Politiet

Ålesund

Elin Anja Drønnen

Politimeister

<h2>Om stillinga</h2><p>Vil du vere med og leie Møre og Romsdal politidistrikt? Vi har ledig ei fast stilling i politimesteren si leiargruppe med rolle som driftseiningsleiar for Felles eining for påtale. </p><p>Som driftsenhetsleiar vil du få eit medansvar for drifta av politidistriktet samt ansvar for straffesaksbehandlinga i politidistriktet. </p><p>Felles eining for påtale skal sikre høg kvalitet gjennom ei forsvarleg og effektiv forvaltning av politidistriktet si samla straffesaksportefølje. Eininga har ansvar for å sjå til at gjeldande regelverk som straffeprosesslova, påtaleinstruksen, Riksadvokatens prioriteringar og andre direktiv for straffesaksarbeidet mv. blir etterlevd, og at omsynet til objektivitet og rettssikkerheit blir varetatt i alle stadium av straffesaksbehandlinga.</p><p>Arbeidsstad for stillinga er i Ålesund. Det kan tilretteleggast for pendling etter nærmare avtale.</p><p>Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.</p><br /><h2>Dette ser vi etter hos ein ny medarbeidar</h2><p>Vi ser etter deg med høg integritet, som sett retning, har evne til å vidareutvikle medarbeidarar, skaper oppslutning om mål og som har god gjennomføringsevne. Som leiar i politiet er det nødvendig at du oppnår resultat både i dagleg drift og ved kriser.</p><p>Vidare søkjer vi medarbeidarar som opptrer profesjonelt til ei kvar tid og fungerer som gode ambassadørar for politiet gjennom sine haldningar og handlingar i det daglege arbeidet. Evne til å vere trygg, nærverande, lydhøyr og å byggje tillit til publikum, er avgjerande for suksess i organisasjonen vår. I vurderinga av kandidatar er mellom anna dette noko vi vil leggje vekt på, i tillegg til evna til å bidra til eit inkluderande og respektfullt arbeidsmiljø.</p><br /><h2>Arbeidsoppgåver</h2><ul><li>Overordna fag- og resultatansvar for straffesaksbehandlinga i politidistriktet</li><li>Budsjett-, resultat- og personalansvar i driftseininga</li><li>Bidra aktivt i politimeisteren si leiargruppe, følgje opp avgjerdene til politimeisteren og setje i verk vedtekne endringar</li><li>Sørgje for høg kvalitet, effektiv ressursutnytting og samarbeid i tenesteproduksjonen</li><li>Utvikle eit godt medarbeiderskap, ønskt kultur og god medarbeidartilfredsheit</li><li>Ansvar for dialogen med høgare påtalemakt om straffesaksbehandling</li><li>Sørgje for effektiv og einsarta kommunikasjon (felles bodskap)</li><li>Sørgje for at tilsette varetek vern av informasjon, materiell og objekt tilhøyrande politidistriktet</li></ul><br /><h2>Kvalifikasjonar</h2><p>Dette må du ha for å vere kvalifisert:</p><ul><li>Juridisk embetseksamen eller mastergrad i rettsvitenskap med godt resultat</li><li>Minimum tre års leiarfaring, anten personalleiing eller fagleiing, med gode resultat</li><li>Inngåande kunnskap og forståing for politiet og påtalemakta si rolle i samfunnet</li><li>Brei juridisk kompetanse innan påtalefeltet</li><li>Plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetting, jf. politiloven § 18 og politiregisterloven § 41. Ved søknad på stillinga må ein rekne med at det blir henta inn opplysningar frå enkelte av politiet sine register og system til bruk i vandels- og skikkaheitsvurderinga</li><li>Du må kunne bli sikkerheitsklarert på nivå Hemmelig etter sikkerhetsloven</li></ul><p>Det er også ønskjeleg med:</p><ul><li>Relevant leiarutdanning</li><li>Erfaring frå å leie endrings- og utviklingsprosessar</li></ul><br /><h2>Personlege eigenskapar</h2><ul><li>Resultatorientert og har god gjennomføringskraft</li><li>Evne til å setje retning, drive endring og skape resultat i samhandling med andre</li><li>Godt heilskapleg blikk og evne til strategisk og langsiktig arbeid</li><li>Samfunnsorientert og har forståing for eininga si rolle i politiet sitt samfunnsoppdrag</li><li>Medarbeidarorientert og har evne til å motivere og utvikle medarbeidarar</li><li>Gode evner til kommunikasjon, samarbeid og relasjonsbygging</li></ul><p>Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen <a href="https://www.politiet.no/om-politiet/jobb-i-politiet/medarbeiderplattform/" rel="nofollow">her</a>.</p><br /><h2>Dette kan vi tilby om du vel oss</h2><ul><li>Ein utfordrande og meiningsfull arbeidsplass med eit viktig samfunnsoppdrag</li><li>Stillinga blir lønna som 0290 politiinspektør med brutto årslønn frå kr. 1 250 000 - kr. 1 330 000</li><li>For særleg kvalifiserte kan noko høgare lønn bli vurdert</li><li>Særavtale for arbeidstakarar med uregulert arbeidstid gjeld for stillinga </li><li>Medlemskap i Statens pensjonskasse, med blant annet gode pensjons- og forsikringsordningar. Les meir om tilsettingsgoda dine <a href="https://www.spk.no" rel="nofollow">her</a>. Det blir trekt to prosent frå lønna til innskot i Statens pensjonskasse</li><li>Moglegheit for trening i arbeidstida</li><li>Møre og Romsdal politidistrikt er ei IA-bedrift og er knytt til bedriftshelseteneste</li></ul><p>Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.</p><br /><h2>Mangfald i politiet</h2><p>Dersom du har funksjonsnedsetjing, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir invitert til intervju.</p><p>Les meir om positiv særbehandling når ein søkjer jobb i staten <a href="https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten" rel="nofollow">her</a>. </p><p>Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.</p>Video: <a href="https://www.youtube.com/watch?v&#61;uUTjHmSB_Wc" rel="nofollow">https://www.youtube.com/watch?v&#61;uUTjHmSB_Wc</a><h2>Slik søkjer du</h2><p>Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.</p><p>Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.</p><br />

Driftseiningsleiar - Felles eining for påtale