Ørsta Kommune Helse, Omsorg Og Velferd

Ørsta

Malvin Fremmerlid

Avd.leiar kommunalteknikk

Ulf Kristian Rognstad

Tenesteleiar teknisk, drift og eigedom

<p>Ørsta kommune har ledig to 100 % stillingar som fagarbeidar for avdeling kommunalteknikk med hovudoppgåver innanfor vatn og avløp.</p><p>Teknisk drift og eigedom er eit tenesteområde organisert med ansvar for kommunal bygningsmasse, reinhald og tenesteyting innanfor park og kyrkjegard, veg, vatn og avløp. Avdeling kommunalteknikk har ansvar for tenesteyting innanfor park og kyrkjegard, kommunale vegar, vatn og avløp. </p><p>Vi har fokus på eit godt arbeidsmiljø som skal gi oss betre og meir effektiv tenesteproduksjon. Ørsta kommune er inne i ei aktiv utvikling, med mange oppgåver som må løysast i åra som kjem. Digitale verktøy er eit satsingsområde for å gjere meir for litt mindre.</p><p>Arbeidet vårt byggjer på kommunen sine verdiar, og du forpliktar deg til å jobbe i samsvar med desse:<br /><strong>Tillit </strong>- gjennom gjensidig respekt, forståing og likeverd<br /><strong>Energi</strong> - gjennom entusiasme, inkludering og humor og glede<br /><strong>Løysingsvilje</strong> - gjennom lagånd, tydelege mål og meiningsfylte oppgåver <br /><strong>Utvikling </strong>- gjennom medverknad, tilbakemelding og verdsetjing av kunnskap<br /></p><br />
<h3>Arbeidsoppgåver</h3><ul><li>Anleggsarbeid på leidningsnett for vatn og avløp, både større og mindre jobbar</li><li>Utbetring av vasslekkasjer og anna hastearbeid på ledningsnett må påreknast</li><li>Søkjar må rekne med å kunne bli sett til andre kommunaltekniske oppgåver der dette er naudsynt</li><li>Vaktordning for kommunal snøbrøyting er ein del av stillinga, enten fast på rode eller som vikar/reserve</li><li>For rett kandidat kan det bli aktuelt å tilby deltaking i Ørsta brann og redning</li></ul><h3>Kvalifikasjonar</h3><ul><li>Vi søkjer ein person med relevant erfaring innanfor grunnarbeid med fokus på bygging av leidningsnett for vatn og avløp </li><li>Fagbrev som anleggsrøyrleggar er ønskjeleg</li><li>Arbeidserfaring kan erstatte relevant fagbrev</li><li>Krav om førarkort klasse B. Ønskjeleg med førarkort klasse BE og/eller C.</li><li>Ønskjeleg med godkjend maskinførarbevis M2/M4</li><li>Ønskjeleg at søkjar har ADK-kurs</li><li>Søkjar må være villig til å ta ulike kurs som arbeidsgjevar fortløpande finn naudsynt for stillinga<br /></li></ul><h3>Personlege eigenskapar</h3><p>Vi ynskjer at du: </p><ul><li>Har interesser for det kommunaltekniske faget</li><li>Har god munnleg og skriftleg framstillingsevne</li><li>Kan arbeide sjølvstendig, men samtidig har gode evner til samarbeid</li><li>Har positive haldningar</li><li>Er sjølvstendig og løysningsorientert</li><li>Er strukturert og fleksibel i høve arbeidsoppgåver</li></ul><p>Vi gjer ei heilskapleg vurdering av søkjarane og personlege eigenskapar vert vektlagde. Referansar vert nytta og aktuelle søkjarar kan verte kalla inn til intervju. I enkelte tilfelle vil det bli nytta gruppeintervju. </p><h3>Vi tilbyr</h3><ul><li>Eit godt arbeidsmiljø</li><li>Gode vilkår for fleksibilitet og utvikling med formål om å gi ei betre og meir effektiv teneste</li><li>Utfordrande og spennande