Lærdal Kommune

Lærdal

Anne Magrete Hatlelid

I Lærdal bur me ikkje meir enn rundt 2 200 menneske, men jammen skjer det mykje her! Store marknadar, musikkfestival, matfestival, gytefestival (Du får berre googla), varierte konsertar, motbakkeløp, terrengløp, fotballcup med gamle stjerner, vårfest og mykje anna.Me har majestetiske fjell med eit vel av fantastiske turalternativ både til fots og på ski, masse fiskevatn og gode jaktmoglegheiter. Og me har eit koseleg sentrum heilt ned til fjorden med gamle, søte trehus. På dei mange åkrane i dalen dyrkar dyktige bønder poteter, grønsaker, bær og frukt i rikt monn. Kommunen vår er faktisk veldig sentralt plassert – tre timars køyring til Bergen ein veg, fire timars køyring til Oslo andre vegen. Dessutan ligg «bygdebyen» Sogndal og turistmagneten Aurland berre ein dryg halvtime unna. Og me har lokalsjukehus. Ledig fast stilling som pedagogisk leiar ved Lærdalsøyri barnehageMe søkjer deg som brenn for pedagogisk arbeid i barnehagen. Me ønskjer oss fleire pedagogiske leiarar som vil bidra til god kvalitet i Lærdalsøyri barnehage.Lærdalsøyri barnehage er ein 7-avdelings barnehage, lokalisert i vakre omgjevnader sentralt på Lærdalsøyri. Barnehagen ligg i kort avstand til skule, bibliotek og idrettsanlegg, der me har fleire aktivitetar i veka. Det går om lag 100 born i barnehagen, og me er kring 30 tilsette.Lærdalsøyri barnehage har fokus på FN sine bærekraftsmål og korleis me saman kan forme framtidas miljømedvitne Lærdøler. Lærdal kommune si satsing «Grøne Lærdal» er gjennomgåande i vårt pedagogiske arbeid. Me har særskilt fokus på ein god overgang frå liten til stor avdeling og frå barnehage til skule, og jobbar systematisk med rettleiing i personale.Me har for tida avdelingar for barn 1-2 år, 2-4 år og eiga avdeling for førskulegruppa 5-6 årI stillinga vil du:<ul><li>Arbeide med barn 1-6 år:</li><li>Leie det pedagogiske arbeidet på avdelinga</li><li>Delta i planlegging, gjennomføring, dokumentering og evaluering av det pedagogiske arbeidet i barnehagen</li><li>Gi omsorg for det enkelte barnet og barnegruppa</li><li>Delta aktivt i leik og aktivitetar saman med barna</li><li>Halde deg fagleg oppdatert og dele fagleg kunnskap med dine kollegaer</li><li>Bidra til å skape eit godt læringsmiljø og ein inspirerande barnehagekvardag saman med dine kollegaer</li><li>Vere ein god rollemodell</li><li>Som barnehagelærar bidra med rettleiing av det øvre personalet</li><li>Bidra til eit godt og trygt lærings- og arbeidsmiljø for barn og tilsette</li><li>Ta initiativ til- og arbeide for eit godt samarbeid med føresette</li><li>Delta i utviklingsarbeid lokalt i barnehagen og regionen</li></ul>Personlege eigenskapar og kvalifikasjonar:<ul><li>Til stillinga er det krav om fullført utdanning som barnehagelærar</li><li>Positive haldningar</li><li>Leiarerfaring og gode leiareigenskapar</li><li>Gode samarbeids- og kommunikasjonsevner</li><li>Om du er fleksibel og løysingsorientert</li><li>Evne og ynskje om å tileigne seg ny kunnskap, og nytte dette aktivt i arbeidet med borna</li><li>Gode munnlege- og skriftlege norskkunnskapar</li><li>Ryddig og punktleg</li><li>Me søkjer deg som er positiv og har godt humør</li><li>Søkjar må vere fylt 18 år</li><li>Me oppmodar menn om å søkje</li><li>Det er ei føremon med erfaring i frå arbeid i barnehage</li></ul>Me kan tilby:<ul><li>Eit engasjert og inkluderande arbeidsmiljø</li><li>Meiningsfulle og utfordrande arbeidsoppgåver</li><li>Opplæring vil bli gitt</li></ul>Lønnsvilkår:<ul><li>Lønn etter tariff</li><li>Pensjonsordning med 2 % innbetaling til KLP</li><li>God pensjons- og forsikringsordning</li></ul>Den som vert tilsett må leggje fram gyldig politiattest (ikkje eldre enn 3 månader). Politiattest skal ikkje leggjast ved søknaden, men ved tilsetjing. Det kan nemast at Lærdal kommune mellom anna har:<ul><li>Full barnehagedekning</li><li>Gratis fulltids-SFO for 1. og 2.klassingar, gratis deltids-SFO for 3.klassingar.</li><li>Gratis kommunale bustadtomter rett ved Borgund sentrum</li><li>Eit variert kommunalt kulturprogram i tillegg til alt det andre som skjer i bygda</li></ul><a href="https://www.laerdal.kommune.no/ny-i-laerdal.593206.nn.html" rel="nofollow">Les meir om Lærdal ved å klikka på denne lenkja</a> Link til søknadsskjema: <a href="https://laerdal.easycruit.com/vacancy/application/3519215/228191?channel&#61;NavRest&amp;iso&#61;nn" rel="nofollow">Søk her</a>