Politiet

Ålesund

Matz Kroken Åsebø

Utdanningsleiar/ seksjonsleiar

<h2>Om stillinga</h2><p>Vi har ledig ei fast stilling som praksisansvarleg ved seksjon for utdanning PHS, stab for HR og HMS, med tiltreding snarast mogleg. Det blir i tillegg ledig eit årsvikariat med tiltreding i juni-juli 2026.</p><p>Møre og Romsdal politidistrikt er opplæringseining for studentar som gjennomfører bachelorutdanning ved Politihøgskolen. Den praktiske opplæringa i 2. studieår vert i politidistriktet gjennomført under leiing av utdanningsleiar, som leier seksjonen for utdanning PHS, og tre praksisansvarlege, som kvar leier sine avsnitt. I stillinga som praksisansvarleg vil du ha personalansvar for 10-15 av i dag totalt 36 studentar som har praksisåret sitt i politidistriktet vårt. Seksjonen har ansvar for planlegging, koordinering, gjennomføring og evaluering av praksisåret i henhold til ei kvar tid gjeldande programplan.</p><p>Seksjonen er underlagt stab for HR og HMS og politimeisteren, men fagleg underlagt Politihøgskulen. Stadsplassering for den faste stillinga er anten Volda og Ørsta politistasjon, eller Ulstein og Hareid politistasjon. Stadsplassering for vikariatet er Ålesund politistasjon. Noko reiseverksemd må påreknast i stillingane.</p><p>Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.</p><br /><h2>Dette ser vi etter hos ein ny medarbeidar</h2><p>Vi søkjer deg som er utviklingsorientert og god på å skape trygge og inspirerande læringsmiljø for studentar som har praksisstudiet sitt i Møre og Romsdal politidistrikt.</p><p>Vidare søkjer vi medarbeidarar som opptrer profesjonelt til ei kvar tid og fungerer som gode ambassadørar for politiet gjennom handlingane sine i det daglege arbeidet. Evna til å vere trygg, nærverande, lydhøyr og å byggje tillit til publikum, er avgjerande for suksess i organisasjonen vår.</p><p>I vurderinga vår av kandidatar er mellom anna dette noko vi vil leggje vekt på, i tillegg til evna til å bidra til eit inkluderande og respektfullt arbeidsmiljø.</p><br /><h2>Arbeidsoppgåver</h2><ul><li>fagleg og pedagogisk ansvar for å planlegge, gjennomføre og evaluere praksisstudiet for tildelte studentar i eige avsnitt, i samarbeid med utdanningsleiar</li><li>vere eit kontaktledd mot opplæringsstadane, og ha fagleg og pedagogisk oppfølging og rettleiing av praksisrettleiar</li><li>vere nærmaste personalleiar for tildelte studentar</li><li>sørgje for at praksisstudiet for tildelte studentar samsvarar med gjeldande programplan og skildringar av læringsutbytte</li><li>følgje opp rettleiings- og vurderingssamtaler av studentar etter gjeldande retningslinjer gitt av Politihøgskolen</li><li>løpande vurdere studentar i forhold til fagleg nivå og utvikling, egnaheitsvurdering og skikkaheit etter gjeldande retningslinjer gitt av Politihøgskolen</li><li>gjennomføre formell, avsluttande vurdering av studentane</li><li>delta i utviklingsarbeid og opplæring som Politihøgskolen gjennomfører for praksisansvarlege, og ellers halde seg a jour fagleg og pedagogisk</li><li>eksamenssensor for Politihøgskolen</li><li>vere seksjonen sin emneansvarleg for eit av emna i programplanen, og delta på møter og arbeid knytt til aktuelt emne</li><li>andre oppgåver kan bli tillagt</li></ul><br /><h2>Kvalifikasjonar</h2><p>Dette må du ha for å vere kvalifisert:</p><ul><li>vitnemål frå politi(høg)skolen</li><li>brei erfaring frå politiet</li><li>formell pedagogisk utdanning minimum 30 stp. og/eller dokumentert erfaring frå rettleiing, undervisning og instruksjon. Dersom du ikkje har formalkompetanse i rettleiingspedagogikk, må du pårekne å avlegge eksamen i rettleiingspedagogikk på minimum 30 studiepoeng. Politihøgskolen legg til rette for slik utdanning</li><li>god munnleg og skriftleg formidlings- og kommunikasjonsevne</li><li>god kunnskap om samfunnet, og politidistriktet si totale verksemd og generelle samfunnsrolle</li><li>plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetting, jamfør politiloven § 18 og politiregisterloven § 41. Ved søknad på stillinga må ein rekne med at det blir henta inn opplysningar frå enkelte av politiet sine register og system til bruk i vandels- og skikkaheitsvurderinga</li></ul><p>Det er også ønskjeleg med</p><ul><li>leiarutdanning</li><li>leiarerfaring, fortrinnsvis frå leiarfunksjon med personalansvar, men også frå operativ leiing </li><li>erfaring frå ordensteneste/etterforsking/etterretning/førebyggjande teneste</li><li>erfaring som praksisrettleiar/praksisansvarleg </li></ul><br /><h2>Personlege eigenskapar</h2><ul><li>Du er ein god rollemodell med evne til å skape tillit og trygghet for studentane.</li><li>Du har god evne til sjølvleiing, er fleksibel og god til å prioritere arbeidsoppgåver.</li><li>Du er utviklings- og løysingsorientert.</li><li>Du er god på struktur og jobbar systematisk.</li></ul><p>Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen <a href="https://www.politiet.no/om-politiet/jobb-i-politiet/medarbeiderplattform/" rel="nofollow">her</a>.</p><br /><h2>Dette kan vi tilby om du vel oss</h2><ul><li>ei utfordrande og meiningsfull stilling for deg som vil vere med på å forme politiet for framtida</li><li>stilling som politioverbetjent (stillingskode 0287) med årslønn frå kr. 740 000 til kr. 775 000</li><li>for særskilt kvalifiserte kan høgare lønnsplassering bli vurdert</li><li>godtgjersle etter gjeldande ATB på for tida kr. 44 708 kr.</li><li>medlemsskap i Statens pensjonskasse som gir deg mange gode i tillegg til livsvarig alderspensjon. Les meir om tilsettingsgoda dine på <a href="http://www.spk.no/" rel="nofollow">www.spk.no</a>. Det blir trekt to prosent frå løna til innskot i Statens pensjonskasse</li><li>fleksibel arbeidstid og moglegheit for trening i arbeidstida</li><li>Møre og Romsdal politidistrikt er ei IA-bedrift og er knytt til bedriftshelseteneste</li></ul><p>Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.</p><br /><h2>Mangfald i politiet</h2><p>Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.</p><p>Les meir om positiv særbehandling når ein søkjer jobb i staten <a href="https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten" rel="nofollow">her</a>. </p><p>Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.</p>Video: <a href="https://www.youtube.com/watch?v&#61;uUTjHmSB_Wc" rel="nofollow">https://www.youtube.com/watch?v&#61;uUTjHmSB_Wc</a><h2>Slik søkjer du</h2><p>Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.</p><p>Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.</p><br />

Praksisansvarleg