Norges Handelshøyskole

Bergen

<h2>Om stillinga og seksjonen</h2><p>Vi søkjer ein rådgivar med kompetanse innan tenestedesign og prosessforbetring. Du er initiativrik, drivast av å identifisere forbetringsområder og tek ansvar for utvikling. I denne rolla vil du få ei nøkkelposisjon i å vidareføre og styrkje arbeidet med digitalisering og kontinuerleg forbetring ved høgskulen.</p><p>Som vår nye tenestedesigner vil du bidra til å kartleggje og utvikle arbeidsprosessar, designe digitale løysingar og legge til rette for effektiv bruk av verktøy og data. Du vil samarbeide tett med utviklarar, IT-personell og einingar på tvers av organisasjonen for å forbetre kvardagen for både studentar og tilsette.</p><p>Stillinga er knytt til Seksjon for digitalisering og dokumentasjonsforvaltning, som er organisert under IT-avdelinga. Seksjonen har seks faste tilsette som er opptatt av å ha det kjekt saman på jobb og som arbeider saman for å levere tenester av høg kvalitet. Du vil rapportere til seksjonsleiar.</p><br /><h2>Hovudoppgåver</h2><ul><li>designe prosesskart for utvikling av digitale løysingar for utviklarar og einingar</li><li>identifisere problemområde og gje råd om løysingar for automatisering og forbetring</li><li>koordinere prosessforbetring, mellom anna i form av å halde workshops</li><li>ha oversikt over digitaliseringsprosjekt på NHH og i UH-sektoren</li><li>organisere og koordinere systemeigarforum</li><li>haldast oppdatert på tenesteutvikling i sektoren og i relevante fagfora</li></ul><p>Du må rekne med endringar i arbeidsoppgåver over tid.</p><br /><h2>Kvalifikasjonskrav </h2><ul><li>utdanning frå universitet eller høgskule, fortrinnsvis på masternivå (relevant realkompetanse kan i nokre tilfelle erstatte utdanningskravet)</li><li>tre års relevant erfaring, gjerne frå tenestedesign og prosessforbetring</li><li>god skriftleg og munnleg formuleringsevne på norsk og engelsk </li><li>god digital kompetanse, med kjennskap til Microsoft Power Automate, SharePoint eller tilsvarande</li></ul><p>Det er ein føremon om du har </p><ul><li>sertifisering i metodar som Agile, Design Thinking, LEAN, Service Blueprinting eller tilsvarande</li><li>erfaring frå offentleg sektor</li><li>erfaring frå arbeid i Azure DevOps eller tilsvarande</li><li>kjennskap til moglegheitene i PowerApps</li></ul><br /><h2>Personlege eigenskapar</h2><p>Vi ser etter deg som er/har</p><ul><li>særs gode samarbeidsevner og kommuniserer på en tillitsvekkjande måte som ivaretek fleire interessentar</li><li>sjølvstendig, initiativrik, evne til å identifisere forbetringsområder og sjå løysingar</li><li>analytisk</li><li>driv og pågangsmot og evne til å jobbe målretta og strukturert</li></ul><br /><h2>NHH tilbyr</h2><ul><li>gode utviklingsmoglegheiter</li><li>eit godt arbeidsmiljø </li><li>fleksibel arbeidstidsordning </li><li>gode forsikrings-, pensjons- og låneordningar i <a href="https://www.spk.no/" rel="nofollow">Statens pensjonskasse</a> (www.spk.no)</li><li>inkluderande arbeidsliv</li><li>velferdstilbod som subsidiert trening og bedriftshytte</li></ul><p>Stillinga har kode 1434 - rådgivar og er løna med kr 630 000 – 720 000 per år avhengig av kvalifikasjonar. For særleg kvalifiserte søkarar kan høgare lønn bli vurdert. </p><br /><h2>Generell informasjon</h2><p>NHH legg vekt på mangfald. Vi oppmodar derfor alle som er kvalifiserte om å søkje stillinga utan omsyn til kjønn, alder, funksjonshemming, kulturell bakgrunn og/eller hol i CV-en. </p><p>Vi gjer merksam på at opplysningar om søkjarar kan bli offentleggjorde sjølv om søkjarane har bede om å vere unnatekne frå søkjarlista. Søkjarar vert orientert om dette på førehand.</p><p>Nærare informasjon om stillinga kan du få ved å kontakte seksjonsleiar Sigrun Synnøve Solbakken Tengesdal, &#43;47 95942811.</p><p>Søknadsfrist 31.08.2025.</p><br />

Tenestedesigner (rådgiver)