Politiet

Bergen

Spørsmål om søknad/ CV

Seksjon for HR

Jørgen Ommedal

Avsnittsleiar

<h2>Om stillinga</h2><p>I Vest politidistrikt, for tida ved Felles eining for operativ teneste, Seksjon for operative tenester, er det ledig fast  stilling som politioverbetjent SKO 0287 med funksjon som fagleiar samband. </p><p>Vest politidistirkt  er eitt av landets største politidistrikt, med hovudsete i Bergen og ansvar for politi- og beredskapstenester i 38 kommunar i Vestland fylke. Med rundt 1300 tilsette jobbar vi kvar dag for å skape tryggleik, førebyggje kriminalitet og levere operative tenester av høg kvalitet. Distriktet kombinerer eit breitt geografisk ansvar med eit sterkt fagmiljø, moderne beredskapskapasitetar og eit tydeleg samfunnsoppdrag. Hos oss blir du del av eit kompetent og engasjert lag som jobbar tett på både lokalsamfunn, samarbeidspartnarar og nasjonale aktørar.</p><p>Organisatorisk er stillinga plassert under Felles eining for operativ teneste (FOT) / Seksjon for operative tenester / operasjonssentralen (SOT). Næraste leiar er avsnittsleiar ved avsnitt for fag og metode. </p><p>Fagleiar samband er ein sentral person i forvaltninga av politidistriktets sambandsressursar og øvrige kommunikasjonsverktøy. Fagleiar samband har eit overordna ansvar for bruk av sambands- og kommunikasjonsverktøy i den operative tenesta. Nære samarbeidspartnarar i vidare utvikling av faget og operativ bruk vil vere mellom anna FOA (fag- og opplæringsansvarleg) ved SOT og fagansvarlege ved Seksjon for operative spesialfunksjonar (SEKOS) IP3/IP4. Som fagleiar samband må du kunne jobbe sjølvstendig, ta initiativ og ha evne til å tenkje nytt for å løyse arbeidsoppgåvene og bidra til utvikling. Fagleiar samband vil ha omfattande kontakt med tilsette i alle driftsenheiter, samt eksterne samarbeidspartnarar som brann, helse, frivillige organisasjonar m.m. Det er viktig at fagleiar samband utøver sitt virke i tett dialog med brukarane av sambandsmiddel og kommunikasjonsløysingar.</p><p>Det er venta ei betydeleg teknologisk utvikling i politiet dei komande åra, og som fagleiar samband vil du vere ein sentral aktør og eit viktig kontaktpunkt i denne utviklinga. Du må difor rekne med at arbeidsoppgåvene dine blir utvida og endra i takt med nye løysingar, behov og krav til moderne beredskapskommunikasjon. Dette inneber at du må trivast med utvikling, vere nysgjerrig på ny teknologi og ha evne til å ta eit aktivt ansvar i å forme framtidas sambandsløysingar.</p><p>Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.</p><br /><h2>Dette ser vi etter hos ein ny medarbeidar</h2><p>Du er ein motivert og profesjonell fagperson med høg arbeidsmoral og sterk integritet, og du tek ansvar for kvalitet og pålitelegheit i eit kritisk fagfelt. Du opptrer ryddig og tillitsskapande, kommuniserer tydeleg og byggjer gode relasjonar på tvers av fagmiljø og leiar­nivå. Samstundes har du eit heilskapleg perspektiv og forstår korleis sambandsfaget støttar politiet sitt samfunnsoppdrag og bidreg til tryggleik, beredskap og effektiv tenesteutføring.</p><br /><h2>Arbeidsoppgåver</h2><ul><li>Du blir den faglege drivkrafta for sambandet i distriktet, med ansvar for å sikre stabil og moderne bruk av kommunikasjonsløysingane – ein nøkkelkomponent i politiet si beredskap</li><li>Du får oversikt og eigarskap til alt sambandsutstyr, og sørgjer for at politiet alltid har pålitelege og oppdaterte verktøy i kritiske situasjonar</li><li>Du påverkar framtidige løysingar gjennom planlegging av anskaffingar og forvaltning av sambandsmiddel, i tett samarbeid med Politiets IT-tenester (PIT).</li><li>Du blir ein del av eit nasjonalt fagmiljø, der du bidreg til utvikling av sambandsfaget i heile politiet</li><li>Du styrkjer kompetansen ved operasjonssentralen gjennom instruksjon og fagleg oppfølging</li><li>Du blir distriktet sin viktigaste rådgivar innan kommunikasjonssystem, med ansvar for opplæring, rutinar og fagleg støtte på tvers av miljø.</li><li>Du held deg tett på den operative kvardagen og må rekne med å utføre teneste ved Operasjonssentralen etter avtale</li><li>Du bidreg til tryggleik og beredskap ved å oppdatere ROS-analysar for politiet sine kommunikasjonssystem</li><li>Du set standarden for kvalitet gjennom ansvar for revisjon av sambandsreglement og lokale instruksar, prosedyrar og tiltakskort.