Kvinnherad Kyrkjelege Fellesråd

Torstein Aarthun 

Kyrkjeverje/ Dagleg leiar

Kvinnherad kyrkjelege fellesråd søkjer kyrkjemusikar/ organist i inntil 100% stilling. Saman med 3 andre musikarar i ulike stillingsstorleikar vil den som blir tilsett inngå i eit team som har ansvar for det musikalske arbeidet i kyrkjelydane våre. Fellesrådet fastset saman med den som vert tilsett stillingsstorleik.
I fellesrådsområdet har vi til saman 8 sokn og 12 kyrkjer. Alderen på kyrkjene er varierande frå Ænes kyrkje (ca år 1200) til Valen kyrkje (1978). Kyrkjene har ulik gudstenestefrekvens, men i Eid kyrkje, Husnes kyrkje og i Kvinnherad kyrkje er det gudsteneste annankvar søndag. To av kyrkjene har digitale orgel.
Vi søkjer:
<ul><li>
Allsidig musikar som i tillegg til å spele orgel kan delta, og ta leiing, innan kyrkjemusikalsk arbeid i kyrkjelyden.
</li><li>
Kyrkjemusikalsk utdanning er eit ynskje men ikkje eit krav. Relevant erfaring kan kompensere for manglande utdanning.
</li><li>
Ein som kan arbeida sjølvstendig, men og med gode samarbeidsevner. Vi treng ein som kan gå inn i etablert kyrkjemusikalsk arbeid og utvikla dette, men og ein som har nye idear. Ofte er arbeidet i samspel med prestar, trusopplærar eller andre tilsette.
</li></ul>
Vi tilbyr:
<ul><li>
Arbeidsfellesskap med andre kyrkjelege tilsette i tenlege kontor like ved Valen kyrkje. Vi har stabsmøte med heile staben ein gong kvar månad.
</li><li>
Lønn etter KA sin tariff.
</li><li>
Gode forsikrings- og pensjonsordningar gjennom KLP.
</li></ul>
Personlege eigenskapar vert vektlagt ved tilsetjing.
Som kyrkjemusikar må ein pårekna arbeid på søn- og helgedagar. Nokon laurdagar vert det og arbeid t.d i samband med vigslar.
Den som vert tilsett må vera medlem av Den norske kyrkja og kunne nytte norsk skriftleg og munnleg.
Søkjar må ha førarkort klasse B og disponera bil. Køyring vert godtgjort etter gjeldande satsar ut frå HTA.
Prøvespeling kan bli aktuelt i samband med tilsetjing.
Søknad kan sendast:
post.kyrkja&#64;kvinnherad.kommune.no
Søknadsfrist 10.sept. 2025

Kyrkjemusikar/organist – inntil 100% fast stilling.