Norges Domstoler

Molde

Asbjørn Rogne

Jordskifterettsleiar

Unni Sandbukt

leder, Innstillingsrådet for dommere

<h2>Om stillinga</h2><p>Vil du ha ein jobb der du både får bryne deg på eit stort spekter av juridiske oppgåver samstundes som du har ei viktig samfunnsrolle – nemleg å skape tillit mellom naboar og styresmakter?</p><p>I rolla som jordskiftedommar vil du handtere saker som spenner frå naboar som treng å avklare vegrett, usemjer knytte til jaktrettar og disputtar om eigedomsgrenser. Mange av partane er sjølvprosederande, så i tillegg til jordskiftefagleg spissfindigheit, må du bruke mellommenneskeleg kløkt og evne å formidle jussen på ein folkeleg måte.</p><p>Ein annan svært positiv side ved denne jobben er variasjonen gjennom arbeidskvardagen – og då tenker vi verken på dei jordskiftefaglege problemstillingane eller partane du møter, men korleis jobben blir utført. Du kan sitje på kontoret den eine dagen og vere på synfaring den andre. </p><p>Vi søkjer etter deg som er jordskiftekandidat / master i eigedom /master i areal og eigedom, og har arbeidd mellom anna innan jordskifte, eigedom og eigedomssaker.</p><p>Det blir ledig embete som jordskiftedommar ved Møre og Romsdal jordskifterett, ved rettsstaden Molde. Tiltreding etter nærare avtale.</p><br /><h2>Arbeidsoppgåver</h2><p>Dei viktigaste arbeidsoppgåvene dine vil vere: </p><ul><li>å planleggje for gjennomføring av tildelte saker på ein effektiv måte</li><li>å leie rettsmøte</li><li>å leie rettsmeklingar</li><li>å skrive avgjerder i eigne saker</li><li>å bidra til gode fagmiljø gjennom deling av kunnskap og erfaringar</li></ul><br /><h2>Kven er du?</h2><p>Krava vi stiller for å bli jordskiftedommar, er: </p><ul><li>jordskiftefagleg utdanning på mastergradsnivå som oppfyller vedtekne kompetansekrav</li><li>brei yrkes- og livserfaring er ønskjeleg, noko du vil få bruk for i dei mange ulike sakene du vil handtere og i møte med menneske </li><li>god skriftleg og munnleg framstillingsevne, med eit språk alle kan forstå</li><li>analytiske evner, noko som kjem godt med ettersom sakene er komplekse og krev eit trena auge</li><li>evne til å jobbe sjølvstendig og å ta vanskelege avgjerder</li></ul><p>Du må vere norsk statsborgar. Det krevst uttømmande politiattest dersom du blir innstilt.</p><br /><h2>Personlege eigenskapar</h2><ul><li>Du skapar tillit og er tydeleg. Samstundes har du stor respekt for kompteansen og erfaringa til medarbeidarane dine.</li><li>Du er samarbeidsorientert og forstår kor viktig det er  å involvere og motivere medarbeidarane i utviklinga av domstolen.</li><li>Du må ha god gjennomføringsevne og evne til å ta avgjerder.</li><li>Brei yrkes- og livserfaring er ønskjeleg, noko du vil få bruk for i dei mange ulike sakene du vil handtere, og i møte med menneske.</li></ul><p>Det vil bli lagt vekt på om du er personleg eigna for embetet.</p><br /><h2>Vi tilbyr</h2><p>Forutan ein svært variert arbeidskvardag og eit viktig samfunnsoppdrag, kan vi tilby deg følgjande i denne stillinga:</p><ul><li>stort rom for fagleg utvikling. Du vil jobbe i kjernen av utviklinga av jordskiftefaget.</li><li>eit omfattande introduksjonsprogram for nye dommarar</li><li>årlege oppdaterings- og etterutdanningstilbod og moglegheit for éin månads studiepermisjon kvart fjerde år</li><li>ein heilt fabelaktig natur i nærområdet, som du kan nyte både i jobben og på fritida</li><li>gode pensjons-, forsikrings- og låneordningar i Statens pensjonskasse</li></ul><p>Ved tilsetjing tilbyr vi årsløn som for tida er kr. 1.049.200,-, jf. hovudtariffavtalen. Frå lønna blir det trekt 2 % innskot til Statens pensjonskasse. Skyss- og kostgodtgjersle etter statens regulativ. Jordskifteretten har ei felles bilordning, og søkjaren må ha førarkort for bil.</p><br /><h2>Mangfald i Noregs domstolar</h2><p>Det er viktig at dei tilsette i norske domstolar representerer eit godt mangfald med ulik bakgrunn og livserfaring. Vi har i dag eit rikt og fleirkulturelt samfunn. Noregs domstolar ønskjer derfor å rekruttere fleire medarbeidarar som har ein fleirkulturell bakgrunn, ulik arbeids- og livserfaring, funksjonsnedsetjing og hol i CV-en. Dette vil gi domstolane viktig kunnskap i utføringa av samfunnsoppdraget.</p><p>Mangfald er ein styrke, og vi vil leggje til rette for tilsette med ulike behov. Les meir om moglegheita for positiv særbehandling på https://arbeidsgiver.dfo.no/positivsaerbehandling.</p><br /><h2>Generelle føresgner</h2><p>Den som blir utnemnd må, utan erstatning finne seg i dei endringane som måtte bli gjorde i rettskrinsane og i organiseringa av domstolane, til dømes samanslåing med andre domstolar. Omorganisering kan føre til bortfall av leiaransvar, administrative oppgåver, endring av tittel og/eller ny kontorstad.</p><p>Personopplysningar i søknaden til stillinga og i CV-en vil bli handterte i samsvar med lov om behandling av personopplysninger. <a href="https://www.domstol.no/no/personvernpolicy/" rel="nofollow">Du kan lese meir om personvern på domstol.no.</a> Her finn du også generell informasjon om domstolane.</p><p>Vi utarbeider offentleg søkjarliste og viser til offentleglova § 25 andre ledd for høvet til å bli utelaten frå denne lista. Etter at søknadsfristen har gått ut, vil offentleg søkjarliste vere tilgjengeleg på <a href="https://www.domstol.no/no/innstillingsradet/ledige-stillinger/sokerliste/" rel="nofollow">Søkerlister - Innstillingsrådet for dommere | Norges domstoler</a>.</p><p><a href="http://www.domstol.no/innstillingsradet" rel="nofollow">Generell informasjon til søkjarane finst på www.domstol.no/innstillingsradet</a>. </p><p>Søknad med CV, vitnemål og attestar må sendast elektronisk via lenkje på denne sida: «Søk denne stillinga». Ver venleg å opplyse i søknaden kvar du først såg stillinga.</p><br />

Embete som jordskiftedommar ved Møre og Romsdal jordskifterett