Norsk Polarinstitutt

Ny-Ålesund

Rune Jensen

seksjonsleder

Jan Ivar Pettersen

materialforvalter

<h2>Feltteknikar ved forskingsstasjonen i Ny-Ålesund</h2><p>Vi har ledig ei 100% åremålsstilling som feltteknikar ved vår forskingsstasjon i Ny-Ålesund for ein periode på tre år. </p><p>Stillinga høyrer til seksjonen i Ny-Ålesund under Avdeling for operasjon og logistikk. Avdelinga har ansvar for planlegging, koordinering og gjennomføring av Norsk Polarinstitutt sine operasjonar i Arktis og Antarktis, og for å sikre trygg og effektiv logistikk til støtte for forsking og miljøovervaking. Seksjonen har det operative ansvaret for drift og utvikling av instituttet si verksemd i Ny-Ålesund, og samarbeider tett med forskarar, teknisk personell og partnarar i forskingssamfunnet.</p> <p>Ny-Ålesund forskingsstasjon er ein internasjonal møteplass for forskarar som studerer klimaendringar, miljøprosessar og utviklinga av isbrear og økosystem i Arktis. Forskinga går føre seg under krevjande arktiske forhold, og stillinga krev god planleggingsevne, samarbeid og teknisk forståing.</p><p>Som feltteknikar vil du bidra til trygg og effektiv gjennomføring av forskingsaktivitetar i Ny-Ålesund og støtte opp under Norsk Polarinstitutt sitt samfunnsoppdrag i nordområda.</p><br /><h2>Arbeidsoppgåver</h2><p>Som feltteknikar vil du bidra til å gje forskarane best mogleg praktisk støtte. Du vil delta i det praktiske arbeidet med å førebu og gjennomføre Norsk Polarinstitutt si feltverksemd i og rundt Ny-Ålesund, samt ta del i den daglege drifta.</p><p>Arbeidsoppgåvene vil i hovudsak vere:</p><ul><li>klargjering, utlevering og opplæring i bruk av feltmateriell</li><li>vedlikehald av alt feltmateriell</li><li>inngå som beredskapsvakt når vi har forskarar i felt</li><li>båtførar for stor Polarcirkel </li><li>samarbeid med tryggleiksrådgjevar i OLA Arktis</li><li>deltaking i klarering av breruter for forskarar i samarbeid med OLA Arktis</li><li>sikre at snøobservasjonar gjennomførast på Brøgger halvøya</li><li>støtte til forskingsprosjekt før åtkomst Ny-Ålesund og ifm. feltarbeid</li><li>oppfølging av frakt til og frå NP i Ny-Ålesund </li></ul><p>Stillinga inneber feltarbeid og noko reiseverksemd.</p><br /><h2>Kvalifikasjonar</h2><p>For stillinga krevst det relevant utdanning på minimum bachelornivå. Omfattande arbeidserfaring frå det aktuelle fagområdet kan i spesielle tilfelle vege opp for utdanningskravet. </p><p>I tillegg krevst det: </p><ul><li>arbeidserfaring med naudreparasjon av båt (motorar) og snøscooter</li><li>relevant erfaring frå feltmessig verksemd</li><li>brekurs og skredkurs</li><li>gyldig førarkort for bil og tilhengjar</li><li>gyldig sertifisering for føring av båt etter 12-pax forskrifta i europeisk farvatn: D5LA sertifikat, STCW Grunnleggjande sikkerheitsopplæring og STCW Passasjer- og krisehandtering, dessutan ROC-radio sertifikat </li><li>godkjend sjømannsattest</li><li>NVE snøobservasjonskurs eller vilje til å ta dette </li><li>gode skriftlege og munnlege språkkunnskapar både på norsk/annet skandinavisk språk og på engelsk</li></ul><p>Det er ein fordel om du har: </p><ul><li>D6 sertifikat</li><li>gyldig truckførarbevis </li><li>erfaring frå feltarbeid og bruk av snøscooter, med god kompetanse på feltsikkerheit og våpenhandtering, særleg frå arbeid på Svalbard</li><li>gjennomført breredningskurs og praktisk erfaring frå redningsoperasjonar