Møre Og Romsdal Fylkeskommune Samferdselsområdet

Kristiansund N

John Hauger

Seksjonsleiar 

Anna Myrstad Strand

Teamleiar 

<p>Møre og Romsdal har 3014 km med fylkesveg – ei strekning som tilsvarar ein køyretur frå Møre og Romsdal til Roma. Langs denne strekninga arbeider vi dagleg med driftsoppgåver, og vi skal investere over 2 milliardar kroner i ny veginfrastruktur dei neste fire åra. På alle prosjekt som rører ved eigedomsgrenser, har vi behov for ein eigedomslandmålar. I tillegg treng fylkesvegavdelinga bistand til eigedomsavklaringar mot dei om lag 53 000 naboane langs fylkesvegnettet. Vi er med det ein av fylkets største grunneigarar, og heilt klart fylkets største nabo. Er du vår nye kollega</p><p>Du blir fast tilsett i plan og trafikkseksjonen, som er ein del av fylkesvegavdelinga i Møre og Romsdal fylkeskommune. Vi har kontorstadar i Molde, Ålesund og Kristiansund og du kan sjølv velje kontorstad. Du må rekne med ein del bilkøyring i heile fylket og til dei ulike kontorstadane. Du vil jobbe tett mot grunnervervarane i seksjonen, og dei har i dag kontorstad Ålesund. Fysisk eigedomsarkiv er plassert i Molde.    <br /></p><p>Fylkesvegavdelinga har eit stort, samla kompetansemiljø innan planlegging, bygging, drift, vedlikehald og forvaltning av fylkesvegane. Plan- og trafikkseksjonen har ansvaret for dei fleste forvaltningsoppgåvene knytt til fylkesvegane i fylket. I dette ligg mellom anna arbeid med forvaltning og prosjektering knytt til bru- og ferjekai, trafikktryggleik, handsaming av saker etter plan og bygningslova, trafikkteknikk, vegplanlegging og utarbeiding av regulerings- og kommunedelplanar, eigedom og grunnspørsmål, tilstandsregistrering, vegdata og geodataarbeid.</p><br />
<h3>Arbeidsoppgåver</h3>- Innmåling av grenser som følge av vegprosjekt/driftsprosjekt  <br />- Endring av grenser som følge av opprydding i eigedomsforhold og matrikkelføring  <br />- Bistand ved eigedomsforvaltning  <br />- Gjennomføre oppmålingsforretning  <br />- MRFK sin representant ved oppmålingsforretningar langs fylkesvegnettet<h3>Kvalifikasjonar</h3>Vi søker deg som har  <br />autorisasjon som landmålar eller som oppfyller krava til godkjenning, jf. matrikkelforskriften § 64b. For nærare beskriving, sjå https://www.kartverket.no/eiendom/autorisasjon-av-eiendomslandmalere.   <br /> <h3>Personlege eigenskapar</h3>Vi ønsker i tillegg at du:  <br />  <br />- er god på å kommunisere og skape relasjonar  <br />- arbeider systematisk, er detaljorientert og nøyaktig  <br />- tek initiativ og arbeider sjølvstendig, systematisk og målretta  <br />- er fleksibel og løysingsorientert  <br />- liker variasjon mellom arbeid på kontor og ute i felt<h3>Vi tilbyr</h3>- ei utfordrande stilling i eit arbeidsmiljø kjenneteikna av stor profesjonalitet og sterke fagmiljø  <br />- god tilgang til faglege nettverk og fagleg utvikling  <br />- offentleg pensjonsordning, gruppelivs- og ulykkesforsikring  <br />- løn etter avtale<br /><h3>Kontaktinformasjon</h3>Anna Myrstad Strand, Teamleiar , 928 08 150, anna.myrstad.strand&#64;mrfylke.no<br />
John Hauger, Seksjonsleiar , 41298652, john.hauger&#64;mrfylke.no<br />
<h3>Arbeidsstad</h3>Julsundvegen 9<br />
6412 MOLDE<br />
<h3>Nøkkelinformasjon:</h3>Arbeidsgivar: Møre og Romsdal fylkeskommune<br />
<br />
Referansenr.: 5028747673<br />
Stillingsprosent: 100%<br />
Fast<br />
Søknadsfrist: 03.11.2025<br />
<br />


Eigedomslandmåler