</li><li>Du spelar ei nøkkelrolle i øvingar og planlagde oppdrag, og sørgjer for at samband alltid er integrert og fungerer når det gjeld</li><li>Du bidreg aktivt i saksbehandlinga og sørgjer for koordinering mellom dei samarbeidande naudsentralane, påtalejuristar, politietterforskarar og Spesialeininga for politisaker. Dette gjeld i straffesaker og undersøkingar der det er fremja ei førespurnad om sikring av lydloggar</li><li>Du må pårekne noko reiseverksemd i stillinga</li><li>Andre arbeidsoppgåver pålagt av overordna</li></ul><br /><h2>Kvalifikasjonar</h2><p>Dette må du ha for å vere kvalifisert:</p><ul><li>Politi(høg)skule</li><li>Tilfredsstille kompetansekrava for pb3 og ha arbeidet innan relevant fagfelt i minimum 5 år.  Ved anna relevant bachelor- eller mastergrad kan heile eller deler av kravet fråvikast </li><li>Teneste frå politipatrulje</li><li>Gode kunnskapar i bruk av politiet sine IKT-verktøy</li><li>God skriftleg og munnleg formuleringsevne</li><li>Må kunne klarerast for HEMMELEG i samsvar med sikkerheitslova</li><li>Gjennomført eller forplikte seg til å ta relevant utdanning knytt til stillinga</li><li>Gjennomført eller villig til å gjennomføre lokalt operatørkurs ved Operasjonssentralen i Vest politidistrikt</li></ul><p>Du må ha plettfri vandel og vere skikka for teneste i politiet, og politiattest (uttømmande og utvida) må hentast inn ved eventuell tilsetjing, jf. politilova § 18 og politiregisterlova § 41.   Ved å søkje på stilling i politiet samtykkjer ein til at det vil bli gjort ei skikkaheitsvurdering, herunder søk i registre, i forkant av eventuelt intervju.</p><p>Det er òg ønskjeleg med:</p><ul><li>Erfaring frå teneste ved operasjonssentral</li><li>Brei politioperativ erfaring</li><li>Instruktørutdanning politiets operasjonssentraler</li><li>Kurs lokal sambandsteknikar</li><li>Leiarutdanning og/eller leiarerfaring</li></ul><p> </p><br /><h2>Personlege eigenskapar</h2><ul><li>Gode evner til kommunikasjon og relasjonsbyggjing både internt og eksternt</li><li>Evne til å kunne leie og arbeide godt i team </li><li>Evne til å prioritere, halde fokus, meistre stress og handtere pressa situasjonar </li><li>Resultatorientert med evne til å sjå løysningar og ha god gjennomføringsevne </li><li>Gode samarbeidsevner, evne til å motivere medarbeidarar og skape god samhandling og godt arbeidsmiljø </li><li>Samfunnsorientert med forståing for eininga si rolle i politiets samfunnsoppdrag </li><li>Personleg egnethet og motivasjon for stillinga vil bli vektlagt</li></ul><p>Som medarbeidar i politiet har du høg etisk medvit, du er kjenneteikna av å vere modig og heilskapsorientert, du viser respekt og er tett på. Du kan lese meir om våre etiske retningsliner og medarbeidarplattform <a href="https://www.politiet.no/om-politiet/jobb-i-politiet/medarbeiderplattform/" rel="nofollow">her</a>.</p><br /><h2>Dette kan vi tilby om du vel oss</h2><ul><li>Ein utfordrande og spennande arbeidsplass for deg som vil vere med å forme framtidas polititenester </li><li>Eit arbeidsmiljø med engasjerte og dyktige kollegaer </li><li>Stillinga blir lønna som politioverbetjent SKO 0287 frå 775 000,-  brutto per år.  Vidare lønnsutvikling vil skje i henhold til hovudtariffavtalane i staten. </li><li>Medlemskap i Statens pensjonskasse, med blant anna gode pensjons- og forsikringsordningar (sjå https://www.spk.no for meir info)<br />Bedriftshelseteneste</li></ul><br /><h2>Mangfald i politiet</h2><p>Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.</p><p>Les meir om positiv særbehandling når ein søkjer jobb i staten <a href="https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten" rel="nofollow">her</a>. </p><p>Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.</p>Video: <a href="https://www.youtube.com/watch?v&#61;uUTjHmSB_Wc" rel="nofollow">https://www.youtube.com/watch?v&#61;uUTjHmSB_Wc</a><h2>Slik søkjer du</h2><p>Du søker ved å fylle ut CV i Jobbnorges CV-skjema og skrive et kort søknadsbrev. I tillegg må du legge ved relevante vitnemål og attester. Relevante kandidater vil bli kalt inn til intervju.</p><p>Opplysninger om deg kan bli offentliggjort selv om du har anmodet om ikke å bli ført opp på søkerlisten. Dersom anmodningen ikke blir tatt til følge, vil du bli varslet om dette.</p><p> </p><br />

Politioverbetjent fagleiar samband