Politiet

Bergen

Spørsmål om elektronisk søknad/ CV

Seksjon for HR

Sonja Lund

Avsnittsleiar

<h2>Om stillinga</h2>I Vest politidistrikt, for tida ved Felles eining for etterforsking og etterretning, seksjon for etterretning, avsnitt for operativ saksanalyse, er det ledig fast stilling som politioverbetjent/politiførstebetjent med funksjon som operativ kriminalanalytikar.Vi søkjer ein analytisk og strukturert medarbeidar som kan skape oversikt i komplekse straffesaker, støtte etterforskingsleiing og bidra til framdrift, kvalitet og gode avgjerder. Gjennom systematisk samanstilling og analyse av informasjon omset du komplekse data til tydelege prioriteringar, konkrete tiltak og gjennomførbare vurderingar, samt avdekkjer mønster og samanhengar med førebyggjande effekt. Stillinga er i utgangspunktet lokalisert i Bergen, men annan tenestestad i distriktet kan vurderast.Avsnittet består av seks analytikarar med brei fagleg kompetanse og spesialisering innan operativ kriminalanalyse. Vi arbeider tett saman i eit fagleg sterkt og støttande miljø, prega av open dialog, samarbeid og deling av erfaring. Avsnittet har ei sentral rolle i etterforsking av både enkle og komplekse straffesaker. Som operativ analytikar arbeider du med å innhente, strukturere og analysere informasjon frå fleire kjelder for å skape oversikt, sjå samanhengar og gi eit godt avgjerdsgrunnlag for etterforskingsleiing og påtale. Du bidreg i ulike fasar av etterforskinga, frå initial- og akuttfase til rettsbehandling, og formidlar analysar både skriftleg og munnleg. Som ein del av vårt team bidreg du til å styrke etterforskinga i Vest politidistrikt.Vi er på jobb for eit trygt Noreg. Som ein del av politiet sitt viktige samfunnsoppdrag skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidreg til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng. <h2>Dette ser vi etter hos ein ny medarbeidar</h2>Vi ser etter ein analytikar som kombinerer sterk analytisk evne med praktisk forståing for etterforsking. Du evnar å skape oversikt i komplekse saker, sjå samanhengar på tvers av informasjonskjelder og formidle analysar på ein presis og forståeleg måte til ulike målgrupper.Du trivst med å arbeide strukturert i høgt tempo, også i initial- og akuttfase, og forstår betydninga av kvalitet, prioritering og framdrift i etterforskinga. Samstundes har du evne til å arbeide både sjølvstendig og i tett samhandling med etterforskarar, taktikarar, påtale og andre spesialistar.I vår vurdering av kandidatar er mellom anna dette noko vi vil leggje vekt på i tillegg til evna til å bidra til eit inkluderande og respektfullt arbeidsmiljø. <h2>Arbeidsoppgåver</h2><ul><li>Utføre operativ kriminalanalyse i straffesaker Hente inn, strukturere og analysere informasjon frå fleire kjelder for å skape heilskapleg oversikt, identifisere sentrale spor og gi eit solid avgjerdsgrunnlag i etterforskinga</li><li>Delta aktivt i etterforskingsgrupper Bidra i planlegging, hypotesearbeid og prioriteringar, også i initial- og akuttfase, og gi løpande analysestøtte til etterforskingsleiing og påtale</li><li>Identifisere mønster, samanhengar og kunnskapshol Avdekkje informasjonsbehov, peike på nye spor og foreslå vidare etterforskingsretning</li><li>Utarbeide analysar og presentasjonar Produsere skriftlege analysar, visualiseringar og beslutningsstøtte til bruk i etterforsking, påtaleavgjerder og rettsbehandling</li><li>Nytta relevante analyseverktøy og bidra til fagutvikling Arbeide strukturert med fleirkjeldeanalyse, bruke relevante verktøy og bidra til kompetanseoverføring og metodeutvikling</li><li>Andre oppgåver pålagt av overordna  </li></ul> <h2>Kvalifikasjonar</h2>For stilling som politioverbetjent:<ul><li>Tilfredsstille kompetansekravet for pb3 og ha arbeidd innan