Politiet

Ålesund

Tina Marita Vestre

Seksjonsleiar

<h2>Om stillinga</h2><p>Møre og Romsdal politidistrikt har ledig to faste stillingar som psykolog/psykologspesialist ved seksjon for Statens barnehus Ålesund. Vi søkjer deg som har motivasjon og interesse for å arbeide innanfor saksfeltet vald og seksuelle overgrep, og som vil vere med og vareta politiet og barnehuset sitt viktige samfunnsoppdrag. Hos oss vil du bidra inn i eit dynamisk, tverrfagleg arbeidsmiljø med høg kvalitet. Vi kan tilrettelegge for spesialisering etter nærmare avtale.</p><p>Som psykolog/psykologspesialist vil du bidra til at tjenestene ved barnehuset blir utført med rett kvalitet, og til fagutvikling. I stillinga skal du sørgje at målgruppa får nødvendig og rett oppfølging, både via kontakt med lokalt hjelpeapparat og direkte oppfølgingstiltak. Du vil mellom anna ha ansvar for å koordinere tverrfagleg og tverretatleg samhandling i saker, og leggje til rette for gjennomføring av avhøyr. </p><p>Statens barnehus Ålesund er ein seksjon underlagt Felles eining for etterforsking, førebygging og etterretning (FEFE). Barnehusmodellen er ein modell for tverrfagleg og samlokalisert arbeid med saker om vald og overgrep mot barn og særleg sårbare vaksne i politimelde saker. Verksemda kan skildrast som to-spora. Straffesakssporet handlar om å koordinere og leggje til rette rundt det som gjeld straffesaka (tilrettelagde avhøyr og rettsmedisinske undersøkingar), medan oppfølgingssporet handlar om å sikre at barn og sårbare vaksne får oppfølging/behandling i etterkant. I tillegg skal barnehuset bidra til fagleg utvikling av saksfeltet, samt gi råd og rettleiing til offentlege og private aktørar. Tanken bak Statens barnehus er at alle offentlege instansar skal komme dit barnet eller den særleg sårbare vaksne er. Mange ulike aktørar og samarbeidspartnarar er difor samla på barnehuset. Mandatet og målgruppa til barnehuset omfattar også avhøyr av mistenkte barn i særlege utpeika lovbrot.</p><p>Barnehuset i Ålesund har i alt 11 stillingar, og har lokale i Ålesund sentrum. Psykologstillingane inngår i eit team med fem seniorrådgivarar, som i hovudsak har barnefagleg kompetanse. Barnehuset skal også etablere ei underavdeling i Kristiansund med fire tilsette. Du må rekne med å reise noko i stillinga, då vi har heile politidistriktet som arbeidsområde, og til underavdelinga i Kristiansund. </p><p>Har du spørsmål om stillinga, ta gjerne kontakt!</p><br /><h2>Dette ser vi etter hos ein ny medarbeidar</h2><p>Vi søkjer to fagleg sterke og engasjerte psykologar med god samarbeidskompetanse og heilskapleg forståing. Vi stiller høge krav til fagleg kompetanse, motivasjon, arbeidsmoral og etisk integritet. Vidare søkjer vi etter deg som opptrer profesjonelt til ei kvar tid og fungerer som ein god ambassadør for politiet gjennom dine haldningar og handlingar i det daglege arbeidet. Evna til å vere trygg, nærverande, lydhøyr og å byggje tillit til publikum, er avgjerande for suksess i organisasjonen vår. I vår vurdering av kandidatar er mellom anna dette noko vi vil leggje vekt på i tillegg til evna til å skape eit inkluderande og respektfullt arbeidsmiljø.</p><p>Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.</p><br /><h2>Arbeidsoppgåver</h2><ul><li>Bistå med psykologfagleg og barnefagleg kompetanse under planlegging og gjennomføring av avhøyr, og ved rettsmedisinske undersøkingar  </li><li>Vareta barn/særleg sårbare vaksne og deira følgjepersonar på barnehuset </li><li>Kartleggje og vurdere behov for oppfølging/behandling, og tilvise til spesialisthelsetenesta ved behov </li><li>Bidra til at målgruppa får rask hjelp og oppfølging, og gjennomføre oppfølgingstiltak for å vareta behov hos dei som blir avhøyrde og deira pårørande </li><li>Gi behandling i særlege tilfelle, i samsvar med