Politiet

Kristiansund N

Kim Andre Hovland

Seksjonsleiar Vakt og Beredskap 

Knut Olav Fugelsnes

Politioverbetjent/avsnittsleiar

<h2>Om stillinga</h2><p>Vi har ledig ei fast stilling ved vår seksjon for vakt og beredskap i Kristiansund. Det kan oppstå fleire ledige faste stillinger og vikariat. </p><p>Politibetjent innan vakt- og beredskapsteneste skal på døgnkontinuerleg basis bidra til å sikre tryggleik for innbyggjarane gjennom kriminalitetsførebygging som hovudstrategi. I periodar må du pårekne arbeid innan etterforsking og andre tjenesteområde, avhengig av behov i driftseininga.</p><p>Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.</p><br /><h2>Dette ser vi etter hos ein ny medarbeidar</h2><p>Vi ser etter deg som er interessert i å møte utfordringar knytt til kriminalitetsnedkjemping. Vi stiller høge krav til fagleg kompetanse, motivasjon, arbeidsmoral og etisk integritet.</p><p>Vidare søkjer vi medarbeidarar som opptrer profesjonelt til ei kvar tid og fungerer som gode ambassadørar for politiet gjennom sine haldningar og handlingar i det daglege arbeidet. Evna til å vere trygg, nærverande, lydhøyr og å byggje tillit til publikum, er avgjerande for suksess i organisasjonen vår.</p><p>I vurderinga vår av kandidatar er mellom anna dette noko vi vil leggje vekt på, i tillegg til evna til å bidra til eit inkluderande og respektfullt arbeidsmiljø.</p><br /><h2>Arbeidsoppgåver</h2><ul><li>Arbeid innan vakt og beredskap i turnusteneste etter gjeldande tenestelister</li><li>Utføre etterforsking med politiarbeid på staden (PPS) som arbeidsmetode</li><li>Kriminalitetsførebyggjande arbeid</li><li>Andre oppgåver som høyrer til den daglege tenesta ved eininga</li><li>Bidra med rettleiing og ved opplæring/kompetansehevande tiltak</li><li>Kan påleggast andre oppgåver</li></ul><br /><h2>Kvalifikasjonar</h2><p>Dette må du ha for å vere kvalifisert: </p><ul><li>Bestått grunnutdanning frå Politi(høg)skulen. Vitnemål og karakterskjema skal leggast ved søknaden, sjå <a href="https://www.politiet.no/sok/?SearchText&#61;karakterskjema2023.xlsx" rel="nofollow">https://www.politiet.no/sok/?SearchText&#61;karakterskjema2023.xlsx</a></li><li>lP4-godkjenning, eventuelt må du kunne bli godkjent på nytt</li><li>Plettfri vandel og vere skikka for teneste i politiet. Politiaftest (uttømmande og utvida) må hentast inn ved eventuell tilsetjing, jf. politiloven § 18 og politiregisterloven § 41. Ved søknad på stillinga må ein rekne med at det blir henta inn opplysningar frå enkelte av politiet sine register og system til bruk i vandels- og skikkaheitsvurderinga</li></ul><p>Det er også ønskjeleg med:</p><ul><li>Erfaring frå politistilling</li><li>Gode resultat frå utdanning ved Politi(høg)skulen</li><li>Etter-/vidareutdanning frå Politi(høg)skulen og/eller anna relevant tilleggsutdanning</li><li>Anna relevant erfaring</li></ul><br /><h2>Personlege eigenskapar</h2><ul><li>Robust, med dette meiner vi at du må tole å stå i tøffe psykiske og fysiske oppdrag</li><li>Har gode haldningar og samarbeidsferdigheiter, trivst med å arbeide i team</li><li>Løysingsorientert og evner å ta raske avgjerder</li><li>Har gode kommunikasjonsferdigheiter og evne til å byggje tillit hos publikum</li><li>Har ønskje om fagleg utvikling og bidrar til kunnskapsdeling</li></ul><p>Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen <a href="https://www.politiet.no/om-politiet/jobb-i-politiet/medarbeiderplattform/" rel="nofollow">her</a>.</p><br /><h2>Dette kan vi tilby om du vel oss</h2><ul><li>Ein utfordrande og givande arbeidsplass for deg som vil vere med på å forme politiet i framtida</li><li>Stillinga vert lønna som politibetjent 3/2/1 (stillingskode 1461/1459/1457), avhengig av kompetanse jf. kompetansekriteriene for politibetjenter, med årslønn:<br />o Politibetjent 3: Frå kr. 590 000 - kr. 680 000<br />o Politibetjent 2: Frå kr. 535 000 - kr. 585 000<br />o Politibetjent 1: Frå kr. 510 000 - kr. 560 000</li><li>Ved endring av tjenesteområde vert det gift lønnsplassering etter gjeldande lønnsnivå for området</li><li>Godtgjersle etter gjeldande ATB på for tida kr. 44 708 og tillegg for eventuell turnusteneste</li><li>For særskilt kvalifiserte kandidatar kan noko høgare lønn bli vurdert</li><li>Du vil bli medlem i Statens pensjonskasse som gir deg mange gode i tillegg til livsvarig alderspensjon. Les meir om tilsettingsgoda dine på www.spk.no/medlemskap-i-spk. Det blir trekt to prosent frå løna til innskot i Staiens pensjonskasse</li><li>Mogelegheit for trening i arbeidstida</li><li>Møre og Romsdal politidistrikt er ei lA-bedrift og knytt til bedriftshelseteneste</li></ul><p>Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.</p><br /><h2>Mangfald i politiet</h2><p>Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.</p><p>Les meir om positiv særbehandling når ein søkjer jobb i staten <a href="https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten" rel="nofollow">her</a>. </p><p>Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.</p>Video: <a href="https://www.youtube.com/watch?v&#61;uUTjHmSB_Wc" rel="nofollow">https://www.youtube.com/watch?v&#61;uUTjHmSB_Wc</a><h2>Slik søkjer du</h2><p>Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.</p><p>Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.</p><br />

Politibetjent 3/2/1