Nasjonalt Klageorgan For Helsetjenesten

Bergen

Hilde-Kristin Enehaug

avdelingsdirektør

Marit O. Øvregård

kommunikasjonsansvarlig

<p>Har du erfaring med internkommunikasjon og visuell formidling? Hjå oss får du jobbe kreativt og strategisk med å gjere kommunikasjonen vår tydeleg, tilgjengeleg og effektiv – og med visuelle uttrykksformer for å formidle komplisert jus og medisin. Du får vere med i heile prosessen, frå idé til utvikling, testing og publisering.<br /></p><br />
<h3>Arbeidsoppgåvene dine vert mellom anna å</h3><ul><li>vere redaktør for intranettet vårt</li><li>skrive tekstar til ulike kanalar</li><li>ta og redigere bilete</li><li>lage illustrasjonar, film og/eller animasjonar</li><li>ha ansvar for skjemaløysinga og lage brukarvenlege skjema</li><li>jobbe med malar og sikre at dei er universelt utforma</li><li>visuelt utforme årsrapportar og andre publikasjonar</li><li>bidra med anna kommunikasjonsfagleg arbeid</li></ul><p>Det kan kome endringar i arbeidsoppgåvene. </p><h3>Denne kompetansen og erfaringa ser me etter </h3><p>For å bli vurdert til stillinga må du ha</p><ul><li>minimum bachelor innan eit relevant fagområde (lang og særleg relevant erfaring kan kompensere for utdanningskravet)</li><li>minst tre års erfaring frå liknande arbeid </li><li>god digital kompetanse og kjennskap til brukaropplevingar på nett </li><li>særs gode norskkunnskapar både skriftleg og munnleg </li></ul><p>Me ynskjer at du òg har </p><ul><li>jobba med oppbygging av digitale tenester </li><li>leia utviklingsarbeid eller prosjekt </li><li>erfaring med SharePoint og program som Adobe Illustrator, InDesign, Premiere Pro og Photoshop </li><li>stor gjennomføringsevne, er løysingsorientert og tek initiativ </li><li>gode samarbeidsevner, men du er òg vane med å jobbe sjølvstendig  <br /></li></ul><p>Me legg stor vekt på at den som vert tilsett, er godt personleg eigna for stillinga.<br /></p><h3>Kvifor skal du velje oss som din neste arbeidsgjevar?</h3><p>Nasjonalt klageorgan for helsetenesta sikrar pasient- og rettstryggleiken til dei som brukar helsetenestene, og rettstryggleiken til dei som jobbar i helsetenestene. Det gjer me ved å overprøve vedtak i over 100 ulike sakstypar frå 32 offentlege institusjonar. </p><p>Vurderingane våre er viktige for både livssituasjonen til enkeltpersonar og interessene til fellesskapet i offentleg finansierte og velfungerande helsetenester. Du kan lese meir om oss på <a href="https://www.helseklage.no/" rel="nofollow">helseklage.no</a>. </p><p>Hjå oss får du </p><ul><li>jobbe i eit godt og inkluderande arbeidsmiljø som er prega av trivsel, engasjement og arbeidsglede </li><li>vere ein del av eit fellesskap som deler kunnskap og erfaringar </li><li>ein arbeidsgivar som er oppteken av heile mennesket og har ein god personalpolitikk med balanse mellom jobb og fritid </li><li>gode arbeidstidsordningar med fleksitid, betalt lunsjpause, ein time trening i arbeidstida per veke og moglegheit for heimekontor </li><li>jobbe i moderne lokale midt i Bergen sentrum og ete lunsj i ei Søtt &#43; Salt-kantine </li><li>sykkelgarasje og garderobar </li><li>tilbod om å vere med på sosiale aktivitetar, for eksempel fredagsquiz, utflukter, fjellturar, lønningstreff og stafettlag i Bergen City Marathon</li></ul><p>Du vert lønna som rådgjevar/seniorrådgjevar, avhengig av kompetansen og erfaringa di.  <br /><br />Våre tilsette er medlem i Statens pensjonskasse og får gode pensjons-, låne- og forsikringsordningar. To prosent av løna di går til pensjonsordninga. Dei fyrste seks månadene vert rekna som prøvetid. </p><h3>Les dette før du søkjer</h3><p>Du må sende søknaden og laste opp relevante vitnemål og attestar i rekrutteringsportalen. </p><p>Inkludering og mangfald er ein styrke, og gjer at me kan løyse samfunnsoppdraget vårt endå betre. Difor ynskjer me oss medarbeidarar med ulike kompetansar, fagkombinasjonar, livserfaringar og perspektiv.  </p><p>Dersom du har funksjonsnedsetting, hol i CV-en eller innvandrarbakgrunn, oppfordrar me deg til å krysse av for dette i jobbsøkjarportalen. Dersom det er kvalifiserte søkjarar i desse gruppene, kallar me inn minst ein søkjar i kvar gruppe til intervju. Avkryssinga vert berre brukt til å velgje ut riktige kandidatar og i anonymisert statistikk. </p><p><a href="https://arbeidsgiver.dfo.no/" rel="nofollow">Les meir om positiv særbehandling på arbeidgiver.dfo.no</a>.</p><p>Søkjarlista er offentleg. Dersom du ikkje ynskjer å stå på lista, må du grunngje ynsket ditt. Me tek kontakt med deg dersom me ikkje kan skjule namnet ditt. </p><h3>Kontaktinformasjon</h3>Marit O. Øvregård, kommunikasjonsansvarlig, &#43;47 986 76 990<br />
Hilde-Kristin Enehaug, avdelingsdirektør, &#43;47 938 67 284<br />
<h3>Arbeidssted</h3>Krinkelkroken 1<br />
5014 BERGEN<br />
<h3>Nøkkelinformasjon:</h3>Arbeidsgiver: Nasjonalt klageorgan for helsetjenesten (Helseklage)<br />
<br />
Referansenr.: 5034880975<br />
Stillingsprosent: 100%<br />
Fast<br />
Søknadsfrist: 16.11.2025<br />
<br />


Vil du jobbe med internkommunikasjon og visuell kommunikasjon?