Mandelhuset

Tysnes

Patrick Madsen

Dagleg leiar

<h2>Sesongansvarleg for Flytenaustet og Våge Gjestehamn</h2>
<p>Vil du ha ansvar for ein levande og synleg møteplass på Tysnes gjennom sommaren?</p>
<p>Flytenaustet er sommarkiosken i Våge hamn. Her møtest barnefamiliar, ungdom, båtgjestar og sommargjester for burger, is og enkel servering. Me søkjer no ein <strong>sesongansvarleg</strong> som får ansvar for heilskapen i drifta gjennom sommaren.</p>
<p>Dette er ei praktisk og operativ ansvarsrolle, der du både jobbar i kiosken og har overordna ansvar for området, flyt og trivsel.</p>
<h3>Om stillinga</h3>
<p>Som sesongansvarleg har du hovudansvar for:</p>
<p>• Dagleg drift av Flytenaustet<br />
• Vertskap for hamna og båtgjestar<br />
• Drift og oppfølging av sauna og servicebygg<br />
• Oppfølging av sesongtilsette<br />
• Planlegging og gjennomføring av minst eitt lavterskel arrangement i veka<br />
• Orden, trivsel og heilskap i området</p>
<h3>Orden, trivsel og heilskap i området</h3>
<p>Dette inneber både ansvar og praktisk arbeid, mellom anna:</p>
<p>• Dagleg sjekk av hamna og området<br />
• Spyling og rydding av kai og fellesareal ved behov<br />
• Tømming og oppfølging av bossbann<br />
• Sjå til at hoppeslott og andre aktivitetar fungerer som dei skal<br />
• Enkel handtering av vatn, slangar, straum og utstyr<br />
• Sørga for at området framstår trygt, ryddig og triveleg for gjestar i alle aldrar</p>
<p>Du har eit vertskapsansvar og skal ta eigarskap til plassen, me sett pris på ein som kan vere med å utvikla konseptet rundt hamna.</p>
<h3>Arbeidsperiode og omfang</h3>
<p>Stillinga er sesongbasert og fordelt slik:</p>
<p>• Juni: 100 prosent stilling<br />
• Juli: 100 prosent stilling<br />
• August: 60 prosent stilling</p>
<p>I tillegg kjem timesbasert arbeid på våren, knytt til planlegging og drift i samband med påske og pinse.</p>
<p>Flytenaustet er ope frå 19. juni til 9. august.<br />
Stengt måndagar.<br />
Utvida opningstid til kl. 23:00 laurdagar i juli.<br />
(du kan vera med å påvirka opningstidene ut frå det du tenker er rett).</p>
<h3>Kven ser me etter</h3>
<p>Me ser etter ein person som:</p>
<p>• Likar ansvar og jobbar sjølvstendig<br />
• Har praktisk erfaring frå kiosk, servering, butikk eller liknande<br />
• Kan stå i kiosken og jobba operativt med sal av is, burger og drikke<br />
• Er komfortabel med høgt tempo i travle periodar<br />
• Er ryddig, løysingsorientert og til å stola på<br />
• Er trygg i møte med både barn, ungdom og vaksne</p>
<p>Erfaring er viktig, men haldning, arbeidsvilje og evne til å ta ansvar er avgjerande.</p>
<h3>Me tilbyr</h3>
<p>• Ei synleg og variert ansvarsrolle i sommarsesongen<br />
• Reelt ansvar for ein heil plass<br />
• Praktisk leiarerfaring og vertskapsrolle<br />
• God støtte frå eigar og organisasjon<br />
• Ein jobb som gir verdifull erfaring vidare</p>
<h3>Søknad</h3>
<p>Send kort søknad og CV til<br />
patrick&#64;mandelhuset.no</p>
<p>Frist innan 1. mars. Søknader blir vurdert fortløpande.</p>
