Miljødirektoratet

Trondheim

Svein Gustad

Seksjonsleder

<h2>Om stillinga</h2><p>Vi søkjer etter ein dyktig medarbeidar som skal drive vidareutviklinga av beredskapsarbeidet til direktoratet. Beredskapsarbeidet vårt spenner frå interne krisescenario til naturhendingar i Noreg der Miljødirektoratet har ei rolle i krisehandteringa. </p><p>Ansvarsoppgåvene i stillinga inneber mellom anna å revidere og utvikle beredskapsplanverket og rammeverket vårt for førebyggjande tryggleik. Du vil òg få ansvaret for internkontroll innanfor beredskapsområdet. Dette arbeidet inkluderer å oppdatere, utvikle og innføre nye rutinar i direktoratet. I Miljødirektoratet øver vi for å bli betre, og du vil ha ei nøkkelrolle i å planleggje, koordinere, gjennomføre og evaluere øvingar som ein del av kompetansebyggjande tiltak.</p> <p>Stillinga ligg i seksjon for tryggleik og beredskap, som er organisert i organisasjons- og digitaliseringsavdelinga. Du vil jobbe tett med relevante miljø i eiga avdeling og med fagavdelingane direktoratet. Seksjonen har eit heilskapleg ansvar for informasjonstryggleik, IT-tryggleik/cyber-tryggleik, personvern/GDPR, personelltryggleik og fysisk tryggleik.</p><p>Seksjonen har medarbeidarar både på Helsfyr i Oslo og Brattøra i Trondheim. Denne stillinga har kontorstad i Trondheim. </p><br /><h2>Stillinga sine hovudansvarsområde</h2><ul><li>styrkje beredskap og tryggleik ved å utvikle og implementere planverk</li><li>fremje ein proaktiv tryggingskultur </li><li>effektivisere og utvikle arbeidsprosessar for beredskap og fysisk tryggleik</li><li>bidra til samarbeid internt og med eksterne partnarar, og leie beredskapsteamet gjennom målretta øvingar</li><li>vidareutvikle krisestøtteverktøyet Rayvn</li></ul><br /><h2>Kompetansekrav</h2><p><strong>Kvalifikasjonar</strong></p><ul><li>relevant utdanning på masternivå innan tryggleik, beredskap eller IT. Relevant arbeidserfaring kan kompensere for utdanningskravet.</li><li>erfaring frå tryggleiks- og beredskapsarbeid</li><li>god skriftleg og munnleg framstillingsevne på norsk </li><li>erfaring med digitale krisestøtteverktøy (gjerne Rayvn) vil vektleggjast </li><li>erfaring med utvikling og vedlikehald av styringssystem og internkontroll vil vektast positivt</li><li>kjennskap til relevante standardar og rammeverk, som NSMs grunnprinsipp, sikkerheitslova og leiingssystem for informasjonstryggleik etter ISO27001</li></ul><p><strong>Særskilde krav:</strong></p><ul><li>Søkjarar til denne stillinga må tilfredsstille krava til tryggleiksklarering HEMMELEG.</li></ul> <p><strong>Eigenskapar</strong></p><ul><li>du har god gjennomføringsevne og tek ansvar for eigne leveransar</li><li>du har gode relasjonelle evner og samarbeider godt på tvers</li><li>du er initiativrik og har gode kommunikasjonseigenskapar </li><li>du jobbar strukturert og systematisk</li><li>du har god rolleforståing og evnar å sjå heilskap og samanhengar</li></ul><p>Personleg eigenskapar vil bli vektlagde.</p><br /><h2>Vi tilbyr</h2><ul><li>fast stilling som seniorrådgivar med lønn i lønnsspennet frå kr. 700 000 - 940 000 etter erfaring og kvalifikasjonar. Særskilt kvalifiserte søkarar kan vurderast noko høgare. </li><li>utfordrande arbeidsoppgåver på eit viktig samfunnsområde</li><li>gode høve for fagleg og personleg utvikling</li><li>eit breitt tilbod av sosiale, kulturelle og sportslege aktivitetar, inkludert trening i arbeidstida</li><li>fleksible arbeidstidsordningar og gode pensjons- og bustadlånordningar i Statens pensjonskasse</li></ul><br /><h2>Har du spørsmål?</h2><p>Kontaktperson for stillinga er seksjonsleiar Svein Gustad, tlf. 95 18 77 17 eller e-post svein.gustad&#64;miljodir.no.<br /><br />Oppgi referansenummer 94-2025 OSB når du tek kontakt.</p><br /><h2>Generelle opplysningar</h2><p>Du må søkje på stillinga via Jobbnorge.no. Skriv søknaden på norsk, og legg ved relevante attestar og utdannelse tatt i utlandet. Vitnemål for utdannelse tatt i Norge må du laste opp i Vitnemålsportalen.</p><p>Søkjarlistene blir offentlege når søknadsfristen har gått ut. Om du ikkje ønskjer å stå på den offentlege søkjarlista, må du grunngi kvifor. Vi tek kontakt med deg dersom vi ikkje tek ønsket ditt til følgje, og du får høve til å trekkje søknaden din. </p> <p>Vi oppfordrar deg til å krysse av i jobbportalen dersom du har funksjonsnedsetjingar, hòl i CV-en eller innvandrarbakgrunn. Vi kallar inn minst éin kvalifisert søkjar frå kvar av desse gruppene til intervju. Du kan lese meir om dette på <a href="https://arbeidsgiver.dfo.no/strategisk-hr/inkluderingsdugnaden/bli-bedre-pa-rekruttering/hvordan-skrive-stillingsannonser-som-0" rel="nofollow">Statens arbeidsgivarportal</a>. Avkryssinga blir også brukt i ein anonymisert statistikk som alle statlege verksemder har med i årsrapportane sine.</p><p>Meir informasjon om korleis vi handterer opplysningar om deg som søkjar, kan du finne i <a href="https://www.miljodirektoratet.no/personvernerklaring/" rel="nofollow">personvernerklæringa</a> vår.</p><br />

Seniorrådgivar - beredskapskoordinator