Kvinnheringen AS

Husnes

Jonn Karl Sætre

Tillitsvald

Mona Grønningen

Ansvarlig redaktør

<h3>Kvinnheringen søker journalist til fast stilling!</h3>

Kvinnheringen skal dagleg servera folk i Kvinnherad journalistikk om det folk flest snakkar om og er opptekne av. Vi skal levera kritisk, uavhengig og god journalistikk, og vera ei open og inkluderande avis. Derfor treng vi dei beste journalistane! Ikkje gå glipp av denne sjansen til å søka jobb i Kvinnheringen, og å bu og jobba i vakre Kvinnherad kommune.
Vi ser etter deg som:

<ul><li>trivst med å rykka ut på store og små hendingar og rapportera direkte frå felten, med tekst, bilde og video</li><li>er språksikker, idérik, sjølvstendig og tar initiativ</li><li>skjønar korleis god journalistikk skal presenterast for å vekka interesse</li><li>likar høgt arbeidstempo og varierte arbeidskvardagar</li></ul>
Vi kan tilby: 

<ul><li>eit godt arbeidsmiljø med stor fridom til å setja dagsorden</li><li>ei viktig rolle i ei lokalavis som skal bety noko for kvinnheringane</li><li>gode høve til personleg utvikling i landets største mediekonsern</li><li>fleksibel arbeidstid</li></ul>
I Kvinnherad får du:

<ul><li>svært billig barnehage</li><li>gratis SFO</li><li>kutta 25.000 kroner av studielånet ditt kvart år</li><li>nærleik til fjord og fjell og svært mange turmoglegheiter i landet sin flottaste natur </li></ul>
 
Å jobba som journalist krev at du er allsidig og kan bidra der det er behov. Vi treng journalistar med kompetanse og interesse for blant anna politikk, næringsliv, hendingar, kultur, sport, foto og video. 
Men vi vil gjerne vita meir om dei sterke sidene dine, så skriv gjerne om kva du likar best å jobba med og om du har spesialkompetanse på nokre område. Vi legg vekt på digital kompetanse og relevant erfaring, og du må ha førarkort og disponera bil. 
 
Om du ønskjer ein prat og litt meir informasjon, kontakt redaktør Mona Grønningen på mona&#64;kvinnheringen.no, eller ring 99224355. 
Du kan også kontakta NJ-leiar Jonn Karl Sætre på jonn.karl&#64;kvinnheringen.no eller 99520861. 
 
Søknadsfrist er 28. september!

Bli journalist i Kvinnheringen!