på bre</li><li>kunnskap om vurdering av skredfare i tråd med gjeldande standardar</li><li>erfaring med ferdsel i bratt terreng og deltaking i redningsarbeid etter snøskred</li><li>kunnskap om nordområda og norske interesser</li><li>erfaring med tolking av GIS-verktøy og satellittbilete</li></ul><p>Ny-Ålesund er eit lite og tett samfunn med mange ulike menneske. Når vi skal velje vår neste kollega, legg vi stor vekt på personlege eigenskapar. Du må vere sjølvstendig, effektiv og ansvarsfull, med gode samarbeidsevner og høgt fokus på tryggleik. Arbeidet krev at du er løysingsorientert, fleksibel, allsidig og kreativ, og at du arbeider ryddig og strukturert – også når noko uventa skjer. Vi legg vekt på nøyaktigheit, initiativ og ei positiv og tenestevillig haldning. Du må trivast i eit lite samfunn med tett samarbeid, og bidra til eit godt og inkluderande arbeidsmiljø.</p><p>Arbeidsforholda i Arktis kan vere krevjande, og stillinga føreset god fysisk form og helse. Du må difor bestå helsesjekk etter Norsk Polarinstitutt sine retningsliner.</p><br /><h2>Vi tilbyr</h2><ul><li>åremålsstilling i eit unikt samfunn.</li><li>interessante og spanande arbeidsoppgåver i eit internasjonalt miljø.</li><li>lønn etter statens regulativ i kode 1085 avdelingsingeniør. For spesielt godt kvalifiserte søkarar kan kode 1087 overingeniør vurderast. Det blir trekt 2% til Statens pensjonskasse.</li><li>polartillegg, p.t. kr 5.340,00 per månad.</li><li>fast godtgjering for uhøveleg arbeidstid, p.t. kr 4.900,00 per månad.</li><li>svalbardskatt, p.t. 15,7%.</li><li>dekt losji og kost med mat i messe (fordelsskatting).</li><li>dekt reiser til/frå det norske fastlandet i samband med to feriereiser i året, i tråd med gjeldande vilkår (fordelsskatting).</li><li>gode pensjons- og forsikringsordningar gjennom Statens Pensjonskasse (SPK.no)</li></ul><p>Mangfald er viktig for oss. Om du er kvalifisert for stillinga, er du velkommen som søkar uansett kjønn, alder, kulturell bakgrunn, nedsett funksjonsevne eller hol i CV-en. Vi oppfordrar kvinner til å søke.</p><p>Det er spesielle helsekrav til denne stillinga, blant anna fordi jobben skal utførast under litt unormale forhold. Det gjer at moglegheitene våre for tilrettelegging av arbeidsplassen kan vera vanskeleg, men vi vurderer det alltid. </p><p>Ver merksam på at det er ikkje er høve til å ha familie busett i Ny-Ålesund.</p><br /><h2>Søknaden</h2><p>Søknad med relevante kvalifikasjonar og erfaring, CV, kopi av sertifikat, vitnemål og attestar, namn på minst tre referansar og vedlegg må registrerast i Jobbnorge.</p><p>For å sikre ein god rekrutteringsprosess samarbeider vi med Semac (www.semac.no) om elektronisk referansesjekk og bakgrunnssjekk. Det er med på å sikra at vi rekrutterer rett kompetanse og bidrar til ei rettvis evaluering av søkarane. Bakgrunnssjekken består ofte av verifisering av oppgitte opplysningar i søknad, CV, vitnemål, osv.</p><p>All informasjon blir behandla konfidensielt fram til søknadsfristen går ut. Instituttet utarbeider så ei offentleg søkarliste. Søkarar som ikkje ønskjer å stå på lista, må grunngje dette særskilt i søknaden. Etter offentleglova kan opplysningar om søkaren gjerast offentlege sjølv om søkaren har bedt om å ikkje bli ført opp på søkarlista, jf. offentleglova § 25, andre leddet.</p><p><strong>Vi ønskjer ikkje kontakt med annonseseljarar.</strong></p><br />

Felttekniker