Organisasjon og utvikling

Ulsteinvik

Monica Cecilie Torp

Kommunalsjef organisasjon og utvikling

<p><strong>Brenn du for kommunikasjon som betyr noko?</strong> Er du god til å gjere det komplekse forståeleg og skape tillit og engasjement? <br /><br />Vi søker ein samfunnsengasjert kommunikasjonsrådgivar med erfaring frå innhaldsproduksjon. Hos oss får du ei sentral og sjølvstendig rolle  til å gjere kommunen meir open, engasjerande og relevant.</p><p>Du blir ein nøkkelperson i arbeidet med å løfte fram Ulstein kommune og Søre Sunnmøre som ein attraktiv stad og engasjere både innbyggarar og tilsette. Dette gjer du ved å finne dei gode historiene frå kvardagen og formidle dei på ein måte som skapar forståing og interesse – også når sakene er komplekse.</p><p>Du vil jobbe både strategisk og operativt med ansvar for intern og ekstern kommunikasjon. Du nyttar ulike kanalar som nettsider, sosiale medium og interne plattformer for å nå ut. Vi samarbeider med nabokommunane og har ambisjonar om å etablere eit endå tettare samarbeid. Hos oss får du vere med å forme framtida!</p><p>Du blir tilsett i Organisasjon og utvikling. Vi er eit lite og fagleg sterkt lag som saman dekker eit breitt ansvarsområde. Ulstein kommune er i utvikling, og oppgåvene framover kan variere. Du kan òg få ansvar for område som ligg utanfor ditt primære fagfelt – til dømes val og beredskap.</p><h3>Arbeidsoppgåver</h3><p>Du blir tilsett i Organisasjon og utvikling og får ansvar for å</p><ul><li>produsere innhald – tekst, foto, film, redigering og publisering – i interne og eksterne kanalar</li><li>vidareutvikle og gjennomføre kommunikasjonsstrategiar</li><li>utvikle struktur og rutinar for kommunikasjon i kommunen og interkommunalt samarbeid</li><li>gi råd om kommunikasjon, mediehandtering og krisekommunikasjon</li><li>delta i faggruppa for kommunikasjon for Søre Sunnmøre</li><li>delta i ulike prosjekt etter kompetanse og erfaring</li></ul><h3>Kvalifikasjonar</h3><p>Vi ønsker at du</p><ul><li>har relevant høgskule- eller universitetsutdanning på minst bachelornivå. Relevant erfaring kan kompensere for utdanning</li><li>har erfaring frå journalistikk eller operativt kommunikasjonsarbeid, gjerne i offentleg sektor</li><li>har erfaring med innhaldsproduksjon og publiseringsverktøy på digitale flater og kanalar</li><li>er ein god formidlar som klarer å gjere komplekse tema forståelege og engasjerande</li><li>har særs god framstillingsevne på norsk både munnleg og skriftleg. Skriftspråket vårt er nynorsk.</li></ul><h3>Personlege eigenskapar</h3><p>Vi ser etter ein person som</p><ul><li>er omgjengeleg og har gode samarbeidsevner</li><li>er sjølvstendig, strukturert og initiativrik</li><li>har god gjennomføringsevne og evne til å prioritere under tidspress</li><li>er løysingsorientert, nysgjerrig og har eit heilskapleg blikk</li><li>held seg oppdatert på fagfeltet og har interesse for utvikling</li></ul><p>Personleg eignaheit til stillinga vil bli vektlagt.</p><h3>Vi tilbyr</h3><ul><li>kjekke kollegaer i eit godt arbeidsmiljø</li><li>varierte, meiningsfulle og viktige oppgåver med stort handlingsrom</li><li>ei spanande rolle i eit interkommunalt samarbeid</li><li>fleksibel arbeidstidsordning</li><li>lønn etter kommunen sine lønnspolitiske retningslinjer</li><li>god offentleg pensjons- og forsikringsordning</li></ul><h3>Kontaktinformasjon</h3><p>Monica Cecilie Torp, Kommunalsjef organisasjon og utvikling, &#43;47 90743207</p><h3>Arbeidsstad</h3><p>Sjøgata 63<br />6065 Ulsteinvik</p><h3>Nøkkelinformasjon:</h3><p>Arbeidsgivar: Organisasjons- og utviklingsetaten<br /> <br />Referansenr.: 5037157886<br />Stillingsprosent: 100%<br />Fast<br />Søknadsfrist: 04.01.2026</p>

Kommunikasjonsrådgivar