Tromsø

Nina Birgitte Einem

Rekiuuniredaktööri

Håkon Grønbech

Distriktinredaktööri

NRK hakkee sinnuu joka saattaa löyttäät ja tehđä sisälttöö yhđen Norjan nasunaalisen minoriteetin, kvääniin/norjansuomalaisten, ympäri.&nbsp;&nbsp; Meilä oon vaphaana 100 prosentin siihaisvirka. Met toivoma ette sie aloitat työssä mahđoliseman hopusti, ja työ kestää 1. fepruaarii asti, mahđolisesti pitemphään. Sie tulet työtelemhään nrk.no/kvensk&nbsp;sisälön kans. Nettisaitila oon niin artikkeliita, ääntä ja&nbsp;videoita niin kvääniksi ja norjaksi.&nbsp;Met tehemä kans sisälttöö NRK Radio/NRK TV -palveluile.&nbsp;&nbsp;&nbsp;
<h2>Työn ympäri</h2>
<ul><li>Meilä sie työtelet uutisten ja muitten hyvviin&nbsp;histooriitten&nbsp;kans jokka&nbsp;sautethaan&nbsp;publikumin. Sie olet ahkera, tykkäät työtelä digitaalisesti ja visuaalisesti. Sie kans työtelet aktiivisesti ette sie sautat usheeman nuoren raavhaan sinun sisälöllä&nbsp;&nbsp;</li></ul><ul></ul>
<h2>Met panema painon näihin ominaisuukshiin</h2>
<ul><li>Relevantti koulutus ja kokemus oon toivottava, mutta ei vaatimus&nbsp;&nbsp;</li><li>Hyvä tuntemus kväänin/norjansuomalaisten kulttuurin ja&nbsp;samfynninelämän ympäri&nbsp;</li><li>Se oon etu jos sie saatat praatata tahi kirjoittaa kväänii. Suomen kielen taito saattaa kans olla etu&nbsp;</li><li>Olet seppä uutisjournalismin kans, varsinki netissä ja mobiilissa (sie saat opetusta, jos tarvet)&nbsp;</li><li>Se oon etu jos sie olet seppä redigeeraamhaan&nbsp;video- ja kuvasisälttöö&nbsp;</li></ul>
<h2>Muut taiđot</h2>
<ul><li>Sie saatat työtelä&nbsp;ittenäisesti, mutta sie olet kans flinkki tekemhään yhtheistyötä muitten kans</li><li>Sinula oon interessi uutishiin ja hyvviin histooriin, ja sie saatat kans muistela niitten ympäri jännittäävälä tavala&nbsp;</li><li>Sinula oon motivasuunii, sie olet&nbsp;innokas ja sie saatat olla myötä rakentamassa hyvvää työmiljöö&nbsp;</li></ul>
<h2>Met tarjooma</h2>
<ul><li>Tehđä töitä juttuin kans jokka jätethään jäljen ja vahvistethaan kväänin kieltä, kväänin/norjansuomalaisten kulttuurii ja identiteettii.&nbsp;</li><li>Mahđolisuuđen oppiit journalismin ympäri, jos sille oon tarvet&nbsp;&nbsp;</li><li>hHyvän työmijöö&nbsp;yhđessä&nbsp;seppiin ja mukaviitten kolleegoitten kans&nbsp;</li><li>Työpaikka joko NRK:n Tromssan tahi Alattion uutisosastossa&nbsp;&nbsp;</li></ul>&nbsp;NRK Kväänin ympäri&nbsp; Tämä oon NRK:n tarjous norjalaisele minoriteetille kvääniile/norjansuomalaisile. Tehtävännä oon tehđä sisälttöö tälle kansanryhmäle, mutta kans olla myötä vahvistamassa norjalaisten tiettoo ja tuntemusta heiđän ympäri.&nbsp;&nbsp; NRK:n ympäri&nbsp; NRK vahvistaa demokratiaa, kokkoo ja engaseeraa&nbsp;kaikkii jokka asuthaan Norjassa. Meiđän&nbsp;pohja-arvot oon avvoimuus, rohkeus ja uskottavuus. Ette met saatama onnistuut meiđän&nbsp;laajan tehtävän kans, tarvittemma met työteliijöitä erilaisila tavustoila&nbsp;ja kokemuksila.&nbsp;&nbsp; NRK seuraa Julkisuuslakkii&nbsp;hakkiijalistan kans. Hakkiija&nbsp;häyttyy hakkee poikkeemaa, jos sille oon toivet. Jos poikkeemaa ei hyväksytä, saa hakkiija tieđon sen ympäri ja hänelä oon mahđolisuus vettää hakemus pois.&nbsp;&nbsp;&nbsp;

NRK Kvääni hakkee journalistii