Patentstyret

Oslo

Ingrid Mauritzen

Seksjonssjef

<p>Patentstyret er Noregs største kompetansesenter for immaterielle rettar. Vi er ein miljøfyrtårnsertifisert organisasjon med om lag 260 dyktige medarbeidarar. Vi held til i nye, flotte lokale på Valle i Hovinbyen.</p><p>Patentstyret hjelper næringslivet med å sikre verdiane som blir skapte gjennom nye produkt, innovasjon, forsking og utvikling.</p><p>Patentavdelinga består av om lag 100 medarbeidarar, og Patentjuridisk er ei av fleire seksjonar i avdelinga. I Patentjuridisk er vi fire juristar som bidreg til å sikre gode og riktige avgjerder om patent. No søkjer vi ein ny jurist. Er det kanskje deg vi ser etter?</p><p>Gjennom fagkunnskap om immaterielle rettar, engasjement og ei løysingsorientert haldning skal du bidra til at Patentstyret leverer juridiske avgjerder og tenester av høg kvalitet til kundane våre.</p><br /><br />
<h3>Arbeidsoppgåver</h3><p>Som jurist i Patentavdelinga kjem du til å hjelpe kundar og saksbehandlarar i Patentstyret med juridiske spørsmål. Du kjem til å arbeide med både patentrett, forvaltingsrett og arbeidstakaroppfinningar, samt vere innom opphavsrett og andre tilgrensande rettsområde.</p><p>Du vil greie ut og løyse små og store juridiske problemstillingar, ta avgjerder knytt til praksisen i Patentstyret, halde opplæring og førelesingar internt og eksternt, samt utføre noko saksbehandling.</p><p>I tillegg får du høve til å bidra ved endringar i lover og forskrifter, og du vil kunne få moglegheit til å delta i internasjonalt arbeid. Du kjem til å samarbeide tett med kollegaene i seksjonen din, andre juridiske fagmiljø og profesjonar internt.</p><h3>Kvalifikasjonar</h3>Du må ha juridisk embetseksamen eller mastergrad i rettsvitskap. Det er ein fordel om du har kjennskap til immaterielle rettar og forvaltningsrett, og du må vere god i norsk og engelsk, både skriftleg og munnleg.<h3>Personlege eigenskapar</h3><ul><li>Du er engasjert, motivert og likar å ta avgjerder.</li><li>Du har stor interesse for immaterielle rettar, og synest dette er eit spennande og viktig fagområde.</li><li>Du har gode samarbeidsevner og kommuniserer godt.</li><li>Du er fleksibel og tek på deg oppgåver der behovet er størst.</li><li>Du har ambisjonar både på vegner av Patentstyret og deg sjølv, og opptrer kompetent, etterretteleg og med høg integritet.</li><li>Du ser nye moglegheiter ved bruk av digitale løysingar i forvaltninga av oppgåvene våre.</li><li>Du likar å halde presentasjonar og førelesingar.</li></ul><p>Patentstyret ønskjer at alle tilsette kjenner til og handlar i tråd med verdiane våre: truverdig, kunderetta, engasjert og løysingsorientert.</p><p>Vi legg stor vekt på personlege eigenskapar i denne stillinga.</p><h3>Vi tilbyr</h3><ul><li>spennande arbeidsoppgåver og Noregs største juridiske fagmiljø innanfor immaterialrett</li><li>fleksibel arbeidstid, sommartid og god ordning for heimekontor</li><li>eit godt og sosialt arbeidsmiljø som verdset mangfald</li><li>ein variert og fleksibel arbeidskvardag der du i stor grad kan påverke og ta ansvar</li><li>gode moglegheiter for fagleg og personleg utvikling i eit miljø med dyktige kollegaer</li><li>god pensjonsordning og moglegheit for lån i Statens pensjonskasse</li><li>gode velferdsordningar som trening i arbeidstida, treningsrom og rabattert kantine</li><li>nye og flotte lokale i dei øvste etasjane på Valle Vision ved Helsfyr</li></ul><p>Vi kunngjer stillinga som rådgjevar/seniorrådgjevar i lønnsspenn frå kr 630 000 til kr 930 000 per år. For særleg kvalifiserte søkjarar kan vi vurdere høgare løn.  <br />  <br /><strong>Til informasjon:</strong> <br />  <br />Eit godt arbeidsmiljø er prega av mangfald, og vi oppmodar alle kvalifiserte til å søkje. Dersom vi får kvalifiserte søkjarar med funksjonsnedsetjing, opphald i CV-en eller innvandrarbakgrunn, vil vi kalle inn minst éin kvalifisert søkjar frå kvar av desse gruppene til intervju. For å bli vurdert som søkjar i desse gruppene, må du oppfylle visse krav. Les meir om krava på Statens arbeidsgivarportal.<br />  <br />Vi legg til rette for gode arbeidsforhold for medarbeidarar med nedsett funksjonsevne.  <br />  <br />Vi oppmodar deg til å krysse av i jobbportalen dersom du har funksjonsnedsetjing, opphald i CV-en eller innvandrarbakgrunn.   <br /> Denne informasjonen dannar grunnlag for anonymisert statistikk som alle statlege verksemder rapporterer i årsrapportane sine.</p><h3>Kontaktinformasjon</h3>Ingrid Mauritzen, Seksjonssjef, &#43;47 22 38 74 90<br />
<h3>Nøkkelinformasjon:</h3>Arbeidsgiver: Patentstyret<br />
<br />
Referansenr.: 5021194931<br />
Stillingsprosent: 100%<br />
Fast<br />
Søknadsfrist: 13.10.2025<br />
<br />


Er du jurist og ønskjer å bli del av Noregs største miljø innan immaterialretten?