Politiet

Bergen

Rune Fimreite

Politiinspektør

Spørsmål om søknad/ CV

Seksjon for HR

<h2>Om stillinga</h2><p>Vi søkjer deg som er motivert til å arbeide med valds- og trusselutsette personar. Stillinga skal ha eit fagansvar for risikovurdering av partner- og æresmotivert vald, samt beskytting av trusselutsette personar.</p><p>I Vest politidistrikt, for tida ved Felles eining for førebygging, er det ledig stilling som politioverbetjent stillingskode 0287 med funksjon som koordinator  risiko- og trusselarbeid ved seksjon for førebygging. </p><p>Felles eining for førebygging (FF) er ei funksjonell eining som har fag- og koordineringsansvar for den førebyggjande verksemda i politidistriktet. Eininga har eit særskilt ansvar for å sikre at førebygging blir ein del av politiet sitt strategiske arbeid og at politidistriktet sitt arbeid er kunnskapsstyrt. Felles eining for førebygging har overordna ansvar for politidistriktet si samhandling med andre samfunnsaktørar på politidistriktnivå. Eininga består av to seksjonar, Statens Barnehus Bergen og seksjon for førebygging. Driftseininga har over 30 tilsette med stor variasjon i erfaring, kompetanse, kjønn og alder. </p><p>Stillinga som koordinator risiko- og trusselarbeid er ei av fleire stillingar ved seksjon for førebygging som jobbar opp mot trusselutsette.</p><p>Stillinga inneber koordinering med fagansvar for arbeidet med risikovurdering og -handtering av partner og æresmotivert vald. Vidare har stillinga fag- og metodeansvar for arbeid med beskytting av trusselutsette personar, herunder det formelle ansvaret for beskyttingstiltak, relokalisering og adressesperre. Stillinga har òg ansvar for arbeidet med truslar mot tilsette, i samarbeid med personalleiarar og HMS-seksjonen. </p><p>KRIPOS er fagstyresmakt.</p><p>Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.</p><br /><h2>Dette ser vi etter hos ein ny medarbeidar</h2><p>Vi ser etter motiverte personar som er interesserte i å møte utfordringar knytt til kriminalitetsnedkjemping og forebygging. Vi stiller høge krav til fagleg kompetanse, motivasjon, arbeidsmoral og etisk integritet.</p><p>Vidare søkjer vi medarbeidarar som opptrer profesjonelt til ei kvar tid og fungerer som gode ambassadørar for politiet gjennom haldningane og handlingane sine i det daglege arbeidet. Evna til å vere trygg, nærverande, lydhøyr og å byggje tillit til publikum, er avgjerande for suksess i organisasjonen vår.</p><p>I vår vurdering av kandidatar er mellom anna dette noko vi vil leggje vekt på, i tillegg til evna til å bidra til eit inkluderande og respektfullt arbeidsmiljø.</p><br /><h2>Arbeidsoppgåver</h2><ul><li>Råd- og rettleiing i arbeidet med beskytting av trusselutsette personer i Vest politidistrikt</li><li>Formelt ansvar for oppfølging av trusselutsette med særskilte beskyttingstiltak (adressesperre mm)</li><li>Fag- og metodeansvar for arbeidet med beskytting av trusselutsette personer</li><li>Ansvar for oppfølging av arbeidet med truslar mot ansatte, dette i samarbeid med seksjon for HMS</li><li>Fag- og opplæringsansvar innan førebygging av partnarvald og æresrelatert vald</li><li>Ansvar for opplæring i bruk av risikovurderingsverktøy (per no SARA:SV og PATRIARK)</li><li>Ved behov må ein kunne bistå i operativt politiarbeid</li><li>Sikre kunnskap og kompetansehevning internt og i samarbeid med eksterne aktørar innan risiko- og trusselarbeid </li><li>Vere oppdatert på viktige trendar og endringar i samfunnet innen ansvarsområdet</li><li>Delta i nasjonale samarbeidsfora og fagmiljø innan arbeidet med risikovurdering partnar- og æresmotivert vald og arbeidet med beskytting av