p>Formála gelbbolašvuohta sámegielas mii vástida unnimusat 60 oahppočuoggá bachelorgrádadásis, addá 20 000 ru liigebálkká go vuohččan biddjot virgái Sámi allaskuvllas.</p><p>Bálkkás gesso 2% geatnegahtton divat Stáda penšuvdnakássii.</p><br /><h2>Máŋggabealatvuohta ja searvadahttin</h2><p>Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis. Jus leat gelbbolaš ohccit geat leat doaimmashehttejuvvon, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii.</p><p>Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš.</p> <p>Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset jahkeraporttain.</p><p>Sámi allaskuvllas lea šiehtadus Ovttastahtti bargoeallima birra, ja deattuha bargodili láhčimis juohke mielbargái.</p><br /><h2>Oppalaččat</h2><p>Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris.</p><p>Virggehasa bargosadji lea Diehtosiiddas, muhto lea vejolaš ohcat ruovttokantuvrras beassat bargat.</p><p>Ohccit sáhttet gohččot bargojearahallamii ja doallat geahččalanlogaldallama.</p><p>Fárrendoarjja máksojuvvo stáhta njuolggadusaid mielde.</p><p>Finnmárkkus lea sierra ortnet geahpedit lohkanloana ja vearrogeahpádus.</p><p>Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii.</p><p>Virggis lea 6 mánu geahččalanáigi.</p><br /><h2>Ohcan</h2><p>Ohcan sáddejuvvo elektrovnnalaččat www.jobbnorge.no bokte, oktan daid dokumentašuvnnaguin:</p><ul><li>CV </li><li>Duođaštuvvon oahppo- ja bargoduođaštusat</li><li>Ollislaš listu dieđalaš publikašuvnnain</li><li>Eanemusat 15 dieđalaš barggu mat galget erenoamážit geavahuvvot vuođđun árvvoštallamis </li><li>Duođaštus oahpahanfágalaš gelbbolašvuođas</li><li>Eará relevántta duođaštusat, omd bargoduođaštusat jna.</li><li>Bivdit du maiddái almmuhit golbma (3) referánssa</li></ul><p>Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: support&#64;grade.no dahje riŋget telefovdnii: 75 54 22 20.</p><br /><h2>Oktavuođadieđut</h2><p>Eanet dieđuid virggi birra oažžu goahtejođiheaddjis Risten Länsman, , tlf. &#43;47 784 48 550/ &#43;47 951 39 557, e- poasta: ristenl&#64;samas.no.</p><br />

Professor/ vuosttašamanueansa sámi girjjálašvuođas