relevant fagfelt i minimum 5 år. Ved anna relevant bachelor- eller mastergrad kan heile eller delar av kravet fråvikast</li></ul>For stilling som politiførstebetjent:<ul><li>Tilfredsstille kompetansekravet for pb3 og ha arbeidd innan relevant fagfelt i minimum 3 år. Ved anna relevant bachelor- eller mastergrad kan heile eller delar av kravet fråvikast</li></ul>Felles for begge stillingar:<ul><li>Bestått Politiskolen/Politihøgskolen</li><li>Relevant erfaring frå etterforsking av straffesaker, herunder erfaring med saksanalyse</li><li>God kjennskap til politiet sine datasystem, herunder bruk av Indicia og politiets sine øvrige datasystem som BL og PO</li><li>Evne til å håndtere og analysere store datamengder, og sette desse i kontekst</li><li>God skriftleg og munnleg framstillingsevne</li><li>Du må ha plettfri vandel og vere skikka for teneste i politiet og politiattest (uttømmande og utvida) må innhentas ved ev. tilsetjing jfr. politiloven§ 18 og politiregisterloven§ 41. Ved å søkje på stilling i politiet samtykkjer ein til at det vil bli gjort ei skikkaheitsvurdering, herunder søk i registre, i forkant av eventuelt intervju.</li></ul>Det er også ønskjeleg med:<ul><li>Videreutdanning i operativ krimanalyse</li><li>Erfaring frå arbeid med komplekse etterforskingssaker</li><li>Erfaring frå rolle som operativ analytikar i etterforsking</li><li>Brei politifagleg erfaring, gjerne frå fleire funksjonar eller fagmiljø</li><li>God kunnskap om dataverktøy for analyse og presentasjon, herunder brukar­kompetanse i relevante verktøy  </li></ul> <h2>Personlege eigenskapar</h2>Personleg eignaheit vil bli tillagd stor vekt. Vi ser særleg etter deg som:<ul><li>Analytisk, strukturert og kvalitetsbevisst Evnar å skape oversikt i komplekse informasjonsmengder, sjå samanhengar på tvers av kjelder og levere arbeid med høg fagleg presisjon.</li><li>God formidlar og relasjonsbyggjar Formidlar komplekse analysar på ein klar og forståeleg måte, og byggjer tillit gjennom samarbeid og rettleiing.</li><li>Sjølvstendig, ansvarleg og med god gjennomføringsevne Tek eigarskap til oppgåver, prioriterer godt og sikrar framdrift frå analyse til konkret beslutningsstøtte.</li><li>Samarbeidsorientert og inkluderande lagspelar Trivst med tett samhandling med etterforskarar, påtale og andre fagmiljø, og bidreg aktivt til eit ope, respektfullt og fagleg sterkt arbeidsmiljø.  </li></ul>Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen <a href="https://www.politiet.no/om-politiet/jobb-i-politiet/medarbeiderplattform/" rel="nofollow">her</a>. <h2>Dette kan vi tilby om du vel oss</h2><ul><li>Stillinga vert lønna som politioverbetjent med funksjon som spesialist stillingskode 0287 frå kr 800.000,- brutto per år eller som politiførstebetjent stillingskode 0285 med funksjon som spesialmedarbeidar med årslønn frå kr 720.000,- brutto per år. Vidare lønnsutvikling vil skje i henhold til hovudtariffavtalane i staten</li><li>Medlemskap i Statens pensjonskasse, med mellom anna gode pensjons- og forsikringsordningar. Les meir på <a href="https://www.spk.no" rel="nofollow">www.spk.no</a> </li><li>Gode arbeidsvilkår (dagtid, turnus, trening i arbeidstida, o.l) </li></ul> <h2>Mangfald i politiet</h2>Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.Les meir om positiv særbehandling når ein søkjer jobb i staten  <a href="https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten" rel="nofollow">her</a>. Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.Video: <a href="https://www.youtube.com/watch?v&#61;uUTjHmSB_Wc" rel="nofollow">https://www.youtube.com/watch?v&#61;uUTjHmSB_Wc</a><h2>Slik søkjer du</h2>Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.

Politioverbetjent/politiførstebetjent med funksjon som operativ kriminalanalytikar