Møre og Romsdal jordskifterett

Ørsta

Asbjørn Rogne

Jordskifterettsleiar

<h2>Om stillinga</h2><p>Noregs domstolar er den tredje statsmakta og samfunnets fremste konfliktløysar. Domstolane tek avgjerder som har mykje å seie både for enkeltmenneske og for samfunnet.</p><p>Har du jordskiftefagleg bakgrunn og i tillegg likar ein svært variert kvardag? Då bør du vurdere å bli jordskiftedommarfullmektig!</p><p>Her må du vere like komfortabel i innesko som i fjellstøvlar, for du kan like gjerne leie ei rettssak på kontoret som å delta i teknisk arbeid i marka under rettsmøte eller ved rettsmekling. Du vil arbeide med heile spekteret av jordskiftefaget, og du vil få ei bratt læringskurve. Arbeidet er truleg meir sjølvstendig enn du trur, samstundes som du har eit fagleg nettverk å støtte deg på.</p><p>Variasjon får du også gjennom dei ulike partane du vil møte, nokre av dei er sjølvprosederande. Det stiller ekstra krav til dine mellommenneskelege eigenskapar og evne til å kommunisere med og skape tillit overfor kven det måtte vere.</p><p>Stillinga som jordskiftedommarfullmektig er tidsavgrensa til tre år, med moglegheit for eitt års forlenging.</p><p><a href="https://www.domstol.no/no/jobb-i-domstolene/jordskifte/" rel="nofollow">På www.domstol.no kan du sjå kva nokre kollegaer i jordskiftedomstolane fortel om stillingane sine.</a></p><br /><h2>Arbeidsoppgåver</h2><p>Stillinga er ei opplæringsstilling, og skal gi deg relevant kompetanse og eit godt grunnlag for å søke stilling som jordskiftedommar seinare. Det er utarbeidd opplæringsplan, og det er eit mål at du som jordskiftedommarfullmektig raskt kan bli gitt alminneleg fullmakt til å styre jordskiftesaker som jordskiftedommar.</p><p>Dine viktigaste arbeidsoppgåver vil vere:</p><ul><li>Planleggje for gjennomføring av tildelte saker på ein effektiv måte</li><li>Leie rettsmøte og rettsmeklingar</li><li>Skrive avgjerder i eigne saker</li><li>Bidra til gode fagmiljø gjennom deling av kunnskap og erfaringar</li></ul><p>Stillinga medfører reiseaktivitet og du må rekne med å delta i saksarbeid ved alle rettsstadane i domstolen. Domstolen har eigen tenestebil. Det er derfor eit krav at du har førarkort for bil. Skyss- og kostgodtgjersle blir gitt etter statens reiseregulativ. </p><br /><h2>Kven er du?</h2><p><strong>Vi søkjer deg som:</strong></p><ul><li><a href="https://www.domstol.no/contentassets/dbd526c17d0c4aa88bc540ed63fb85a7/retningslinjer.pdf" rel="nofollow">har jordskiftefagleg utdanning på masternivå, som tilfredsstiller fastsette kompetansekrav som jordskiftedommar</a></li><li>har gode munnlege og skriftlege kunnskapar i norsk</li><li>har evne til å sjå moglegheiter digitale verktøy gir for å effektivisere arbeidsprosessar</li></ul><p><strong>Personlege eigenskapar:</strong></p><ul><li>Du har høg etisk standard og integritet.</li><li>Du er fagleg dyktig, set deg raskt inn i komplekse problemstillingar og har god vurderingsevne.</li><li>Du arbeider sjølvstendig og er i stand til å ta vanskelege avgjerder.</li><li>Du leverer kvalitet, er effektiv og bidreg til god framdrift i sakene.</li><li>Du kommuniserer godt med partar og aktørar. Mange av partane du vil jobbe med fører saka si sjølve, noko som krev ekstra rettleiing og eit folkeleg språk.</li><li>Du samarbeider godt med andre og bidreg til eit godt arbeidsmiljø.</li></ul><p>Synfaringar ute og i marka er ein del av arbeidskvardagen. Du må difor ha normalt god fysisk helse.<br />Du må vere norsk statsborgar. Uttømmande politiattest vil bli henta inn.</p><br /><h2>Kva tilbyr vi?</h2><ul><li>varierte og utfordrande arbeidsoppgåver på ein arbeidsplass med eit viktig samfunnsoppdrag</li><li>godt arbeidsmiljø med hyggelege og kompetente kollegaer</li><li>eigen mentor i domstolen</li><li>du vil lære mykje nytt! Vi er opptekne av å utvikle din kompetanse</li><li>nasjonale og regionale fagsamlingar og godt nettverk</li><li>variert arbeidsdag med noko feltarbeid</li><li>ordningar for fri, avspasering og moglegheit for trening i arbeidstida</li><li>tittelen jordskiftedommarfullmektig og løn etter Hovudtariffavtalane i staten med konkurransedyktige vilkår og ein av marknadens beste pensjonsordningar i Statens pensjonskasse</li><li>ved alminneleg fullmakt til å styre eigne saker blir det gitt eit lønnstillegg</li><li>trygg arbeidsplass innanfor statens rammer og avtaleverk</li></ul><p>Stillinga skal først og fremst bidra til å gi deg kompetanse for å kunne utøve dommarrolla, men du vil også få ei viss innføring i teknisk arbeid. Du blir del av eit nettverk av jordskiftedommarfullmektigar fordelt over heile landet.</p><br /><h2>Mangfald i Noregs domstolar</h2><p>Det er viktig at dei tilsette i norske domstolar representerer eit godt mangfald med ulik bakgrunn og livserfaring. Vi har i dag eit rikt og fleirkulturelt samfunn. Noregs domstolar ønskjer derfor å rekruttere fleire medarbeidarar som har ein fleirkulturell bakgrunn, ulik arbeids- og livserfaring, funksjonsnedsetjing og hol i CV-en. Dette vil gi domstolane viktig kunnskap i utføringa av samfunnsoppdraget.</p><p>Mangfald er ein styrke, og vi vil leggje til rette for tilsette med ulike behov. <br /><a href="https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten" rel="nofollow">Les meir om moglegheita for positiv særbehandling på https://arbeidsgiver.dfo.no/positivsaerbehandling.</a></p><br />

Jordskiftedommarfullmektig