Sámi Allaskuvla Samisk Høgskole

Kautokeino

<h2>Rabas virgi</h2><p>Mii ohcat allaskuvlaoahpaheaddji / allaskuvlalektora matematihkkadidaktihka 50% virgái, Sámi oahpaheaddjeoahpuid goahtái, áigodahkii 1.1.- 30.6.2026. </p><p>Virgi gullá min oahpaheaddjeoahpu ja matematihkkadidaktihka fágabirrasii ja virggehasas lea ovddasvástádus oahpaheaddjeoahpu matematihka oahpaheamis ja bagadallamis, ja lassi- ja joatkkaoahpus. Sáhttá leat áigeguovdil oahpahit eará reálafágain.</p><br /><h2>Bargoviidodat virggis</h2><p>Virgái gullá earet eará: </p><ul><li>Oahpahit, koordineret ja bagadallat matematihkas ja matematihkkadidaktihkas sámi oahpaheaddjeoahpuin, sihke prográmmaoahpuin, ja lassi- ja joatkkaoahpuin. Sáhttá oahpahus eará reálafágain. </li><li>Ovttasbargu skuvllain ja práksissuorggis, oktan verddeskuvllain. </li></ul> <ul><li>Doarjut kurssaid/fáttáid ovddideami mas deattuhit ohppiide doaibmi oahppanvugiid, digitála oahpahusvugiid ja heivehit neahtta/čoagganemiid vuođul oahpahusa. </li><li><p>Doarjut kollegaid ja studeanttaid fágalaš ovdáneami ja doarjut kollegiála oassálastima ja ovttasbarggu sihke fágasurggiid siskkobealde ja daid rastá </p><p>Virggi ja goađi bargoviidodat ja ovddasvástádussuorggit sáhttet rievdat ásahusa dárbbuid mielde.</p></li></ul><br /><h2>Gelbbolašvuođagáibádusat</h2><ul><li>Virgái ohcat vuosttamužžan bargi geas lea mastergráda matematihkkadidaktihkas, matematihkas, dahje guoskevaš fágasuorggis. Mastergráda pedagogihkas ja/dahje didaktihka fágasuorggis lea relevánta ovttas liigeoahpuin matematihkas ja/dahje reálafágas. Ohcciin geain lea bachelorgráda matematihkkadidaktihkas, matematihkas, dahje guoskevaš fágasuorggis, sáhttet maiddái árvvoštallojuvvot virgái.</li><li>Relevántta bargovásáhus. Bagadallanhárjáneapmi oahpaheaddjeoahpus dahje universitehta-/allaskuvlladásis lea ovdamunni.</li><li>Dokumenterejuvvon oahpahanfágalašgelbbolašvuohta. </li><li>Virgáibidjamis gáibiduvvo ahte bargi hálddaša davvisámegiela mii vástida unnimus B2 dási Eurohpá gielaid oktasaš rámmain (CEFR).</li><li>Bargi galgá máhttit dárogiela dahje eará skandinávalaš giela čálalaččat ja njálmmálaččat, ja vel hálddašit eŋgelasgiela.</li><li>Virggi ja goađi bargoviidodat ja ovddasvástádussuorggit sáhttet rievdat ásahusa dárbbuid mielde.</li></ul><p> </p> <ul><li>Njuovžil ja buorit ovttasbargo- ja gulahallannávccat studeanttaiguin, bargoustibiiguin ja ovttasbargoguimmiiguin.</li><li>struktuvrralaš ja systemáhtalaš lahkoneapmi. Áŋgiruššan ja mokta virgái. Persovnnalaš heivvolašvuohta deattuhuvvo.</li></ul><p>Gelbbolašvuođagáibádusat virgái leat meroštallojuvvon láhkaásahusas Forskrift til universitetsog høyskoleloven §§ 3-2 ja 3-3.</p><p><a href="https://samas.no/se/a/sami-allaskuvla/halidat-go-bargat-sami-allaskuvllas/oahpahus-ja-dutkivirggiid-virgaidanproseassat" rel="nofollow">Dás sáhtát gávdnat eambbo dieđuid fágalaš árvvoštallama ja Sámi allaskuvlla virgáidanproseassa birra. </a></p><p><a href="https://samas.no/sites/default/files/2022-01/pedagogalas_gelbbolasvuhtii_loahpalas.pdf" rel="nofollow">Dás sáhtát gávdnat eambbo dieđuid oahpahanfágalašgelbbolašvuođa dokumenterema birra.