Politiet

Kristiansund N

Anne Bjerknes Hovland

Fung. seksjonsleiar

<h2>Om stillinga</h2><p>Vi har ledig fast stilling som førstekonsulent innan administrative støttefunksjonar i Kristiansund. Stillinga er underlagt Felles eining for påtale og støtter påtaleansvarleg jurist med administrative oppgåver i straffesaksbehandlinga for å sikre at straffesaksarbeidet blir gjennomført effektivt og med høg kvalitet. </p><p>Felles eining for påtale har eit overordna ansvar for etterforsking, påtale og rettsforfølging av straffesaker i politidistriktet. Eininga har fagansvar for straffesaksbehandling og skal sikre høg kvalitet gjennom forsvarlig og effektiv forvalting av den samla straffesaksporteføljen til distriktet. Eininga har ansvar for å sørgje for at gjeldande regelverk som straffeprosesslova, påtaleinstruksen, Riksadvokatens mål og prioriteringar og andre direktiv for straffesaksarbeidet mv. etterlevast, og at omsynet til objektivitet og rettstryggleik blir vareteken i alle stadium av straffesaksbehandlinga.</p><p>Eininga består av fire seksjonar; tre påtaleseksjonar (Nordmøre, Romsdal og Sunnmøre) og ein seksjon for administrative støttefunksjonar (straffesaksseksjon). Seksjon for administrative støttefunksjonar har medarbeidarar i Ålesund, Molde og Kristiansund. Denne stillinga har arbeidsstad i Kristiansund.</p><p>Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidreg til betre oppgåveløysing, og søkjer difor medarbeidarar med ulik bakgrunn, erfaring, perspektiv og kompetanse. Om du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.</p><br /><h2>Dette ser vi etter hos ein ny medarbeidar</h2><p>Vi ser etter ein motivert og sjølvstendig medarbeidar som kan bidra inn i det viktige straffesaksarbeidet til politiet. </p><p>Vi søkjer medarbeidarar som opptrer profesjonelt til ei kvar tid og fungerer som gode ambassadørar for politiet gjennom handlingane sine i det daglege arbeidet. Evne til å vere trygg, nærverande, lydhøyr og å byggje tillit til publikum, er avgjerande for suksess i organisasjonen vår.</p><p>I vår vurdering av kandidatar er mellom anna dette noko vi vil leggje vekt på, i tillegg til evna til å bidra til eit inkluderande og respektfullt arbeidsmiljø.</p><br /><h2>Arbeidsoppgåver</h2><ul><li>Støttefunksjon for påtalejuristar</li><li>Generell digital straffesaksbehandling</li><li>Klargjering, redigering og koordinering av straffesaker</li><li>Registrering av digitale politimeldingar</li><li>Behandling av inn- og utgåande post</li><li>Kvalitetssikring av opplysningar som blir registrerte i politiet sitt saksbehandlingsverktøy for straffesaker (BL/Strasak) i samarbeid med påtalejurist og etterforskar</li><li>Sørgje for godt og effektivt samarbeid med både interne og eksterne aktørar</li><li>Fagmottak for straffesakshenvendelser</li><li>Kan påleggast andre oppgåver</li></ul><br /><h2>Kvalifikasjonar</h2><p>Dette må du ha for å vere kvalifisert:</p><ul><li>Relevant høgskule- eller universitetsutdanning på bachelornivå. Lang relevant arbeidserfaring kan kompensere for utdanningskravet.</li><li>Gode IT-kunnskapar</li><li>God skriftleg og munnleg uttrykks- og formidlingsevne på norsk</li><li>Plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetting, jf. politiloven § 18 og politiregisterloven § 41. Ved søknad på stillinga må ein rekne med at det blir henta inn opplysningar frå enkelte av politiet sine register og system til bruk i vandels- og skikkaheitsvurderinga.</li></ul><p>Det er også ønskjeleg med:</p><ul><li>Relevant erfaring frå saksbehandling innan offentleg forvaltning, fortrinnsvis frå påtaleseksjon, statsadvokat og tingrett, og frå advokatkontor</li><li>Erfaring frå publikums-/kundebehandling</li><li>Erfaring frå arbeid med analyse/statistikk</li></ul><p>Utdanning frå utlandet må vere godkjent av Nasjonalt organ for kvalitet i utdanning (NOKUT) eller <a href="https://hkdir.no/utdanning-fra-utlandet/jeg-har-utdanning-fra-utlandet/sok-godkjenning-av-hoyere-utdanning-bachelor-master-ph-d" rel="nofollow">Direktoratet for høgare utdanning og kompetanse</a> frå 1. januar 2023. Søknadar som ikkje har vedlagt dokumentasjon på godkjent utdanning vil ikkje bli behandla.</p><br /><h2>Personlege eigenskapar</h2><p>For å trivast og lykkast i stillinga, ser vi for oss at du:</p><ul><li>er nøyaktig, strukturert og trivast med å arbeide etter klare retningslinjer</li><li>er engasjert og jobbar godt både sjølvstendig og i samarbeid med andre</li><li>er løysingsorientert, effektiv og evner å prioritere i ein spennande kvardag</li></ul><p>Personlege eigenskapar blir vektlagt.</p><p>Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen <a href="https://www.politiet.no/om-politiet/jobb-i-politiet/medarbeiderplattform/" rel="nofollow">her</a>.</p><br /><h2>Dette kan vi tilby om du vel oss</h2><ul><li>Ein utfordrande og spennande arbeidsplass for deg som vil vere med og forme politiet for framtida</li><li>Stillinga vert lønna som førstekonsulent (stillingskode 1408) med årslønn frå kr. 495 000 til kr. 570 000</li><li>For særskilt kvalifiserte kan høgare lønnsplassering bli vurdert</li><li>Du vil bli medlem i Statens pensjonskasse som gir deg mange gode i tillegg til livsvarig alderspensjon. Les meir om tilsettingsgoda dine på <a href="http://www.spk.no/" rel="nofollow">www.spk.no</a></li><li>Det blir trekt to prosent frå lønna til innskot i Statens pensjonskasse</li><li>Fleksibel arbeidstid</li><li>Moglegheit for trening i arbeidstida</li><li>Møre og Romsdal politidistrikt er ei IA-bedrift og er knytt til bedriftshelseteneste</li></ul><p>Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.</p><br /><h2>Mangfald i politiet</h2><p>Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.</p><p>Les meir om positiv særbehandling når ein søkjer jobb i staten <a href="https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten" rel="nofollow">her</a>. </p><p>Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.</p>Video: <a href="https://www.youtube.com/watch?v&#61;uUTjHmSB_Wc" rel="nofollow">https://www.youtube.com/watch?v&#61;uUTjHmSB_Wc</a><h2>Slik søkjer du</h2><p>Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.</p><p>Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.</p><br />

Førstekonsulent