Ll Det Norske Teatret

Oslo

Har du solid bakgrunn innan lydteknikk, teft for teater og eit øyre for detaljane som løftar den kunstnarlege opplevinga? Er du ein tydeleg og samlande leiar som trivst i eit miljø der kunst og teknologi møtest? Då kan dette vere stillinga for deg.
Som fagavdelingsleiar får du det overordna ansvaret for lydområdet ved teateret. Du blir ein sentral del av produksjonsprosessane, frå idé til premiere, og samarbeider tett med lyddesignarar, regissørar, scenografar, teknisk produsent og andre fagavdelingar. I tillegg har du ansvar for både personal, økonomi og budsjett innanfor ditt fagområde. Det Norske Teatret skal vera eit toneangivande teater i Europa som kontinuerleg utforskar ny teknologi og arbeidsmetodar, vi søker ein avdelingsleiar som vil ta ein sentral rolle i dette arbeidet
Teatret skal spegle samfunnet vårt både på og bak scenen og i salen. Vi har en tydeleg ambisjon om å styrke mangfald i teateret vårt, og ser etter ein avdelingsleiar som vil vera med å jobbe systematisk med å auke innsikt og kompetanse for å skape reell endring.
Rolla inneber personalansvar for 9 lydteknikarar. Du rapporterer direkte til Teknisk sjef og inngår i teknisk leiargruppe.
Arbeidsoppgåver
<li>Overordna fagleg ansvar for lydområdet ved teateret</li>

<li>Personalansvar og dagleg oppfølging av medarbeidarane i avdelinga</li>

<li>Planlegging og koordinering av ressursar i samarbeid med produksjonsleiing og andre fagavdelingar</li>

<li>Ansvar for budsjett, økonomi og ressursstyring i avdelinga</li>

<li>Bidra til vidareutvikling av arbeidsprosessar, rutinar og teknologiske løysingar</li>

<li>HMT-ansvar i avdelinga i tråd med gjeldande retningslinjer, avtalar og lovverk</li>
Kvalifikasjonar
<li>Høgare utdanning og/eller relevant erfaring innan lydfeltet</li>

<li>Erfaring med QLab</li>

<li>God kjennskap til trådlause system</li>

<li>Erfaring med éin eller fleire DAW-ar (t.d. Logic)</li>

<li>Gode datakunnskapar, systemforståing og kjennskap til nettverk</li>

<li>Erfaring med innspeling og redigering av lyd er ein fordel</li>

<li>Erfaring frå teaterproduksjonar er ein fordel</li>

<li>Erfaring med personalleiing, arbeidsleiing, økonomistyring eller prosjektleiing er ønskjeleg</li>
Personlege eigenskapar
<li>Gode kommunikasjons- og samarbeidsevner</li>

<li>Gode leiareigenskapar og interesse for teambygging</li>

<li>Evne til å sjå heilskap og konsekvensar i planlegging og prioriteringar</li>

<li>Strukturert, initiativrik og løysingsorientert</li>

<li>Interesse for ny teknologi og for å utvikle både faglege og organisatoriske prosessar</li>

<li>Personlege eigenskapar vil bli vektlagt.</li>
Vi tilbyr
<li>Ein spennande og utfordrande jobb i eit kreativt og profesjonelt miljø</li>

<li>Store moglegheiter for fagleg og personleg utvikling</li>

<li>Tilgang til unike kunstnarlege opplevingar i eit av landets leiande teater</li>

<li>God kollektiv pensjons- og gruppelivsforsikring</li>

<li>Gunstig ferieordning</li>
Arbeidstida er 37,5 timar per veke, hovudsakleg på dagtid i vekedagane, men arbeid på kveldar og i helger må påreknast.
Det Norske Teatret ønsker å spegle samfunnet og oppfordrar kvalifiserte kandidatar som kan auke mangfaldet i organisasjonen vår til å søkje.

Vil du bli fagavdelingsleiar for lydavdelinga ved Det Norske Teatret?