</a></p><br /><h2>Mii fállat</h2><p>Mii fállát earet eará: </p><ul><li>Virggi mas ovdánahttinvejolašvuođat, viiddis ja máŋggabealat fágabirrasis</li><li>Máŋggabealat čálgofálaldagaid ja heivehahtti bargoáiggi</li><li>Buori bargobirrasa gos alla gelbbolaš bargit iešguđetge fágasurggiin</li><li>Ealli sámegielbirrasa guovddáš sámi guovllus </li></ul><p>Sámi allaskuvlla fágabargiid bargoresurssat juhkkojuvvojit oahpahandoaimmaid, dutkan- ja ovdánahttinbargguid ja hálddašanbargguid gaskka, ulbmilin joksat allaskuvlla fágalaš mihtuid ja alla fágalaš kvalitehta. </p><br /><h2>Bálká</h2><p>Virgi bálkáhuvvo Stáhta bálkáplánavirgekodas:</p><ul><li>Allaskuvlalektor virgekoda 1008 (614 100 - 788 400)</li><li>Allaskuvlaoahpaheaddji virgekoda 1007 (505 500 - 700 000)</li></ul><p>Bálká mearriduvvo ohcci oahpu ja bargohárjáneami vuođul. </p><p>Formála lassigelbbolašvuohta sámegielas unnimustá 60 oahppočuoggá bachelordásis, addá 20 000,- lassibálkán vuođđobálkái vuosttašgeardde virgáibidjamis Sámi allaskuvllas.</p><p>Bálkkás gesso 2% geatnegahtton divat Stáda penšuvdnakássii.</p><br /><h2>Máŋggabealatvuohta ja searvadahttin</h2><p>Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis. Jus leat gelbbolaš ohccit geat leat doaimmashehttejuvvon, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii.</p><p>Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš.</p> <p>Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset jahkeraporttain.</p><p>Sámi allaskuvllas lea šiehtadus Ovttastahtti bargoeallima birra, ja deattuha bargodili láhčimis juohke mielbargái.</p><br /><h2>Oppalaččat</h2><p>Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris.</p><p>Virggehasa bargosadji lea Diehtosiiddas, muhto lea vejolaš ohcat ruovttokantuvrras beassat bargat.</p><p>Ohccit sáhttet gohččot bargojearahallamii ja doallat geahččalanlogaldallama.</p><p>Fárrendoarjja máksojuvvo stáhta njuolggadusaid mielde.</p><p>Finnmárkkus lea sierra ortnet geahpedit lohkanloana ja vearrogeahpádus.</p><p>Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii.</p><p>Dievdoolbmot ávžžuhuvvojit ohccát virgái universitehta- ja allaskuvlalága (ual.) § 7-1 vuođul. Jus leat guokte dahje eambbo ohcci geain lea sullii ovttadássásaš gelbbolašvuohta, de vuoruhuvvo dievdoolmmoš ovddabeallai nissonolbmo, gč. ual. 7- 1 (2) gos boahtá ovdan ahte galgá deattuhit dásseárvvu virgáibidjamis.</p><br /><h2>Ohcan</h2><p>Ohcan sáddejuvvo elektrovnnalaččat www.jobbnorge.no bokte, oktan daid dokumentašuvnnaguin:</p><ul><li>CV </li><li>Duođaštuvvon oahppo- ja bargoduođaštusat</li><li>Ollislaš listu dieđalaš publikašuvnnain</li><li>Relevánta publikašuvnnat</li><li>Duođaštus oahpahanfágalaš/vuođđo pedagogalaš gelbbolašvuođas</li><li>Eará relevántta duođaštusat, omd bargoduođaštusat jna.</li><li>Bivdit du maiddái almmuhit guokte (2) referánssa</li></ul><p>Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: support&#64;grade.no dahje riŋget telefovdnii: 75 54 22 20.</p><br /><h2>Oktavuođadieđut</h2><p>Eanet dieđuid virggi birra oažžu goahtejođiheaddjis John-Marcus Kuhmunen, epoasta: johnmk&#64;samas.no, tlf. 78 44 84 91.</p><br />

Allaskuvlaoahpaheaddji/ allaskuvlalektor matematihkadidaktihkas