Luster Kommune

Gaupne

Ole Gunnar Krakhellen

Stillingsinformasjon:Ønskjer du å vere med på å vidareutvikle bygdene i Luster kommune til eit levande og innovativt samfunn? Me i Luster set i gong BuLust – eit treårig bustad- og tilflyttingsprosjekt for bulyst i Luster, og leitar etter prosjektleiar i 100% stilling som kan utvikle og leie prosjektet.Om stillinga og prosjektet:Luster etablerer eit treårig bustad- og tilflyttingsprosjekt som har fått namnet BuLust, ei kortform av bulyst i Luster. Luster har tidlegare hatt vellukka prosjekt med å få omsett både gardsbruk og tomme hus. Dette er erfaring som ein tek med seg inn i det nye prosjektet, men målet er samstundes å tenke heilskapleg på heile kommunen.Gjennom BuLust er målet å jobbe med:<ul><li>Betra tettstadsutvikling</li><li>Få omsett eksisterande bustadmasse som er lite nytta</li><li>Få omsett ledige tomter</li><li>Vurdere om det er marknad for nye bukonsept, eventuelt transformasjon av ledige bygg</li></ul>Prosjektleiar skal jobbe i samspel med anna utviklingsarbeid, mellom anna Helse og omsorg 2030. BuLust vil og få ansvar for oppfølging av prosjekt samarbeid om bustadutvikling i Luster kommune, som er støtta av Husbanken.BuLust skal jobbe med delprosjekt og konsept for ulike grupper. og behov. Unge som skal busetje seg og stifte familie i Luster er på utkikk etter noko anna enn seniorar som planlegg for eigen alderdom. For nokon er gardslivet draumen, eller kanskje mikrohus eller mindre leilegheiter med større fellesareal og fellesskap i kvardagen. Nokre ønskjer å busetje seg i ei av bygdene/grendene utan å eige gard, andre ser dei større bygdene med tydelegare sentrumsfunksjonar innan gangavstand, som løysinga på sine bustadbehov.BuLust vert etablert som eit prosjekt for å fremje busetjing og bulyst i Luster kommune. Gjennom prosjektet er målet å auke busetjinga i heile kommunen, redusere tal tomme hus og marknadsføre bu- og livskvalitetane i Sogn og Luster.Prosjektleiar vil bli tilsett i ei treårig prosjektstilling, organisert i avdelinga næring og natur, på fagområde næring- og samfunnsutvikling.  Om avdelinga: Avdelinga næring og natur omfattar fagområda:<ul><li>landbruk og naturforvaltning</li><li>verdsarv og kulturarv</li><li>næring- og samfunnsutvikling.</li></ul>Her har me dedikerte fagansvarlege for kvart område og ein avdelingsleiar som legg til rette for samarbeid og utvikling. Arbeidsoppgåver:<ul><li>Utarbeide og gjennomføre prosjektplan som bidreg til å nå måla for BuLust</li><li>Bidra til meir heilskapleg innsats for kommunen på bustadfeltet</li><li>Aktiv kontakt og dialog med bygdalag og andre lag og organisasjonar i kommunen</li><li>Samarbeid med relevante nettverk lokalt, regionalt og nasjonalt.</li><li>Bidra i plan- og prosjektprosessar internt</li><li>Samarbeid med Husbanken</li></ul>Kvalifikasjonar: <ul><li>Relevant utdanning </li><li>Ønskje om dokumentert erfaring og resultat frå prosjektarbeid</li><li>Relevant erfaring frå offentleg og/eller privat sektor</li><li>Personlege eigenskapar vil bli sterkt vektlagt</li><li>Kompetanse/erfaring frå relevant lovverk som plan- og bygningslova, eigedomsjus og landbruk vil kunne telje positivt</li></ul>Me legg vekt på:<ul><li>Gode kommunikasjonsevner</li><li>Gode samarbeidsevner og evne til å arbeide sjølvstendig</li></ul>Me kan tilby:<ul><li>Arbeid i ein veldriven kommune med gode og sikre rammevilkår</li><li>Eit godt og stabilt arbeidsmiljø med høg fagkompetanse</li><li>Gode moglegheiter for fagleg utvikling</li><li>Kommunale tilsetjingsvilkår med gode pensjons- og forsikringsordningar</li><li>Løn etter gjeldande tariff og avtaleverk</li></ul>Andre opplysningar :<ul><li>Administrasjonsmålet i kommunen er nynorsk</li><li>Alle faste nytilsetjingar vert gjort med ei prøvetid på 6 månader</li><li>Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort</li><li>Søknadar må leverast innan fristen og må sendast inn via rekrutteringssystemet vårt EasyCruit</li><li>Grunna ferieavvikling er kontaktperson for stillinga å nå på telefon frå 31.07 og fram til søknadsfrist</li></ul> Link til søknadsskjema: <a href="https://luster.easycruit.com/vacancy/application/3523373/223057?channel&#61;NavRest&amp;iso&#61;nn" rel="nofollow">Søk her</a>

Prosjektleiar BuLust