Politiet

Godvik

Kjetil Hordnes

Avsnittsleiar

Spørsmål om CV/ søknad 

Seksjon for HR

<h2>Om stillinga</h2><p>I Vest politidistrikt, for tida ved Felles eining for operativ teneste (FOT), seksjon for operative spesialfunksjoner, er det ledig 2 faste stillingar som politibetjent 3/2 SKO 1461/1459, rekruttert som patruljehundeførarar. Felles eining for operativ teneste er ei funksjonell driftseining i Vest politidistrikt. Eininga er organisert i Seksjon for operative tenester, Seksjon for arrest og framstilling, Seksjon for samfunnssikkerhet og beredskapskoordinering, Seksjon for operative spesialfunksjoner og Seksjon for felles tenestekontor. Dei tilsette ved eininga har både politifagleg og sivil bakgrunn. Eininga har det overordna faglege ansvaret for politiet sine operative gjeremål i heile distriktet.</p><p>Seksjon for operative spesialfunksjoner har tre avsnitt; avsnitt for UEH og instruksjon, avsnitt for instruksjon , trafikk, sjø og drone og avsnitt for hundeteneste.</p><p>Hundetenesta er ein viktig del av vakt- og patruljeberedskapen til politiet, og dessutan eit supplement i den samla kriminalitetsbekjempinga til politiet. Politihunden er ein effektiv og avgjerande ressurs for å løyse spesielle og krevjande oppdrag innanfor fleire bruksområde. Politihunden skal gjennom proaktiv patruljeverksemd og forhåndsplanlagt bruk bidra til å førebyggje kriminalitet og tap av liv. Avsnitt for hundeteneste har 11 godkjende hundar og 2 patruljeunghundar under utdanning. Det er 9 patruljehundar der tre har tilleggskompetanse innan lavine, og ein patruljehund er i tillegg kriminalsøkshund. Hundetenesta har to narkotikahundar der ein har tilleggskompetanse innan lavine. Narkotikahundane er også godkjende på redning. Avsnittet har 15 tilsette og 5 av desse er kvinner. I GDE Sogn og Fjordane er det i tillegg ein godkjend hundeekvipasje, som er fagleg forankra på avsnittet.</p><p>Stillingane som hundeførar er stadsplassert i Godvik. </p><p>Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidreg til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gje deg det du treng.</p><br /><h2>Dette ser vi etter hos ein ny medarbeidar</h2><p>Vi søkjer deg som har stor interesse for operativ polititeneste og politihundeteneste. Du er teamorientert og genuint oppteken av å løysa utfordringar i saman med andre og bidra til godt arbeidsmiljø. Samstundes er du handlekraftig og sjølvstendig. I tillegg er du oppteken av å utvikla ein god politihund. Hundeteneste innebærer fysisk krevjande oppdrag over tid, så du er også oppteken av fysisk trening og uthald. </p><br /><h2>Arbeidsoppgåver</h2><ul><li>Gjennomføra og bestå PHS sitt utdanningsløp for patruljehundførarar, trena opp og godkjenne ein politihund for bruk i teneste</li><li>Operativ polititeneste som rekruttert hundeførar fram til fullført utdanning på PHS</li><li>Bistå med utviklinga av hundetjenesta, herunder opptrening av distriktet sine hundar.