Kulturkontoret

Tysnes

Tysnesfest er ein av Vestlandets mest særeigne og etablerte festivalar --- tre dagar med musikk, kultur og fellesskap i spektakulære omgivnader på Tysnes. Festivalen samlar over 5 000 publikummarar dagleg og er ein viktig kulturinstitusjon i regionen.
BT har omtalt Tysnesfest som “Noregs mest spinnville festival -- deilig anarkistisk og komplett uforutsigbar.”
Stillinga er tilsett i Kulturkontoret AS, som utviklar og driv Tysnesfest og fleire andre kultur- og utviklingsprosjekt i regionen.
Tysnesfest har vore leia av same festivalsjef i nær ti år. No vert det gjennomført eit planlagt leiarskifte, og me søkjer ein festivalsjef som vil ta det operative og strategiske hovudansvaret for festivalen vidare. Dagens leiing vil framleis vere involvert gjennom Kulturkontoret AS og bidra til kontinuitet og vidare utvikling.
<h4 class="aksel-heading aksel-heading--xsmall aksel-typo--spacing">Om rolla</h4>
Som festivalsjef har du det overordna ansvaret for Tysnesfest si utvikling og gjennomføring. Du set saman med styret den kunstnariske retninga, leiar programmeringa og har ansvar for økonomisk resultat, kommersiell utvikling og organisasjon.
Stillinga rapporterer til dagleg leiar i Kulturkontoret AS og til styret i Stiftinga Tysnesfest.
<h4 class="aksel-heading aksel-heading--xsmall aksel-typo--spacing">Hovudansvar</h4>
<ul><li>
Heilskapleg leiing av Tysnesfest --- kunstnarleg, strategisk og økonomisk
</li><li>
Resultat- og budsjettansvar
</li><li>
Kunstnarleg profil og programmering
</li><li>
Sponsorsal og utvikling av partnarskap
</li><li>
Relasjonsbygging mot artistar, bransje, næringsliv og samarbeidspartnarar
</li><li>
Leiing av produksjonsteam og samarbeid med arenaansvarlege
</li><li>
Representere festivalen eksternt
</li></ul>
Festivalen vert utvikla i tett samarbeid med Kulturkontoret AS, der både dagleg leiar og sentrale nøkkelpersonar er aktivt involverte i vidare strategisk arbeid. Endeleg fordeling av oppgåver --- til dømes innan booking eller andre funksjonar --- vert avklart i dialog med rett kandidat.
<h4 class="aksel-heading aksel-heading--xsmall aksel-typo--spacing">Organisering og rolleutforming</h4>
Stillinga er ei fast 100 % tilsetjing i Kulturkontoret AS, der Tysnesfest vil vere ditt kjerneoppdrag.
Kulturkontoret AS er eigd av Stiftinga Tysnesfest og Tysnes Kraftlag og utviklar og driv fleire kultur- og utviklingsprosjekt i regionen. Selskapet har i dag roller i mellom anna Festidalen, Utkant, First Lego League Sunnhordland, og fleire prosjekt i Stiftinga Framtidshavet, blant anna Rein Hardangerfjord.
For rett kandidat kan rolla òg utvidast med ansvar innan kommunikasjon, reiseliv eller andre prosjekt i Kulturkontoret si portefølje. Samla ansvarsområde vert fastsett ut frå kompetanse, erfaring og rolleomfang.
<h4 class="aksel-heading aksel-heading--xsmall aksel-typo--spacing">Kven me ser etter</h4>
Me søkjer ein trygg og ambisiøs leiar med gjennomføringskraft og strategisk blikk. Du trivst i skjeringspunktet mellom kunst, kommers og organisasjon og er komfortabel med både langsiktig utvikling og operative avgjerder.
Me ønskjer at du har:
<ul><li>
Erfaring frå festival, kulturverksemd eller større prosjektleiing
</li><li>
Lokal forankring eller god kjennskap til regionen
</li><li>
Erfaring med budsjett- og resultatansvar
</li><li>
Forretningsforståing og evne til å utvikle inntektsgrunnlag
</li><li>
Sterke relasjons- og kommunikasjonsevner
</li><li>
Erfaring med å leie og motivere team
</li></ul>
Det er ein fordel om du har nettverk i musikkbransjen og erfaring med booking eller sponsorarbeid.
<h4 class="aksel-heading aksel-heading--xsmall aksel-typo--spacing">Me tilbyr</h4>
<ul><li>
Ei sentral leiarrolle i ein etablert og respektert festival
</li><li>
Eit aktivt og profesjonelt kulturmiljø i regionen
</li><li>
Moglegheit til å forme både rolle og kunstnarisk retning
</li><li>
Fast 100 % stilling
</li><li>
Løn og ansvarsomfang vert fastsett ut frå kompetanse og samla rolle
</li><li>
Muligheter for profesjonell utvikling og nettverksbygging
</li><li>
Fleksibilitet i arbeidstid
</li></ul>

Har du lyst til å leia ein av Noregs mest særeigne festivalar?