Felles retningslinjer for Statens barnehus </li><li>Koordinere tverrfagleg og tverretatleg samhandling </li><li>Bidra til å kvalitetssikre oppfølginga som blir gitt ved barnehuset, individuelt og i tverrfagleg team </li><li>Gi råd og rettleiing til eksterne aktørar innanfor offentleg og privat sektor, samt privatpersonar </li><li>Undervisning, opplæring og rettleiing internt i politiet, og til eksterne samarbeidspartnarar </li><li>Bidra til vidare fagutvikling ved barnehuset </li><li>Kan påleggast andre oppgåver</li></ul><br /><h2>Kvalifikasjonar</h2><p>Dette må du ha for å vere kvalifisert:</p><ul><li>Offentleg godkjenning som psykolog med norsk autorisasjon </li><li>Erfaring frå klinisk arbeid med barn og/eller familiar </li><li>God munnleg og skriftlig norskkunnskap, samt meistre engelsk </li></ul><p>Det er også ønskjeleg med:</p><ul><li>Spesialisering i klinisk barne- og ungdomspsykologi, eller anna relevant spesialistutdanning </li><li>Erfaring med målgruppene, og kompetanse om vald i nære relasjonar, seksuelle overgrep, traumer og omsorgssvikt </li><li>Kjennskap og erfaring med bruk av ulike kliniske verktøy, kartleggings- og behandlingstilnærmingar </li><li>Erfaring med tverrfagleg og tverretatleg arbeid </li><li>Erfaring med suicidvurderingar og valdsrisikovurderingar </li><li>Fleirkulturell kompetanse </li><li>Erfaring frå samarbeid med politi, rettsvesen og barnevern</li></ul><p>Du må ha plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetting, jf. politiloven § 18 og politiregisterloven § 41. Ved søknad på stillinga må ein rekne med at det blir henta inn opplysningar frå enkelte av politiet sine register og system til bruk i vandels- og skikkaheitsvurderinga.</p><br /><h2>Personlege eigenskapar</h2><ul><li>Gode samarbeids- og kommunikasjonsevner </li><li>Fleksibel og handterer godt fagleg kompleksitet </li><li>Evne til å handtere emosjonelt krevjande arbeid</li><li>Evne til å jobbe sjølvstendig og strukturert </li></ul><p>Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen <a href="https://www.politiet.no/om-politiet/jobb-i-politiet/medarbeiderplattform/" rel="nofollow">her</a>.</p><br /><h2>Dette kan vi tilby om du vel oss</h2><ul><li>Stillinga blir lønna som psykolog (stillingskode 0794) frå kr. 720 000 til kr. 850 000 brutto per år eller psykologspesialist (stillingskode 1304) frå kr. 780 000 til kr. 900 000 brutto per år. For særskilt kvalifiserte kan noko høgare lønnsplassering bli vurdert.</li><li>Det kan tilretteleggast for spesialisering etter nærmare avtale</li><li>Du vil bli medlem i Statens pensjonskasse som gir deg mange gode. Les meir om tilsettingsgoda dine på spk.no/medlemskap-i-spk. </li><li>Det blir trekt to prosent frå løna til innskot i Statens pensjonskasse.</li><li>Fleksibel arbeidstid og mogelegheit for trening i arbeidstida </li><li>Du kan få dekt eventuelle flyttekostnadar etter nærmare avtale</li><li>Møre og Romsdal politidistrikt er ei IA-bedrift og er knytt til bedriftshelseteneste</li></ul><p>Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.</p><br /><h2>Mangfald i politiet</h2><p>Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.</p><p>Les meir om positiv særbehandling når ein søkjer jobb i staten <a href="https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten" rel="nofollow">her</a>. </p><p>Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.</p>. Video: https://www.youtube.com/watch?v&#61;uUTjHmSB_Wc<br /><h2>Slik søkjer du</h2><p>Du søkjer ved å skrive eit kort søknadsbrev, registrere utfyllande CV og leggje ved relevante vitnemål og attestar.</p><p>Opplysningar om deg kan bli offentleggjort sjølv om du har oppmoda om ikkje å bli ført opp på søkjarlista. Dersom oppmodinga ikkje blir tatt til følgje, vil du bli varsla om dette.</p><br />

Psykolog/psykologspesialist