</li><li>Døgnkontinuerleg patruljeteneste</li><li>Forebyggje og forfølgje lovbrot for å skape tryggleik og redusere kriminaliteten</li><li>Ha ansvar for opplæring, vedlikehaldstrening og vidareutvikling av eigen tenestehund</li><li>Kjennskap og etterleving av instruks for hundane til politiet</li><li>Leie og organisera andre hundeekvipasjar i ettersøkning av sakna person</li><li>Kunne heimlane for bruk av politihund og rapporteringsplikta der politihund er brukt som maktmiddel</li><li>Bistå med oppgaver som er en del av SEKOS sin portefølje</li><li>Andre arbeidsoppgåver pålagt av overordna eller fag- og opplæringsansvarleg</li></ul><br /><h2>Kvalifikasjonar</h2><p>Dette må du ha for å vere kvalifisert:</p><ul><li>Vitnemål frå politi(høg)skulen</li><li>Tilfredsstilla kompetansekrava for pb 2/3</li><li>Kjennskap til politiet sine data- og beredskapssystem</li><li>IP4 godkjent for å kvalifisere til utdanning som patruljehundførar, søknadsfrist 01.03.26</li><li>Minst 3 år med operativ erfaring frå patruljeteneste</li><li>Må kunna handtera tenestehund</li><li>Må kunna ha tenestehund i heimen</li><li>Vera i stand til å ta vare på seg sjølv og andre under krevjande høve</li><li>Arbeid som hundeførar stiller krav til fysisk egnethet</li><li>Må kunna klarerast for HEMMELEG jfr. sikkerheitsintruksen</li><li>God skriftleg og munnleg formuleringsevne</li></ul><p>Du må ha plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetjing, jf. politiloven § 18 og politiregisterloven § 41. </p><p>Ved å søkje på stilling i politiet samtykkjer ein til at det vil bli gjort ei skikkaheitsvurdering i forkant av eventuelt intervju.</p><p>Det er også ynskjeleg med:</p><ul><li>Røynsle med hundehald</li><li>Relevant tilleggsutdanning og erfaring frå fagområdet</li></ul><br /><h2>Personlege eigenskapar</h2><ul><li>Stor motivasjon for operativ polititeneste med politihund</li><li>Vera  handlekraftig, sjølvstendig og løysingsorientert</li><li>Evne til å prioritera, halde fokus, meistre stress og handtera pressa situasjonar</li><li>Kunne tileigne seg praktisk kunnskap og ferdigheiter for å utvikla ein god politihund</li><li>Gode kommunikasjonsevner og god på å byggja relasjonar</li><li>Gode sosiale evner som fremjar trivsel og eit godt arbeidsmiljø</li><li>Robust, med dette meiner vi at du må tole å stå i tøffe psykiske og fysiske oppdrag</li><li>Ha ynskje om fagleg utvikling og bidra til kunnskapsdeling</li></ul><p>Personleg egnethet, potensiale og motivasjon for stillinga vert tungt vektlagd.</p><p>Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen <a href="https://www.politiet.no/om-politiet/jobb-i-politiet/medarbeiderplattform/" rel="nofollow">her</a>.</p><br /><h2>Dette kan vi tilby om du vel oss</h2><ul><li>Stillinga vert lønna som politibetjent 3/2 (stillingskode 1461/1459) med årslønn:<ul><li>politibetjent 3: frå kr. 630 000,-</li><li>politibetjent 2: frå kr. 540 000,-</li><li>Vidare lønnsutvikling vil skje i henhold til hovudtariffavtalane i staten.</li></ul></li><li>Godtgjersle i samsvar med Særavtale om godtgjersle for hundeførarar</li><li>Medlemskap i Statens pensjonskasse, med mellom anna gode pensjons- og forsikringsordningar. Les meir på <a href="https://www.spk.no" rel="nofollow">www.spk.no</a> </li><li>Gode arbeidsvilkår (turnus, hundetrening i arbeidstida) </li></ul><p> </p><br /><h2>Mangfald i politiet</h2><p>Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.</p><p>Les meir om positiv særbehandling når ein søkjer jobb i staten <a href="https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten" rel="nofollow">her</a>. </p><p>Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.</p>Video: <a href="https://www.youtube.com/watch?v&#61;uUTjHmSB_Wc" rel="nofollow">https://www.youtube.com/watch?v&#61;uUTjHmSB_Wc</a><h2>Slik søkjer du</h2><p>Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.</p><p>Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.</p><br />

Politibetjent 3/2 Hundeførar