Progresso

Florø

Progresso AS søkjer ein fagleg sterk og engasjert senior økonomikonsulentsom vil ta ansvar for eiga kundeportefølje og bidra til gode løysingar for kundane våre. Hos oss får du ei rolle med fagleg breidde og moglegheit til å utvikle deg vidare i eit solid fagmiljø.
Vi er i dag 11 engasjerte kollegaer som held til i moderne lokale på Horne Brygge i Florø. I same bygg finn du søsterselskapet vårt, ECIT Services -- saman utgjer vi eit fagmiljø med 26 medarbeidarar i Florø og Førde. Trivsel, samhald og fagleg utvikling er viktige verdiar hos oss, og vi er opptekne av å skape ein arbeidsplass der du både kan prestere og trivast. Progresso har høg kundetilfredsheit og eit sterkt omdømei regionen, noko som speglar kvaliteten i leveransane våre.
Auka pågang frå nye kundar gjer at vi no ønskjer å styrke laget. Kundeporteføljen vår er variert og gir gode moglegheiter for både fagleg fordjuping og brei erfaring. Vi søkjer ein lagspelar som ønskjer å bidra til vidare vekst og utvikling - både hos oss og hos kundane våre.
Sentrale ansvarsområder og arbeidsoppgåver
<ul><li>
Ansvar for eiga kundeportefølje
</li><li>
Løpande rekneskap og rapportering
</li><li>
Årsoppgjer og skattemelding
</li><li>
Deltaking i større rekneskapsoppdrag
</li><li>
Rådgjeving og dialog med kundar
</li><li>
Vidareutvikling av leveransar og tenester til eigen portefølje
</li><li>
Fagleg støtte og kvalitetssikring internt
</li><li>
Moglegheit for spesialisering innan bransje, deltaking i nasjonale oppdrag eller kortare utleigeoppdrag hos kundar
</li></ul>
Dette kan vi tilby deg I Progresso brukar du erfaringa di både i rekneskapsarbeid og i rådgjeving mot kundane, og du får høve til å bidra i utviklinga av tenestene våre. Du vert ein del av ei verksemd som satsar på moderne , effektive og digitale løysingar. Vi ønskjer å vere i førarsetet når det gjeld utvikling av arbeidsprosessar og teknologi, og du vil få ta del i dette arbeidet.
Vi tilbyr konkurransedyktige vilkår, fleksibel arbeidstid, gode pensjons- og forsikringsordningar og eit arbeidsmiljø der vi legg stor vekt på trivsel, kultur og fagleg utvikling. Som medarbeidar hos oss får du tilgang til ECIT Academy sitt kompetanseutviklingsprogram, der du kan delta på kurs, samlingar og nettverk på tvers av avdelingar og fagområde.
Kven er du?
Som person trur vi at du er engasjert, nøyaktig og opptatt av å skape gode relasjonar -- både til kundar og kollegaer. Du arbeider sjølvstendig, men trivst òg i samarbeid med andre, og du tek initiativ når du ser rom for betring eller utvikling. Du har ei naturleg interesse for faget, held deg oppdatert og ønskjer å bidra positivt til arbeidsmiljøet rundt deg.
Vi ser for oss at du har:
<ul><li>
Erfaring innan rekneskap og/eller revisjon
</li><li>
Relevant høgare utdanning innan økonomi, rekneskap og/eller revisjon
</li><li>
God kjennskap til regelverk og fagområde
</li><li>
God evne til å formidle fag på ein tydeleg og forståeleg måte
</li><li>
God systemforståing og trygg i bruk av digitale løysingar
</li><li>
Trivst med kundekontakt og jobbar proaktivt for å avdekke kunden sine behov
</li><li>
Delingsorientert og opptatt av å bidra til eit godt fagmiljø
</li><li>
Autorisasjon som rekneskapsførar er ein fordel, men ikkje eit krav
</li></ul>
Lyst til å ta ein prat om stillinga?
Ta kontakt: 
Daniel Klakegg Dvergsdal -- 904 79 470 / <a rel="nofollow" href="mailto:daniel@visere.no">daniel@visere.no</a> 
Asbjørn Grini -- 917 94 825 / <a rel="nofollow" href="mailto:asbjorn@visere.no">asbjorn@visere.no</a>
Alle søknadar vert behandla fortløpande.

Erfaren innan rekneskap? Vi vil gjerne ha deg med på laget