trusselutsatte</li><li>Andre oppgåver pålagt av overordna</li></ul><p> </p><br /><h2>Kvalifikasjonar</h2><p>Dette må du ha for å vere kvalifisert:</p><ul><li>Vitnemål frå Politiskulen/politihøgskulen</li><li>Tilfredsstille kompetansekrava for pb 3 og ha arbeidd innan relevant fagfelt i minimum 5 år. Ved annan relevant bachelor- eller mastergrad kan heile eller deler av kravet fråvikast</li><li>Brei politifagleg erfaring og god kjennskap til politiet sitt samfunnsoppdrag</li><li>God munnleg og skriftleg framføring på norsk og engelsk</li><li>Gode systemkunnskapar</li><li>Innsikt i og forståing av førebyggande arbeid</li><li>Kjennskap til arbeid med beskytting av valds- og trusselutsette </li><li>Kjennskap til bruk av risikovurderingsverktøy </li><li>Kunnskap om etterretningsarbeid er en fordel</li></ul><p>Du må ha plettfri vandel og vere skikka for teneste i politiet. Politiattest (uttømmande og utvida), må innhentast ved ev. tilsetting, jf. politilova § 18 og politiregisterlova § 41. Ved å søkje på stilling i politiet, samtykkjer ein til at det vil bli gjort ei vurdering på om ein er skikka, herunder søk i registre, før eit eventuelt intervju.</p><p>Det er også ønskeleg med.</p><ul><li>Kunnskap om og/eller erfaring frå etterforskingsarbeid er ein fordel </li><li>Fenomenkunnskap om vald i nære relasjonar og æresrelatert kriminalitet er ein fordel </li><li>Meistring av bruk av prosjektmodul i Indicia er ein fordel </li></ul><br /><h2>Personlege eigenskapar</h2><ul><li>Du er positiv, har godt humør og er ein god rollemodell som skaper tillit og byggjer gode relasjonar</li><li>Har høg motivasjon og gode samarbeidsevner</li><li>Er kreativ og initiativrik</li><li>Har god formidlingsevne og eit strategisk blikk</li><li>Er samfunnsorientert og har forståing for rolla eininga har i politiet sitt samfunnsoppdrag</li><li>Du trivst med teamarbeid, jobbar godt med andre både internt og eksternt, men evnar òg å arbeide sjølvstendig og systematisk</li><li>Gode sosiale evner som fremjar trivsel og eit godt arbeidsmiljø vil bli vektlagde</li></ul><p>Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen <a href="https://www.politiet.no/om-politiet/jobb-i-politiet/medarbeiderplattform/" rel="nofollow">her</a>.</p><br /><h2>Dette kan vi tilby om du vel oss</h2><p>Du vil bli ein del av eit godt arbeidsmiljø med kompetente medarbeidarar med variert bakgrunn. Vi har stort fokus på kontinuerleg fag- og metodeutvikling,med stor takhøgd og ein god tilbakemeldingskultur</p><ul><li>Ein utfordrande og spanande arbeidsplass for deg som vil vera med på å forma politiet i framtida </li><li>Stillinga som politioverbetjent stillingskode 0287 vert lønna frå kr 790 000,-.  Vidare lønnsutvikling vil skje i henhold til hovudtariffavtalane i staten</li><li>Medlemskap i Statens pensjonskasse, med mellom anna gode pensjons- og forsikringsordningar. Les meir på <a href="https://www.spk.no" rel="nofollow">www.spk.no</a> </li><li>Bedriftshelseteneste</li></ul><p> </p><br /><h2>Mangfald i politiet</h2><p>Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.</p><p>Les meir om positiv særbehandling når ein søkjer jobb i staten <a href="https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten" rel="nofollow">her</a>. </p><p>Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.</p>Video: <a href="https://www.youtube.com/watch?v&#61;uUTjHmSB_Wc" rel="nofollow">https://www.youtube.com/watch?v&#61;uUTjHmSB_Wc</a><h2>Slik søkjer du</h2><p>Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.</p><p>Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.</p><p> </p><br />

Politioverbetjent koordinator risiko- og trusselarbeid