arbeidsoppgåver</li><li>Gode forsikrings- og pensjonsvilkår:<br />Ørsta kommune har gode <a href="https://personportalen.inbrin.com/Personportal2.html?kundeNr&#61;59A332AB-26A3-497F-A102-D7F0935FA361" rel="nofollow">forsikringsordningar</a> i KLP for sine tilsette, som også inkluderer frivillig ulykkesforsikring på fritida. <br />Som tilsett i Ørsta kommune får du del i ei av Noreg sine sikraste pensjonsordningar: <a href="https://www.klp.no/pensjon/offentlig-tjenestepensjon-kort-fortalt" rel="nofollow">Offentleg tenestepensjon</a>. Der dei fleste tenestepensjonar berre vert utbetalt i 10 år, er offentleg tenestepensjon ei utbetaling som varer frå den dagen du sluttar å jobbe og livet ut. Pensjonen inkluderer også uføre- og etterlattepensjon om noko uventa skulle skje.</li></ul><p><strong>Arbeidsvilkår:</strong><br />Stillinga er plassert i kap. 4 i HTA ut i frå formell kompetanse.<br />Lønsplassering og stillingskode vert fastsett ved tilsetjing.<br />Tilsetting elles i samsvar med gjeldande lov- og regelverk.</p><p><strong>Prøvetid</strong><br />Prøvetid i faste stillingar er 6 mnd. I lengre vikariat er det høvesvis. Fråvær går til fråtrekk. Tilsetting skjer elles på dei vilkår og med dei rettar som går fram av gjeldande tariffavtalar og kommunale reglement. Kommunen har pensjons- og forsikringsordning for sine tilsette i KLP.</p><p><strong>Intern søkjar</strong><br />Dersom du ynskjer å bli vurdert ut frå kriterium for intern fortrinnsrett til stillinga, hakar du av på omsyn – intern søkjar. Dette gjeld berre for tilsette i Ørsta kommune som er ufrivillig deltids tilsett, har jobba i kommunen i til saman 12 månadar dei siste 2 åra, eller har andre faktorar knytt til lov- og avtaleverk som kan gi grunnlag for fortrinnsrett. jf. AML §14.<br /><br /><strong>Dokumentasjon </strong><br />Vitnemål/lenke til vitnemålsportalen og attestar frå tidlegare arbeidsforhold skal lastast opp i Webcruiter. Originale/bekrefta kopiar skal takast med til intervju. Vitnemål og attestar dannar grunnlaget for fastsetjing av ansiennitet og rett løn. Vi ber difor at du sender inn dokumentasjon på alle tidlegare arbeidsforhold. Attesten må innehalde dato frå-til, samt stillingsstørrelse eller antal timar.<br /><br /><strong>Om offentleglova</strong><br />Når du søker jobb hos oss, vil namnet ditt stå på ei offentleg søkarliste, i samsvar med offentleglova §25. Ønsker du å at namnet ditt skal vere unnateke frå den offentlege søkarlista, må du grunngje dette i søknadsskjemaet. Dersom kommunen meiner at det ikkje er grunnlag for fritak, vil du få beskjed og få tilbod om å trekkje søknaden før endeleg søkjarliste vert laga.</p><h3>Kontaktinformasjon</h3>Ulf Kristian Rognstad, Tenesteleiar teknisk, drift og eigedom, 95 15 52 75, ulf.kristian.rognstad&#64;orsta.kommune.no<br />
Malvin Fremmerlid, Avd.leiar kommunalteknikk, 95115737, malvin.fremmerlid&#64;orsta.kommune.no<br />
<h3>Arbeidsstad</h3>Dalevegen 6<br />
6153 Ørsta<br />
<h3>Nøkkelinformasjon:</h3>Arbeidsgivar: Ørsta kommune<br />
<br />
Referansenr.: 5013254259<br />
Stillingsprosent: 100%<br />
Fast<br />
Startdato: 15.10.2025<br />
Søknadsfrist: 03.10.2025<br />
<br />


Fagarbeidar Kommunalteknikk