Politiet

Bergen

Spørsmål om elektronisk søknad/ CV

Seksjon for HR

Martin Fosse

Avsnittsleder

<h2>Om stillinga</h2><p>I Vest politidistrikt, Felles eining for etterretning og etterforsking, Seksjon for etterforsking av økonomi-, miljø- og arbeidsmarknadskriminalitet, Avsnitt for etterforsking av økonomisk kriminalitet, er det ledig ei eller fleire faste stillingar som spesialetterforskar. Stillingane er plasserte i Bergen, og det må påreknast noko reiseverksemd i heile politidistriktet.</p><p><br />Avsnittet skal førebyggje, avdekkje og etterforske økonomisk kriminalitet, i tillegg til å gje fagleg støtte innan finansiell etterforsking til avdelingar i heile politidistriktet. Som tilsett i stillinga vil hovudoppgåva di vere etterforsking av økonomisk og anna profittmotivert kriminalitet. Det er forventa at du òg bidreg i etterretningsarbeidet gjennom systematisk innhenting av informasjon for å styrkje kunnskapsgrunnlaget innan fagfeltet.</p><p><br />Avsnittet består av etterforskarar med politi- og/eller økonomiutdanning, som arbeider sjølvstendig og i team med dyktige politiadvokatar for å handtere komplekse straffesaker. Vi tilbyr eit godt arbeidsmiljø med engasjerte og kompetente kollegaer og leiarar, som spelar kvarandre gode og ønskjer å gjere ein forskjell.</p><p><br />Vi er på jobb for eit trygt Noreg. Som ein del av politiet sitt viktige samfunnsoppdrag skal vi førebyggje og bekjempe kriminalitet, skape tryggleik og vareta rettstryggleiken.<br />Vi trur at mangfald bidreg til betre oppgåveløysing, og ønskjer difor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller i arbeidskvardagen, vil vi gjere vårt beste for å gje deg det du treng.</p><br /><h2>Dette ser vi etter hos ein ny medarbeidar</h2><p>Vi ser etter motiverte personar som er interessert i å bekjempe <br />profittmotivert kriminalitet og som ønsker å bidra i eit viktig <br />samfunnsoppdrag. Vi stiller høge krav til fagleg kompetanse, motivasjon, arbeidsmoral og integritet. </p><p>Vidare søker vi etter deg som opptrer profesjonelt og kan fungere som ein god ambassadør for politiet gjennom dine haldningar og  handlingar. Evna til å vere trygg, nærverande og lyttande, og til å byggje tillit hos publikum, er avgjerande for å lukkast i vår organisasjon. Når vi vurderer kandidatar, legg vi mellom anna vekt på dette, samt evna til å bidra til eit inkluderande og respektfullt arbeidsmiljø.</p><br /><h2>Arbeidsoppgåver</h2><ul><li>Utføre etterforskingsoppgåver innanfor økonomisk kriminalitet, samt i andre saker som er<br />tillagt avsnittet og seksjonen</li><li>Ansvar for etterforsking og framdrift i eigne straffesaker</li><li>Utføre etterforskingsarbeid med tilrettelegging og utføring av ulike finansielle analysar, både ved<br />økonomiavsnittet og andre avdelingar innan andre fagfelt</li><li>Samarbeide med påtalemakta i retten</li></ul><br /><h2>Kvalifikasjonar</h2><p>Dette må du ha for å vere kvalifisert:</p><ul><li>Utdanning frå høgskule eller universitet på minimum bachelornivå eller tilsvarande, innan relevant<br />fagfelt</li><li>Minimum 3 års relevant arbeidserfaring</li><li>Relevant arbeidserfaring blir vektlagd og kan i særskilde høve kompensere for kravet til utdanning</li><li>Gode IT og systemkunnskapar </li><li>God munnleg og skriftleg framføring på norsk</li><li>God forståing for regnskap og finansiell rapportering</li><li>Du må ha plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetjing, jf. politiloven § 18 og politiregisterloven § 41. Vi legg særleg vekt på at søkjaren er skikka til stillinga, og det vil bli gjort registersøk.</li><li>Må kunne sikkerhetsklarerast for HEMMELEG ved behov</li></ul><p>Det er også ønskeleg med:</p><ul><li>Arbeidserfaring frå politi eller anna offentleg/privat kontroll/tilsynsverksemd</li><li>Utdanning på masternivå innan økonomi eller anna relevant fagfelt</li><li>Relevant kurs/etterutdanning</li><li>Erfaring frå etterforsking av straffesaker med inndraging og sikring av verdiar</li></ul><br /><h2>Personlege eigenskapar</h2><ul><li>Gode kommunikasjonsevner og god til å bygge relasjonar</li><li>Høg etisk integritet</li><li>Strukturert, analytisk og initiativrik</li><li>Ha evne til å omstille seg raskt i ein hektisk arbeidskvardag</li></ul><p>Vi legg vekt på at søkjaren er personleg eigna for stillinga.</p><p>Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattforma <a href="https://www.politiet.no/om-politiet/jobb-i-politiet/medarbeiderplattform/" rel="nofollow">her</a>.</p><br /><h2>Dette kan vi tilby om du vel oss</h2><ul><li>Ein utfordrande og spanande arbeidsplass for deg som vil vera med på å forma framtidas politi</li><li>Eit arbeidsmiljø med engasjerte og dyktige kollegaer</li><li>Stillinga vert lønna som spesialetterforskar (stillingskode1552) frå 760.00,- brutto pr. år. Kompensasjon for uregulert arbeidstid (ATB) på kr 40.707,- pr.år kjem i tillegg. Vidare lønnsutvikling vil skje gjennom lokale lønnsforhandlingar, jfr.hovudtariffavtalane i staten</li><li>Medlemskap i Statens pensjonskasse, med blant anna gode pensjons- og forsikringsordningar (www.spk.no)</li><li>Moglegheit for trening i arbeidstida</li></ul><br /><h2>Mangfald i politiet</h2><p>Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.</p><p>Les meir om positiv særbehandling når ein søkjer jobb i staten <a href="https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten" rel="nofollow">her</a>. </p><p>Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.</p>Video: <a href="https://www.youtube.com/watch?v&#61;uUTjHmSB_Wc" rel="nofollow">https://www.youtube.com/watch?v&#61;uUTjHmSB_Wc</a><h2>Slik søkjer du</h2><p>Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.</p><p>Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.</p><br />

Spesialetterforskar økonomisk kriminalitet