Politiet

Ålesund

Thomas Arseth Holte

Avsnittsleder, seksjon for operativ styring

<h2>Om stillinga</h2><p>Operasjonssentralen er leiing- og koordineringssentral for både planlagde aktivitetar og operativ verksemd i politidistriktet. Vi handterer politiet sine naudmeldingar (112) og andre meldingar frå publikum og samvirkeaktørar.</p><p>Dine hovudoppgåver som operatør vil vere å handtere operative meldingar og naudmeldingar frå heile politidistriktet, og å planlegge og koordinere den operative polititenesta under leiing av oppdragsleiar/ operasjonsleiar. Som operatør skal du samhandle med innsatsleiar, operativt mannskap og felles straffesaksinntak (FSI) for å sikre framdrift og løyse hendingsstyrte og planlagde oppdrag. Vi kan love deg ein spennande, variert og aktiv arbeidskvardag, med heile politidistriktet som arbeidsfelt!</p><p>Du vil inngå i ein tredelt turnus med for tida arbeid kvar tredje helg. I sommerferieavviklinga er det annakvar helg, i den perioden ein ikkje er ute i ferie sjølv.</p><p>Felles eining for operative tenester (FOT) består av to seksjonar, seksjon for operativ styring og seksjon for operative fag, øving og beredskap. Stillinga er organisert under seksjon for operativ styring. Seksjonen er inndelt i tre avsnitt som blir leia av kvar sin avsnittleiar. Operasjonssentralen har eit godt arbeidsmiljø og mange dyktige medarbeidarar. Vi er lokalisert på politihuset i Ålesund og er samlokalisert med 110-sentralen i Møre og Romsdal.</p><br /><h2>Dette ser vi etter hos ein ny medarbeidar</h2><p>Vi ser etter motiverte medarbeidarar som opptrer profesjonelt til ei kvar tid og fungerer som gode ambassadørar for politiet. Evna til å vere trygg, nærverande og lydhøyr i krevjande situasjonar og dessutan byggje tillit til publikum, er avgjerande for suksess i organisasjonen vår.</p><p>Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng. </p><br /><h2>Arbeidsoppgåver</h2><ul><li>Handtere operative meldingar og naudmeldingar frå heile politidistriktet</li><li>Handtere 02800 anrop og hovednummer til politidistriktet</li><li>Planlegge samt å koordinere den operative polititenesta under leiing av oppdragsleiar/operasjonsleiar</li><li>Utføre oppgåver i samsvar med styrande dokument, planverk og plan for PO/COP</li><li>Sørgje for god kommunikasjon og samarbeid med interne samt eksterne samarbeidsaktørar</li><li>Bidra til å sette i verk straksetterforsking</li><li>Involvere nødvendig komplementær kompetanse i oppgåveløysinga</li><li>Kan påleggast andre oppgåver</li></ul><br /><h2>Kvalifikasjonar</h2><p>Dette må du ha for å vere kvalifisert:</p><ul><li>Fullført og bestått Politihøgskule/politiskule. Karakterskjema skal fyllast ut og leggast ved søknaden, sjå; <a href="https://www.politiet.no/sok/?SearchText&#61;karakterskjema2023.xlsx" rel="nofollow">https://www.politiet.no/sok/?SearchText&#61;karakterskjema2023.xlsx</a></li><li>Erfaring frå politiet sine gjeremål, herunder ordensteneste og etterforsking</li><li>God munnleg og skriftleg formidlingsevne på norsk og engelsk, og gode kommunikasjonsevner</li><li>Må kunne sikkerhetsklarerast som Hemmeleg</li><li>Du må ha plettfri vandel og vere skikka for tjeneste i politiet. Politiattest (uttømmande og utvida) må innhentast ved eventuell tilsetting, jf.politiloven § 18 og politiregisterloven § 41. Ved søknad på stillinga må du pårekne at det blir henta inn opplysingar frå enkelte av politiet sine register og system til bruk i vandels- og skikkaheitsvurderinga.</li></ul><p>Det er også ønskjeleg med:</p><ul><li>Relevant tilleggsutdanning og erfaring frå fagområdet</li><li>Erfaring frå operasjonssentral</li></ul><br /><h2>Personlege eigenskapar</h2><ul><li>Gode samarbeidsevner</li><li>Høg stresstoleranse</li><li>Initiativrik</li><li>Endringsvillig</li></ul><p>Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på.  Du kan lese meir om dei etiske retningslinjene våre og om medarbeidarplattformen <a href="https://www.politiet.no/om-politiet/jobb-i-politiet/medarbeiderplattform/" rel="nofollow">her</a>.</p><br /><h2>Dette kan vi tilby om du vel oss</h2><ul><li>Ein utfordrande og spennande arbeidsplass på operasjonssentralen i Ålesund</li><li>Fast stilling som politibetjent 3/2/1 (SKO 1461/1459/1457) i Møre og Romsdal politidistrikt. Tilsetting er avhengig av kompetanse, jf. kompetansekriteriene for politibetjenter.</li><li>Politibetjent 3 - brutto årslønn frå kr. 620 000</li><li>Politibetjent 2 - brutto årslønn frå kr. 560 000</li><li>Politibetjent 1 - brutto årslønn frå kr. 535 000</li><li>Ved endring av tjenesteområde gis lønnsplassering etter gjeldande lønnsnivå for området</li><li>Godtgjersle etter gjeldande ATB som for tida er kr 44 708 og tillegg for eventuell turnusteneste</li><li>Medlemskap i Statens pensjonskasse, med mellom anna gode pensjons- og forsikringsordningar. Les meir på <a href="https://www.spk.no" rel="nofollow">www.spk.no</a> </li><li>Det blir trekt to prosent frå løna til innskot i Statens pensjonskasse</li><li>Møre og Romsdal politidistrikt er ei IA-bedrift og er knytt til bedriftshelseteneste</li></ul><p>Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.</p><br /><h2>Mangfald i politiet</h2><p>Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.</p><p>Les meir om positiv særbehandling når ein søkjer jobb i staten <a href="https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten" rel="nofollow">her</a>. </p><p>Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.</p>Video: <a href="https://www.youtube.com/watch?v&#61;uUTjHmSB_Wc" rel="nofollow">https://www.youtube.com/watch?v&#61;uUTjHmSB_Wc</a><h2>Slik søkjer du</h2><p>Du søkjer ved å skrive eit kort søknadsbrev, registrere utfyllande CV og leggje ved relevante vitnemål og attestar.</p><p>Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.</p><br />

Operatør - politibetjent 3/2/1