Miljødirektoratet

Oslo

Kjersti Gram Andersen

Seksjonsleder

<h2>Om stillinga</h2><p>Har du kunnskap om og erfaring frå arbeid med grunnforureining og jordhelse? Då vil vi gjerne høyre frå deg! Om du i tillegg har kompetanse innan avfall, som til dømes attvinning av betong, er det flott.</p><p>Vi har ledig ein fast stilling som saksbehandlar hos oss. Her vil du få høve til å bruke fagkompetansen din på utfordrande oppgåver i samarbeid med svært kompetente medarbeidarar. Direktoratet har eit stort fagmiljø som mellom anna dekkjer heile forureiningsfeltet.</p> <p>Seksjon for grunnforureining og deponi er ein av åtte seksjonar i avfall-, kjemikalie- og tilsynsavdelinga. Vi jobbar mellom anna med grunnforureining, jordhelse, massehandtering og deponi.</p><p>Seksjonen samarbeider tett med andre einingar i Miljødirektoratet, og har i tillegg omfattande kontakt med andre statlege etatar, statsforvaltaren, kommunar og næringsliv. Seksjonen har i dag 10 engasjerte medarbeidarar, og har arbeidsstad sentralt plassert på Helsfyr i Oslo.</p><br /><h2>Arbeidsoppgåvene dine</h2><ul><li>følgje opp nasjonal politikk innan grunnforureining, avfall og deponi</li><li>følgje utviklinga og bidra til gjennomføringa av EU/EØS-regelverk</li><li>svare ut oppdrag og førespurnader frå KLD og gi faglege innspel til politikkutvikling</li><li>bidra inn i arbeid med tiltaks- og verkemiddelvurderingar</li><li>ha ansvar for konsulentoppdrag/kontraktar på sine fagfelt</li><li>rettleie og bidra til styring av statsforvaltarane</li><li>saksbehandling, under dette behandle klagesaker</li><li>hjelp til med svar på førespurnader frå media</li></ul><br /><h2>Kompetansekrav</h2><p>Vi søkjer deg som har følgjande bakgrunn</p><ul><li>Master innan tekniske fag, ingeniørfag, naturvitskap eller andre relevante fagområde. Relevant utdanning på bachelornivå med erfaring kan kompensere for kravet om masterutdanning.</li><li>erfaring frå offentleg forvaltning</li><li>relevant erfaring frå arbeid med grunnforureining og avfall</li><li>svært god skriftleg og munnleg framstillingsevne på norsk og gode engelskkunnskapar</li><li>kunnskap om relevant lovverk, spesielt forureiningslova, avfallsforskrifta og forureiningsforskrifta</li></ul> <p>Eigenskapar</p><ul><li>du har god rolleforståing og trivst med styresmaktsutøving</li><li>du er lærevillig og leverer gode resultat til rett tid</li><li>du er sjølvstendig, men samarbeider også godt med andre</li><li>du har stor arbeidskapasitet og trivst med ein hektisk kvardag</li><li>du tenkjer heilskap og ser dei store linjene</li></ul><br /><h2>Kvifor skal du velje oss?</h2><p>Vil du vere med å løyse vår tids største klima og miljø utfordringar? Då vil du nok trivast hos oss! Vi tilbyr ein meiningsfull jobb i eit direktorat med eit viktig samfunnsoppdrag. Hos oss vil du få høve til å vekse og utvikle deg, både fagleg og personleg.</p><p>Er du oppteken av fleksibilitet i kvardagen? Vi gir deg moglegheit for avtale om heimekontor inntil to dagar i veka om arbeidsoppgåvene tilseier at det let seg gjere. I tillegg har vi fleksitid, betalt overtid og sommartid. Du blir også medlem av Statens pensjonskasse, med gode pensjonsordningar og bustadlån med gunstige vilkår.</p><p>Miljødirektoratet held til i attraktive lokale ved kollektivknutepunktet på Helsfyr. Her har vi mellom anna kantine med høg kvalitet, treningsrom og sykkelgarasje. Dei tilsette har eit breitt tilbod av sosiale, kulturelle og sportslege aktivitetar og moglegheit for trening i arbeidstida.</p><p>Du blir tilsett i fast stilling med lønn som rådgivar/seniorrådgivar frå kr. 600 000 til kr. 900 000 etter erfaring og kvalifikasjonar. Om du er spesielt kvalifisert, kan vi vurdere deg noko høgare.</p><br /><h2>Har du spørsmål?</h2><p>Kontaktperson for stillinga er seksjonsleiar Kjersti Gram Andersen, mob: 414 19 640. Send gjerne ein SMS og oppgi referansenummer, så ringjer eg deg tilbake.<br /><br />Oppgi referansenummer 106-2025 AGD når du tek kontakt.</p><br /><h2>Generelle opplysningar</h2><p>Du må søkje på stillinga via Jobbnorge.no. Skriv søknaden på norsk, og legg ved relevante attestar og utdannelse tatt i utlandet. Vitnemål for utdannelse tatt i Norge må du laste opp i Vitnemålsportalen.</p><p>Søkjarlistene blir offentlege når søknadsfristen har gått ut. Om du ikkje ønskjer å stå på den offentlege søkjarlista, må du grunngi kvifor. Vi tek kontakt med deg dersom vi ikkje tek ønsket ditt til følgje, og du får høve til å trekkje søknaden din. </p> <p>Vi oppfordrar deg til å krysse av i jobbportalen dersom du har funksjonsnedsetjingar, hòl i CV-en eller innvandrarbakgrunn. Vi kallar inn minst éin kvalifisert søkjar frå kvar av desse gruppene til intervju. Du kan lese meir om dette på <a href="https://arbeidsgiver.dfo.no/strategisk-hr/inkluderingsdugnaden/bli-bedre-pa-rekruttering/hvordan-skrive-stillingsannonser-som-0" rel="nofollow">Statens arbeidsgivarportal</a>. Avkryssinga blir også brukt i ein anonymisert statistikk som alle statlege verksemder har med i årsrapportane sine.</p><p>Meir informasjon om korleis vi handterer opplysningar om deg som søkjar, kan du finne i <a href="https://www.miljodirektoratet.no/personvernerklaring/" rel="nofollow">personvernerklæringa</a> vår.</p><br />

Interessert i fast stilling hos oss? Vi søkjer saksbehandlar innan grunnforureining og avfall!